Creative Commons 3.0 RSS CSS 2.1 XHTML 1.0
Entrar  
Rexistru
La actualidá llaboral asturiana 
Escrito por ObservatoriuLlaboral el xueves, 16 xunetu de 2009

Según informa Europa Press:
Miembros de Ganaderos Uníos, agrupación creada al marxe de los trés sindicatos agrarios (Asaxa, COAG y UCA) repartió güei de baldre 3.000 lliltros de lleche nel Paséu Los Álamos d'Uviéu, amás de cortar demientres un bon ratu'l tráficu d'esta vía.

Tratábase d'una protesta pa exixir la intervención de l'Alministración en favor del pagu d'unos mayores precios pola lleche a los productores, recordando que, les industries tán pagando la materia a este 22 y 25 céntimos, menos la Central Llechera Asturiana, que lo fai a 30. Esta cifra ye'l mínimu exixible pa "dir tirando en tiempos de crisis", según esplicó'l presidente de Ganaderos Uníos, José Pedro. Sicasí, matizó que sólo 1.600 de los 2.700 ganaderos de lleche qu'hai nesti momentu n'Asturies producen pa la Central.

"Los políticos tienen que defendemos, que pa eso los votamos; ellos son los que tienen ferramientes abondo pa intervenir a les industries y grandes superficies, sobre esos precios que mos tán pagando, que nun son aceptables, que mos lleven a la ruina", exixó.

Pa informar d'estes cuestiones a la ciudadanía, instalaron un puestu nel Paséu Los Álamos, ante la plaza de La Escandalera, dende'l que se repartía lleche de baldre en cartones blancos de Ganaderos Uníos, al tiempu que s'esplicaben les sos principales reivindicaiones.

Posteriormente, los ganaderos ellí presentes decidieron cortar la carretera, llanzando contra l'asfaltu dellos cartones de lleche, a la voz, dalgunos d'ellos, de 'val más tirala que vendela'. Nun se produxo nengún incidente.

Al traviés d'un comunicáu, acusaron a los políticos de "mirar pa otru llau", porque "el sector agrariu en xeneral nun-yos importa". También atacaron a los sindicatos agrarios (COAG, UCA y Asaja), que "lleven trés años representándomos illexítimamente, pues ésti ye'l tiempu que fai que debíen celebrase elecciones sindicales".

CONSUMIR LLECHE ASTURIANO

Al traviés d'una pancarta, Ganaderos Uníos encamentó a la población que consuma lleche producío n'Asturies, pa combatir así la invasión de productos estranxeros.

L'agrupación culpa del descensu de precios a la invasión de lleche "foriato, principalmente de Francia y Portugal, a baxu preciu, mui perbaxo del coste de producción, distorsionando d'esta manera'l mercáu y faciendo que les nueses esplotaciones se vuelvan inviables".

Por esti motivu, José Pedro esplicó que "los cartones tienen que llevar una marca 'Q', certificando la trazabilidá de la lleche, pa que se diferencie la española de la francesa".

Escrito por ObservatoriuLlaboral el llunes, 13 xunetu de 2009

Según RTPA:
El xulgáu de lo mercantil númberu 1 d'Uviéu aprobó güei l'Espediente de Regulación d'Emplegu (ERE) de la empresa Factorías Julianas que afectará a 50 trabayadores, según recueye la resolución.

Magar de la fecha de comunicación abrese un plazu másimu de 30 díes pa que la empresa se ponga d'alcuerdo col comité d'empresa y un plazu másimo de 15 díes pa que l'autoridá llaboral informe al Xulgáu de lo Mercantil, que depués de estes dos acciones sedrá l'encargáu tamién de dictar l'auto correspondiente.

El xuez considera que concurren nesti casu toles condiciones dau que la solicitú foi presentada pola parte llexitimada y apurriéronse documentos xustificativos de les medíes coleutives necesaries nes rellaciones llaborales, pa algamar los oxetivos fixaos na norma.

El Xulgáu de lo Mercantil nº 1 declaró recientemente en concursu d'acreedores a Factorias Juliana. Según recoyía l'autu xudicial, la empresa cuenta con un pasivu anicial de diez millones d'euros.

El concursu d'acreedores yera ún de los pasos pa poder dar entrada a un nuevu comprador que dé una solución de continuidá al astilleru, como vien reclamando la plantilla, anque el futuru de la empresa ye inciertu.

Dende el Gobiernu del Principáu insistese'n que hai empreses interesaes.

Escrito por ObservatoriuLlaboral el domingu, 12 xunetu de 2009

Según lleemos en RTPA:
Unes dos mil persones se manifestaron güei na llocalidá de Candás, nel conceyu Carreñu, escontra'l pieslle de la fábrica d'Albo, según indicaron a Europa Press dende la organización de la movilización, que salió a les 12.00 horas del cai y terminó na plaza l'Ayuntamientu.

El responsable de la Federación de Agroalimentación de CC.OO, José Antonio Iglesias, dixo que l'"apoyu" recibíu polos ciudadanos de Candás asoleya lo "difícil de talantar" que ye pa'l conceyu el pieslle de la factoría tres más d'un sieglu d'hestoria.

Tamién dixo que'l procesu de pieslle y tresllau a Vigo supondría "munchos enguedeyos" pa los trabajyadores yá que implicaría "otra hipoteca o alquiler" al empar que apeló a la "dependencia familiar".

"Si pieslla Albo en Candás, quedará un Candás menos pesqueru y más urbanizable", llamentó, al empar que siñaló que nun hai novedaes sobre les condiciones de los tresllaos o la posibilidá de indemnizaciones.

Pa'l responsable sindical "nun hai fundamentu económicu nin productivo" pa'l treslláu de la producción a Vigo, ya instó a la empresa a plantear otres opciones pa que la fábrica de Candás nun se vea obligada al pieslle como consecuencia de esa decisión empresarial.

Nesti sen, recordó que'l Gobiernu del Principáu asoleyó la so disposición a estudiar subvenciones pa que se mantenga la actividá nel conceyu asturianu, lo mesmo pa conservar la producción, como pa'l desarrollu d'otros productos. Iglesias siñaló que seguirán les reuniones de los trabayadores pa marcar la so posición na mesa de negociación.

Escrito por ObservatoriuLlaboral el domingu, 12 xunetu de 2009

Según informa Europa Press:
ArcelorMittal y los sindicatos UXT, CC.OO y USO algamaron güei un preoacuerdu que va permitir integrar a 300 trabayadores de les auxiliares na empresa siderúrxica. L'acuerdu algamóse al aceptar la empresa retirar la llende d'edá y el criteriu de preselección pa incorporar a los trabayadores, según confirmaron a Europa Press fontes sindicales.

De primeres, la empresa exixía aplicar na selección del personal los mesmos criterios qu'usa la multinacional y qu'establecen una llende d'edá de 48 años. Ésti foi ún de los motivos qu'orixinó que CC.OO se llevantare'l pasáu miércoles de la mesa de negociación. La empresa aconceyóse a primer hora d'esta mañana colos sindicatos qu'algamaron un principiu d'acuerdu. Los sindicatos deben agora someter el documentu que presentó la compañía a les asamblees.

Una vez revalidáu l'acuerdu polos trabayadores, ta pendiente de negociase los puestos a integrar y los que van ocupar esos puestos. D'eso va ocupase una comisón de siguimientu. Fontes de la empresa esplicaron a Europa Press que la voluntá de la compañía ye entamar los trabayos "lo primero posible" previsiblmente, la próxima selmana. Estes mesmes fontes refugaron comentar los términos del documentu al que güei dieron el preste los sindicatos.

Pela so parte, CC.OO calificó de "mui positivu" l'acuerdu dempués de llograr que se retirare la bolsa de personal eventual y que s'evitare la llende d'edá. Los 300 trabayadores van incoprorase a ArcelorMittal a partir d'ochobre.

En cuanto a los otros 200 trabayadores de les auxiliares, el compromisu ye prexubilar a 150, con edaes que ronden los 58 y 59 años. Estos trabayadores van pasar a un espediente de regulación d'emplegu hasta cumplir los 60 años. Los otros cincuenta trabayadores van siguir na plantiya de la so actual empresa. CC.OO garantizó l'emplegu pa toos y que "nun va adoptase nenguna midida traumática pa naide".

"Vamos siguir la fórmula que se fizo en Suzuki o Duro Felguera de manera que los trabayadores con 58 años van dir pa casa", informó CC.OO.

Pal sindicatu, "el xiru que dio la situación supón un gran avance, dao que les negociaciones algamare un puntu mui peligrosu, poniendo en grave riesgu la estabildiá del emplegu y el futuru de la siderurxa n'Asturies".

El sindicatu tamién apuntó qu'esti procesu nun supón "nueves contrataciones" sinón "una reorganización interna entamada pol xigante siderúrxicu pa recomponer la so estructura interna, tres la cayida del mercáu".

Dende la Federación d'Industria de CC.OO, confíase en que les negociaciones lleguen a bon términu pa tol colectivu d'auxiliares integráu por más de 2.300 trabayadores.
Ver Comentarios (4) Temes relacionaos: Arcelor 

Escrito por ObservatoriuLlaboral el domingu, 12 xunetu de 2009

Este blog nace a modo de denuncia, queremos que sea un punto de partida para que tú, seas de donde seas, puedas denunciar la situación laboral en la que te encuentres. Hoy cuando nos encontramos sumidos en una crisis que nosotros no hemos creado, pero la que si padecemos, estamos expuestos a la vorágine de los tiburones empresariales, que utilizando sus dientes nos están llevando a la mayor crisis humanitaria de la historia. ¡¡Ya esta bien!! esto no se puede consentir. No se puede consentir que empresas con beneficios las desmantelen para llevárselas a países donde los costes de producción son mas bajos, donde los derechos humanos no se respetan, donde las personas trabajan de sol a sol por un mísero salario y en condiciones infrahumanas para subsistir. No podemos consentir que el rico cada vez sea más rico y el pobre, más pobre. No podemos consentir se que ultrajen nuestros derechos, somos personas.
Denúncialo...!! este es tu blog
Denúncia lo que te pasa, cuéntanoslo a todos, que entre todos, podremos hacer un mundo mejor.

http://vesuviussomostodos.blogspot.com/
Ver Comentarios (4) Temes relacionaos: Info  Vesuvius 

Escrito por ObservatoriuLlaboral el martes, 7 xunetu de 2009

Según informa Europa Press:
ArcelorMittal ofreció güei a los sindicatos más detalles sobre los planes de reestructuración de les empreses auxiliares, unos planes que nun gusten a los sindicatos, polo menos a CC.OO, qu'asegura que dicha propuesta pa contratar a 300 trabayadores de sectores diba dexar fuera a 140 operarios que "nun encaxen nel perfil".

Según esplicó a Europa Press el representante de CC.OO, Nicomedes Sánchez, la empresa pretende integrar a los trabayadores de los diferentes departamentos de la llinia de producción, ye dicir, los que yá vienen desarrollando esos llabores, dalgo no que ta d'acuerdu la organización sindical.

Sin embargu, el perfil que propón la multinacional diba dexar fuera a los mayores de 46 años, lo cual nun lo almiten los de CC.OO. "D'esta manera hai 110 operaciones que cumplen el perfil, pero más de 140 nun lo cumplen y nun tamos dispuestos a aceptar esa propuesta", dixo Nicomedes Sánchez.

CC.OO va mostrar el so refugu a esta propuesta nel nuevu conceyu que va tener llugar mañana cola direición de la multinacional.
Ver Comentarios (4) Temes relacionaos: Arcelor 

Escrito por ObservatoriuLlaboral el sábadu, 4 xunetu de 2009

Según lleemos en Les Noticies:
Depués de meses de llucha y reivindicación, les tres trabayadores despidíes de la fábrica de Litoral que Nestlé tien en Xixón llegaron a un alcuerdu d'indemnización primero de que se celebrara'l xuiciu.

Nun comunicáu, les conocíes como güeles de Litoral espliquen que la empresa propúnxo-yos realmitiles o indemnizales, anque la primer posibilidá implicaba'l despidu d'otres tres persones. En viendo esa situación, decidieron aceptar la indemnización de 15.000 euros que-yos ofrecía la empresa porque, amás d'evitar los despidos d'unes compañeres, pueden establecer un plan pa, n'acabando'l paru, siguir cotizando a la Seguridad Social y poder xubilase.

Les trabayadores, espliquen nel comunicáu, «queremos agradecer a tolos compañeros l'apoyu dau nestos meses de llucha y tamién a los medios de comunicación, porque ensin ellos esti alcuerdu nun diba ser posible».

Ir a página 1 2 3 4 ... 128 129 130