Vía Asturnews:

La totalidá de les organizaciones sindicales del sector de la Enseñanza Concertada (OTECAS, USO, FSIE, CC.OO y FETE-UXT) exixeron güei al Principáu la igualación de la media de profesores por unidá cola enseñanza pública, ya que según afirmen les diferencies actuales "son considerables" y repercuten nel rendimientu de los docentes.

Los representantes docentes responsabilicen al Principáu d'esta situación al non algamar el "acuerdu de plantiyes" colos centros concertaos que vienen demandando. "Tres ocho años de Gobiernu d'Areces, non sólo siguimos ensin acuerdu, sinón que los centros tienen menos plantiyes que nel 2001 y al tiempu tienen que satisfacer mayores necesidaes", afirma'l comunicáu que ficieron públicu ayeri.

Según esplicó Juan Luis Barrera, voceru d'Otecas, nesti momentu les diferncies de ratio profesor/unidá ente la concertada y la pública son les siguientes: n'educación infantil un profesor por unidá na concerta y 1,33 na pública; en primaria, 1,17 na concerta y 1,5 aproximadamente na pública; y en secundaria 1,32 na concertada y 2,91 na pública.

Según los sindicatos, "esta situación repercute de manera direuta nes condiciones de trabayu, dificultando la reducción de la carga llectiva, y exixe a los y les trabayadores un esfuerzu munchu mayor p'algamar una enseñanza de calidá".

Los sindicatos tamién criticaron al Gobiernu del Principáu porque, según informaron, decidió impugnar el conveniu de centros concertaos, firmáu poles centrales y les patronales a nivel estatal, no referente a la paga estraordinaria d'antigüedá. Trátase d'un abonu que reciben los profesores que cumplen 25 años na empresa y que suma la cuantía de cinco mensualidaes, aproximadamente 8.000 euros.

Visto en El Comercio:

La Federación Estatal de Cofradíes de Pescaores tien manifestao el so esmolecimientu pola subía'l preciu'l combustible y sofita que les ayudes mínimes medren hasta 100.000 euros. Asinamesmo pidiose un conceyu urxente cola ministra Eleena Espinosa pa abordar el problema del pagu de les ayudes que aseguren que nun aportaron a los afectaos.

Tamién reclamen que les ayudes se fagan por barcu y non por empresa.

Según llemos en Infoasturies:

Trabayadores de Naval Xixón tornaron a les barricaes cortaron güei'l tráficu nel cruce d'aveníes del oeste de Xixón.
Énte la decisión de la compañía denun contratar nueva carga de trabayu, los trabyadores deNaval Xixón vense, otra vuelta, na situación de tener que tornar a les movilizaciones en defensa de los puestos de trabayu y de la viabilidá del astilleru.
La protesta foi, esta mañana, na retonda de Maximino González, enfrente del astilleru, dempués 'una samblea na que'l comité d'empresa informó del determín de la direición de la compañía: nun contratar nueva carga de trabayu y entrar en cese d'actividá previsiblemente en payares cuando s'acabe'l buque en construición.
La empresa va presentar nel plaz d'un mes el plan de cierre, vinculáu a la incorporación de 41 trabayadores al astilleru Juliana y la prexubilación d'otros 50. CCOO y UGT ven insuficiente la propuesta porque Juliana anunció que nun va respetar les categoríes y la antigüedá de los trabayadores. Pela so parte, la Corriente Sindical d'Izquierda esixe l cotratación de nuev carga de trabayu y refuga dafechu'l plan de cierre.
Con esti panorama, trabayares de Naval Xixón y los de les empress auxiliares prendieron una barricada güei y tornó'l fumu prietu al Natahoyu. Esperense más movilizaciones.

Amás na RTPA fainse eco tamién de la reanudación de les movilizaciones na Naval Xixón con un corte de tráficu.

Actualizáu: Los trabajadores de Naval Gijón volverán el jueves a movilizarse

Según lleemos en RTPA, tan poniéndose númberos a la crísis nel seutor, los ganaderos asturianos perdieron 6,5 millones d'euros nel primer trimestre del añu, siendo ademas un 17% los ganaderos que dexaron el negociu nel caberu añu.

Lleer más

Según informa Europa Press:

Los pilotos d'Air Nostrum confirmaron que van dir a fuelga de seis díes nel mes de mayu, ante "los incumplimientos repetíos del IV conveniu colectivu", per parte de l'aerollinia, informó güei'l sindicatu SEPLA.

Concretamenta, la fuelga, con un 81% del apoyu de los afiliaos al Sepla, va desarrollase los díes 21, 22, 23, 28, 29 y 30 de mayu. Amás, convocaron a otra tolos llunes, martes y xueves de cada selmana, con carácter indefiníu.

La estaya sindical de Sepla n'Air Nostrum "quier dexar claro que la principal torga que la separa de la compañía nun tien que ver con reivindicaciones de carácter económicu, sinón cola falta de respetu demostrada pola emrpesa hacia dellos derechos recoyíos nel actual conveniu colectivu", sorraya nuna nota.

Como principal incumplimientu, los pilotos destaquen les "actuaciones arbitraries en materia de promoción de los profesionales, siguiendo criterios de filiación coles posiciones de la empresa y non d'acuerdu al orde de la llista (basáu n'antigüedá), como recueye'l conveniu".

"La utilización de les polítiques de xestión esterna como midida de presión hacia'l colectivu p'acatar les sos posiciones, l'incumplimientu de les midíes d'adautación de la vida familiar a la llaboral, l'asignación arbitaria de bases ente la plantiya de pilotos, ignorando cualquier procesu previu d'información o convocatoria pa dicha asignación", continúa.

De la mesma manera, denuncie l'incumplimientu del réxime de díes francos tipificáu por conveniu y la imposición de servicios de vuelos nos sos díes llibres, asina como l'ausencia de diálogu y comunicación hacia los representantes sindicales.

Los pilotos d'Air Nostrum van respetar los servicios mínimos que se decreten, col oxetivu de causar les menores molesties posibles a los pasaxeros.

Un obreru de 51 años que trabayaba na obra de Los Balagares, en Trasona pa la constructora Los Robles mancose al ceyer d'un andamiu na tarde d'ayeri.

El resultáu foi una fractura nun pie y contusiones na espalda. Foi treslladáu al hospital San Agustín d'Avilés.

Mientres que, per un llau, lleemos en Europa Press que:

Los sindicatos UXT, CC.OO, Usipa, Simpa, Satse y USAE convocaron pa mañana una manifestación n'Uviéu pol desarrollu de la carrera profesional na Alministración autonómica. Los sindicatos consideren que se realizaron "un desarrollu irresponsable aplicando la carrera únicamente a una parte del personal".

Nun comunicáu, los sindicatos consideren que "la carrera y desarrollu ye un derechu de tolos emplegaos de l'Alministración Asturiana y, dende Función Pública, se mos discrimina de manera vergoñosa creando emplegaos públicos de segunda".

Por esti motivu, les Federaciones de Servicios Públicos y d'Enseñanza d'UXT y les Federaciones de Sanidá y d'Alministraciones Públiques de CC.OO convocaron a les 11 hores de mañana una concentración frente a la Sede de Presidencia. A la convocatoria se sumó Usipa, Satse, Simpa, AMPE y USAE.

Per otru llau, la Corriente Sindical d'Izquierda, fai públicu el siguiente comunicáu valorando les movilizaciones y desplica la so oposión a la carrera que califica de "trapa".