La mayor parte de los contratos con destinu y centru de trabayu n'otros territorios del Estáu a trabayadores que taben n'Asturies durante'l añu 2007 sumaron un total de 36.445. Madrid sigue siendo'l primer destín col 26,53% de los contratos.
Tres Madrid onde más contratos se ficieron foi en Barcelona (8,52%), Lleón (6,13%) y A Coruña (5,74%). Los territorios llindantes con Asturies tamién destaquen nel procentax de contratación, Pontevedra y Cantabria col 4,30% y Lugo col 3,25%. Los datos correspuenden al 'Informe del Mercado de Trabajo 2007' espublizáu pol Inem en xunetu.
D'otra miente, el númberu de contratos con centru de trabayu n'Asturies y procedentes d'otros territorios del estáu, algamó en 2007 la cifra de 19.965. Madrid, sigue siendo, la principal procedencia col 13,43% de contratación. Otres procedencies destacaes son Lleón, (11,32%), A Coruña, (8,96%), Lugo (7,09%), Pontevedra (6,68%) y Cantabria (5,91%).

Comparando col col añu anterior, la tasa de salida (porcentax de contratos de trabayadores que salen dende l'ámbitu territorial de referencia en rellación a tolos contratos rexistraos nesi ámbitu territorial, tengan o non el so destín n'él) menguó un 0,52% asitiándose nel 10,82% (en 2006 fuere'l 11,34%). La tasa d'entrada (porcentax de contratos de trabayadores qu'entren dende un ámbitu territorial diferente al de referencia en rellación a tolos contratos con destín en talu ámbitu territorial) medró un 0,23% algamando'l 6,23%.
En 2007, el númberu de contratos tramitaos n'Asturies medraron en tolos seutores menos na construición que rexistró un descensu superior al 11% en relación al añu 2006.

Igual que n'años anteriores n'Asturies el Seutor Servicios representa más de tres cuartes partes de la contratación (77%), síguelu de lloñe'l de la Construición (13%), Industria 9% y Agricultura y Pesca caltiénse igual, con 1%.

Los Conceyos de Xixón y Uviéu concentren el 53,63% de los contratos, con un total de 171.763 tramitaos. Otros conceyos con contratación destacao son Avilés, Llangréu, Llanera, Mieres y Sieru que sumen 81.704 contratos y que suponen el 25,51% del total.