I.B.M. y J.M.F.Z resultaron firíos al voltiar el coche bomberos nel que diben pela A-66 a la altura de Mieres, direición a Uviéu. L'otra persona que viaxaba nel vehículu resultó illesa.

Dambos firíos foron treslladaos al Hospital Álvarez-Buylla con firíes na cabeza y rodiella respeutivamente.

M.V.F., de 37 años y vecín de Llieres (Sieru) morrió ayeri en Ponga a les 12.40 hores, al caer la pala que manexaba dende una altura de 20 metros hasta un ríu cuando taba faciendo les llabores de reparación de la carretera PO-2 nel tramu Viegu-San Inaciu pa l'empresa Construcciones y Protectos S.A. (OCA)

Fontes:
-Europa Press
-El Comercio

A.R.L, de 50 años y vecín de Taramundi morrió al ser corniáu por un güe de la so propiedá.

Sigún Europa Press:

Nel momentu del acccidente taba nel prau, dao que la so muyer tien una ganadería con unes 20 pieces. Según señalaron los vecinos había una vaca en celu y el güe abalanzóse sobre'l muertu, dándo-y una fatal corniada.

Ún de los vecinos tentó d'ayudalu y trató de pegar al animal con una ferramienta pa que lu dexara en paz, pero resultó inútil, debío a la fuercia de la corniada inicial.

Los vecinos de la zona alertaron a les 12.40 al Centru d'Emerxencies 112, dende onde se procedió a movilizar al helicópteru pa treslladase hasta la zona.

Sin embargu, finalmente l'helicópteru nun llegó a salir porque, minutos más tarde, recibióse l'avistu de que morriera.

Visto en Europa Press

El pilotu d'un helicópteru de la Brigada de Refuerzu d'Incendios Forestales, dependiente del Ministeriu de Mediu Ambiente, resultó firíu ensin consideranza al cayer l'aeronave nuna isla del ríu Nalón, na población de Veiga, na parroquia de Peñaflor, nel conceyu de Grau, cuando participaba nos llabores d'estinción d'un incendiu cercanu a la población de Riosecu.

Según informaron fontes del serviciu d'emerxencies del Principáu al traviés d'una nota prensa, el pilotu salió pel so propiu pie del helicópteru y foi atendíu pol equipu médicu del grupu de rescate de Bomberos del Principáu d'Asturies. El pilotu presentaba "machucadures" y va ser treslladáu a la base de Tinéu polos sos compañeros d'equipu.

El centru de Coordinación d'Emerxencies del 112 Asturies recibió les primeres llamaes alertando del accidente a les 15.23 hores, movilizando al grupu de rescate de Bomberos del Principáu d'Asturies.

L'accidente prodúxose cuando'l pilotu taba realizando les maniobres necesaries pa cargar agua del ríu destinada a apagar l'incendiu que se traba produciendo nes inmediaciones de Riosecu. Nesi momentu, viaxaba sólo porque'l restu de los compañeros taben ya trabayando nos llabores d'estinción.

Estos son los datos resumíos por seutores de los accidentes de trabayu rexistraos n'Asturies a lo llargo del añu pasáu nel que sumáronse 21.164 feríos y 23 muertos.

Por rames, la que más accidentes mortales rexistra ye la de la construcción, siguía pola metalurxa.

	Total	Leves	Graves	Mortales
Agrariu	550	531	18	1
Non Agrariu	20.614	20.421	171	22
Industrial	7.890	7.817	62	11
Construcción	5.274	5.216	52	6
Servicios	7.450	7.388	57	5
TOTAL	21.164	20.952	189	23

Puen consultase les cifres oficiales completes nel Avance de xineru a avientu de 2007 del "Boletín de Estadísticas Laborales" del Ministeriu Trabayu.

L'accidentáu grave el pasáu 29 xineru en Saint Gobain morrió el miércoles 13 nel Hospital San Agustín.

M.A.Q., de 47 años y nacíu en Cuideiru morrío ayeri al volcar el camión articuláu que conducía onde la factoría d'Arcelor en Veriña (Xixón).

Más información en RTPA