Según informa Europa Press:

Los tres sindicatos --UXT, CC.OO y CSI-- refugaron güei de planu la propuesta presentada por Naval Xixón al comité d'empresa que supón el zarru del astilleru con un plan de prexubilaciones pa 55 de los trabayadores y la recolocación en Factorías Juliana pal restu de la plantiya, 44 emplegaos.

La propuesta de Naval Xixón, trata de "garantizar la estabilidá llaboral y profesional de la totalidá de los trabayadores", según informó la propia compañía, qu'esplicó que pa dambos grupos d'emplegaos la salida diba producise en tres fases. El primer grupu, a la firma del acuerdu col Comité d'Empresa de Naval Xixón; el segundu grupu, a la entrega del buque 703, prevista pa finales d'ochobre y el tercer grupu, tres la finalización de l'actividá del astilleru.

Pero la propuesta, que ya fuera avanzada nel mes de xunu, cuenta col refugu "total" de los sindicatos. Nesti sen, el representante de CC.OO, Santiago Escosura, manifestó en declaraciones a Europa Press, qu'entienden que'l "saniamientu financieru y la busca d'un empresariu son complicaos y puen retrasase, pero nun pasa lo mesmo cola contratación de carga de trabayu".

"En resume, la empresa confirma la so idea de zarru en cuantes s'entregue'l buque nel que trabayamos", dixo Escosura, qu'añadió que "nin entienden nin comparten esi posicionamientu del pieslle porque lo que tien de facer Pymar ye cumplir lo firmao".

Asina indicó qu'alcontrar carga de trabayu ye "fácil na situación actual y ye dafechu viable nel mercáu actual, onde tolos astilleros tán a rebosar", polo que nun llogra entender por qué s'opta pol zarru pa dexar "un únicu astilleru na ciudá".

Nel conceyu d'esta mañana la Direición de Naval Xixón entregó al Comité d'Empresa la llista de los trabayadores que s'enmarquen tanto nes prexubilaciones como na recolocación. De magar el mes de setiembre, Naval Xixón va presentar el detalle de les condiciones individuales de dambos.

J.L.P.F. sufrió un accidente cuando taba trabayando nes obres de la carretera AS-230 a l'altura del kilómetru 15 en Armá. El trabayador quedó atrulláu nuna zanxa al argayar un terreru.

D.A.C., trabayador de Duro Felguera de 26 años d'edá, resultó mancáu de gravedá ayeri al caer d'una altura d'unos seis metros mientres trabayaba na instalación de la desulfuradora de la Central Térmica de Llada, en Llangréu.

Según lleemos en Infoasturies:

Esti Llunes 14 hai programada una charra informativa sobre la grave situación represiva que sufren trabayadores d'Alimerka. L'actu va facese nel Centru Social "Sestaferia" (cai Numa Gilhou de Xixón a les 19:30 hores).

Despedíu un trabayador por recoyer firmes a favor d'un salariu de 1.000€ al mes xunta él foron despedíos la so muyer y la so hermana tamién trabayadores de la empresa.

Los trabayadores d'Alimerka tan denunciando la esistencia de contratos illegales, xornes de trabayu escesives, insultos y acosu llaborales y sindicales.

La represión llaboral n'Alimerka cobráse tamién segun la denúncia pública, ocho trabayadores que denunciaron insultos y vexaciones d'un supervisor foron despedíos o represaliaos. Amás otra trabayadora foi despedía "por nun face-yos la cama a los compañeros/es"

El trabayador A.T.P. de 49 años, de la socontrata DAORJE que trabayaba para COGERSA morrió en Noreña al ser atrulláu pol mecanismu que recueye la basura del camión 3954-DLR.

Al paecer, l'home llevaba atada na cintura l'accionamientu'l mecanismu y al posase nél accideentalmente punxolu en funcionamientu de forma involuntaria,

El trabayador que conducía una hormigonera na carretera Avilés - Lluanco morrió al sufrir un accidente nel tramu ente Perdones y Santiago de Ambiedes al baltar el vehículu nun desnivel d'unos 10 metros por causes desconocies.

J.M.F.F resultó muertu na Cantera de Rañeces (Grau). El trabayador quedao encolingáu d'un pide al desprendese una piedra de la cornisa na que taba trabayando.