Según lleemos en Infoasturies:

Confirmóse que la Conseyera de Bientar Social, Pilar Rodríguez, abrió espedientes disciplinarios a dos trabayadores de la UPA del Materno-Infantil d'Uviéu. En concreto A su coordinador : Aurelio Sánchez; y a un educador y miembro del Comité d'Empresa : Luis M. Rodriguez García.

A los trabayadores espediéntenlos, según denuncia el Coleutivu Social y Justicia "por nun siguir conductos internos pa espresar la so disconformidá cola situación que viven los menores y el personal del centru". En concreto por espublizar cartes en medios de comunicación denunciando "la falta de medios, de voluntá política, y el continuu incumplimientu de promeses feches a menores y trabayadores por Dña Eva Sanchez (IAASIFA) y Dña Pilar Rodríguez".

Yá tan nombraos los instructores y secretarios del procedimientu tando a la espera de que se califiquen los fechos, y se proponga una sanción.
L'espediente d'Aurelio S. ta más avanzáu y yá se comunicó al Comité d'Empresa de la Conseyería de Vivienda.

Social y Justicia siñala que demientres tol 2008 la Conseyera y el so equipu decidieron apostar "por sancionar a les personas que denuncien el incumplimientu sistematicu de la normativa de menores por parte de los responsables de la Conseyería".

Con toa esta situación de represión na alministración la situación na UPA sigue igual que dende marzu, "incumplimiento de la normativa d'infancia y dificultaes na documentación de los menores".

Según lleemos en Infoasturies:

Nos ultimos quince díes hebo 4 accidente llaborales con resultáu de muerte, los dos últimos ayeri en Carreño y en Grau.

No que va d'añu 2008 son yá 16 los trabayadores que perdieron la vida nel puestu de trabayu n'Asturies. Un 60% más que nel mesmo períodu del año 2007.

Nos quince díes ultimos la escalada de siniestrabilidá llaboral algamó niveles preocupantes al perder la vida 4 trabayadores nel puestu de trabayu. La xornada d'ayeri foi permala col resltáu de un trabayador muertu en Carreño y otru en Grau.

E.S.S,trabayador de Alfeizar Construcciones de 55 años, resulto firíu tando trabayando en La Fontanina (Carreñu) y foi atendíu in situ al caer d'una altura de dos pisos. Darréu, foi treslladáu al Hospital Central d'Asturies n'onde morrió.

J.C.S.G., de 42 años, resulto firíu de gravedá al recibir un golpe na cabeza con un portón de fierro que-y produxo una frayadura cranial ya una firida fonda na frente y na mexella polo que tuvo que ser entubáu.

L'accidente tuvo llugar en Sotiellu (L.lena) tando l'obreru trabayando nes obres de la Variante de Payares.

Según informa Europa Press:

Los Sindicatos Otecas, USO, FSIE, CC.OO y FETE-UXT, representativos de los trabayadores de los centros concertados d'Asturies, mostraron güei al traviés d'un comunicáu la so satisfaición pola aprobación, el pasáu 26 de xunu, de la proposición non de Llei referente a les reivindicaciones de los trabayadores de centros concertados d'Asturies.

Dicha proposición foi presentada pol Grupu Parlamentariu d'Izquierda Xunida, Bloque por Asturies, los Verdes y encamienta al Gobiernu a "puxar pola negociación inmediata" de temes como plantiyes, y reducción de carga llectiva, la xubilación parcial incentivada pol profesoráu, el complementu de maestros de la ESO y el complementu autonómicu pal Personal d'Alministración y Servicios.

Les organizaciones sindicales recordaron que dicha parte de la proposición foi apoyada por tolos Grupos Parlamentarios y consideren qu'esta aprobación supón "un gran apoyu a les sos reivindicaciones".

De la mesma manera, encamentaron al Gobiernu Popular a que realice los trámites necesarios pa dar cumplimientu a la mesma.

Según lleemos en Asturnews:

Según denunciaba esti día el SUATEA, en vísperes de vacaciones, "la Conseyería de Educación acaba dictar unes instrucciones (dicen que provisionales, pero coles que los Equipos directivos tán trabayando dafechu pa organizar el próximu cursu escolar) de les que'l profesoráu nun tien conocimientu y coles que van atopase cuando s'incorporen a los centros".

Estes instrucciones, nun tan negociaes colos sindicatos, como asocede davezu según el SUATEA y "suponen importantes cambios na xornada llaboral del profesoráu, pasando los istitutos de tener seis periodos llectivos diarios a siete, prolongando la xornada llaboral del alumnáu y del profesoráu de manera gratuita".

B.P.F, de 38 años, morrió nel Pozu Monsacro (HUNOSA) de Riosa al ser aplastáu por una vagoneta.