Creative Commons 3.0 RSS CSS 2.1 XHTML 1.0
Entrar  
Rexistru
La actualidá llaboral asturiana 
Escrito por ObservatoriuLlaboral el martes, 24 marzu de 2009

Según lleemos en Asturnews:
La Xunta de Personal Docente non Universitariu confirmó esti llunes nun conceyu de la permanente la convocatoria de fuelga en tolos centros públicos d'enseñanza del Principáu pal próximu 1 d'abril.

Los integrantes de la Xunta, Suatea, FETE-UXT, CC.OO, ANPE y CSIF, tienen previsto dar anuncia esti martes de nueves movilizaciones que se van desendolcar depués del 1 d'abril.

Escrito por ObservatoriuLlaboral el llunes, 23 marzu de 2009

Según informa Europa Press:
La Xunta de Personal Docente non Universitariu, integrada polos sindicatos Suatea, FETE-UXT, CC.OO, ANPE y CSIF, confirmó güei nun conceyu de la permanente la convocatoria de fuelga en tolos centros públicos d'enseñanza del Principáu pal próximu 1 d'abril, según confirmaron a Europa Press fontes sindicales. Los integrantes de la Xunta tienen previsto anunciar mañana nueves movilizaciones que se van desarrollar dempués del 1 d'abril.

La razón de la movilización ye, según los convocantes, el "absolutu despreciu que'l Gobiernu asturianu muestra hacia'l profesoráu". "La non convocatoria de mesa sectorial de negociación n'Educación supón qu'asuntos de la máxima importancia pal conxuntu de los docentes, tanto funcionarios de carrera como funcinarios interinos nun se negocien", según informaron les organizaciones convocantes al traviés d'una nota prensa.

Los sindicatos que se quexen de qu'a estes altures de cursu se desconoza cuál va ser la ufierta d'emplegu públicu; que les plantiyes de los centros educativos s'aprobaren de manera unillateral y que tampoco fuere oxetu de negociación nin d'información el númberu d'unidaes que van funcionar pal próximu cursu.

De la mesma manera, mostraron el so malestar pol fechu de que la evaluación del profesoráu "impuesta pola Conseyería d'Alministraciones Públiques al traviés del Plan del Siguimientu de l'actividá profesional tampoco fuere oxetu de negociación, incumpla la normativa llegal propia del profesoráu, amás de ser un procedimientu ayenu dafechu a la realidá docente".

Escrito por ObservatoriuLlaboral el vienres, 20 marzu de 2009

Según lleemos en Asturnews:
La Xunta de Personal Docente non Universitariu, integrada polos sindicatos Suatea, FETE-UXT, CC.OO, ANPE y CSI-CSIF, vieno acabante convocar esti xueves una fuelga pal día 1 d'abril en tola enseñanza pública.

Según s'informaba al traviés d'una nota prensa, la convocatoria produzse tres de la manifestación del martes pa espresar el malestar pola actuación de la Conseyería d'Educación y del Gobiernu asturianu y ante la falta de respuesta del conseyeru d'Educación.

Pa los convocantes hai un "absolutu despreciu" por parte'l Gobiernu asturianu hacia'l profesoráu: "La non convocatoria de mesa sectorial de negociación n'Educación supón qu'asuntos de la máxima importancia pal conxuntu de los docentes, tanto funcionarios de carrera como funcionarios interinos nun se negocien".

Los sindicatos quéxense sobremanera de qu'a estes altures de cursu se desconoza cuál va ser la ufierta d'emplegu públicu asina como del fechu de que les plantiyes de los centros educativos s'aprobaren de manera unillateral. Per otru llau, les quexes cinquen tamién a la información sobree'l númberu d'unidaes que van funcionar pal prósimu cursu.

La Xunta fai anuncia na mesma nota de prensa de la convocatoria que tien previsto desixir al Conseyeru d'Educación nuna entrevista que tien de celebrase'l llunes "l'abertura darréu de negociaciones, la convocatoria de la mesa sectorial y la retirada del plan d'evaluación docente, asina como la racionalidá y planificación qu'eviten perxuicios irreparables al nuesu alumnáu".

Escrito por ObservatoriuLlaboral el xueves, 19 marzu de 2009

Según informa Infoasturies:
L'asamblea de trabayadores de mercancíes per carretera d'Asturies alcordó por “unanimidá” convocar una fuelga indefinida a partir del prósimu 25 de marzu. Cola convocatoria, las federaciones del Tresporte d'UGT y CC.OO pretenden responder a la “negativa de la patronal Asetra a incrementar los salarios pal añu 2009” como ta previsto nel conveníu coleutivu 2001-2011.


El conveniu afita según los sindicatos del tresporte que pa esti añu xuben los salarios l'IPC previsto más de dos puntos, colo que se deberíen xubir un 4%. Los sindicatos piensen que'l conveniu ye “mui claru”.

Escrito por ObservatoriuLlaboral el miércoles, 18 marzu de 2009

Según informa RTPA:
Representantes del Comité de empresa de Corporación Alimentaria Peñasanta (CAPSA) presentaron hoy una nueva propuesta a la compañía que supone una "rebaja sustancial" de sus peticiones iniciales que ya consideraban "mínimas", por lo que esperan que mañana "se alcance un acuerdo" sobre las condiciones del nuevo convenio colectivo y "se evite" la huelga prevista para el viernes 20 y el lunes 23 de marzo.

Según apuntaron responsables sindicales, los trabajadores se mostraron "conformes" con la decisión de "rebajar" el carácter de las peticiones durante la asamblea celebrada tras la reunión de esta mañana entre empresa y comité.

No obstante, los representantes de los empleados de Capsa han optado por "no comentar aún el contenido de la propuesta porque está siendo evaluada por la empresa". Así, mañana ambas partes volverán a reunirse con la intención de "llegar a un acuerdo" que satisfaga a patronal y trabajadores, y que permita desconvocar las dos jornadas de huelga.

"Esperamos llegar a acuerdo, de no ser así se abordarán los servicios mínimos para la huelga", explicaron fuentes sindicales ya que las reuniones de negociación se han dilatado hasta mañana, día en el que estaba previsto un encuentro en el Servicio Asturiano de Solución Extrajudicial de Conflictos (Sasec) para abordar la negociación vinculada a la convocatoria de huelga.

"Se ha preferido prolongar las negociaciones que acudir directamente al Sasec para tratar los mínimos de la huelga", apuntillaron desde el Comité de empresa lamentando que la compañía tenga "una dirección inoperante y sin alternativas".

Escrito por ObservatoriuLlaboral el miércoles, 18 marzu de 2009

Según lleemos en Les Noticies:
Más de dos mil profesores d'enseñances non universitaries manifestáronse n'Uviéu en contra de l'aplicación del Plan d'Evaluación del Profesoráu previstu pola Conseyería d'Educación. Esta manifestación convocóla la Xunta de Personal Docente non Universitariu d'Asturies baxo'l lema «¡Retirada yá!", y en contra de esta iniciativa que, al so xuiciu, ye «un control absurdu» pa que los directores de los centros educativos pongan nota al profesoráu.


Los sindicatos SUATEA, FETE-UXT, ANPE, CCOO y CSI-CSIF d'Asturies apoyaron esta manifestación que tamién foi celebrada pa protestar pola non convocatoria de la Mesa Sectorial d'Educación.
La presidenta de la Xunta de Personal, Beatriz Quirós, aseguró qu'esta movilización realízase pol «malestar» que ta produciendo nel profesoráu asturianu l'«alarmante incrementu de xeres derivaes de la improvisación, la descoordinación y la falta de consideración de la Conseyería, que ta entorpeciendo'l normal desenvolvimientu de l'actividá educativa».
Fontes del SUATEA comentaron a esta redacción «que la Conseyería d'Educación reconoz, sotto voce, qu'esti Plan d'Evaluación del Profesoráu pue cambiar la relación llaboral del profesoráu cola Alministración; trátase d'una nueva carrera profesional na qu'ún profesor p'avanzar en perres, en derechos, en reconocimientos va tener que contar col preste d'esa evaluación. La Conseyería d'Educación nun tien competencia sobre esto. Ye Alministraciones Públiques, la conseyería d'Ana Rosa Migoya, la que da les órdenes d'evaluar a los profesionales. Educación lo único que fai ye adaptar una serie de cuestiones técniques pa ponenos una putuación determinada. Esto ye esperimental, de momentu, pero ta claro que l'Alministración quier exercer esi control. Los enseñantes yá tenemos evaluaciones efectives: sistemes d'inspección, etc.».
El malestar al que se refier Beatriz Quirós débese, sobre manera, a la coincidencia nel tiempu d'esta evaluación «con otros papeleos burocráticos» a los que se ve sometíu'l profesoráu: la evaluación diagnósticu, evaluacióbn PISA, les evaluaciones de los alumnos y otros papeleos que fixen los centros.«La xente nos centros ta paralizao. Date tiempu a facer too, menos a poner clase», argumenten.


SUATEA, nesti sen, observa con preocupación el vaciamientu de competencies de la Conseyería d'Educación, vaciamientu qu'enriqueció les responsabilidaes d'Alministraciones Públiques. «Cada pasu que da'l Conseyeru Riopedre, tien que pidir permisu: pa la ufierta d'empléu públicu, pa convocar les oposiciones... ta ehí de pelele, efectivamente», afirmen.
Otra manera, reclamen a la Conseyería d'Educación que negocie colos «lexítimos» representantes de los trabayadores los temes referentes al sistema educativu y, nesti sen, esixeron la convocatoria de la Mesa Sectorial d'Educación. «Ta convocándose la Mesa Xeneral de Funcionarios Públicos, na qu'Educación por proporcionalidá nun tien representación. Los médicos son 1.000 funcionarios más que los enseñantes y tán dividíos n'ocho árees sanitaries. Cada área sanitaria tien una Xunta de Personal. Nós namás tenemos una Xunta de Personal. A la hora de la representatividá (nós tenemos 42, los médicos 170) el SUATEA tuvo que dir como asesor d'un Sindicatu de Sanidá. Y asina toos».
Acusen a l'Alministración de nun falar colos representantes sindicales de la enseñanza y de facer «meros paripés».
«Cambiaron les normes depués d'unes elecciones sindicales. Lo que tán faciendo ye quitanos los derechos sindicales a los trabayadores de la enseñanza. Los docentes nun tamos a la hora de negociar», aseveren. La Conseyería d'Educación nun negoció colos representantes educativos dende hai dos años, depués de les últimes elecciones sindicales, nel que SUATEA s'alzó como sindicatu mayoritariu, y la entrada en vigor del Estatutu de la Función Pública.

Escrito por ObservatoriuLlaboral el martes, 17 marzu de 2009

Según lleemos en Asturies.com:
Los trabayadores de Corporación Alimentaria Peñasanta (Capsa) decidieron adelantar la convocatoria de fuelga a los díes 20 y 23 de marzu, "ante la repercusión" del paru del tresporte, previstu de magar el día 25 de marzu y con carácter indefiníu, según apuntaron fontes sindicales a Europa Press.

Asina, s'adelanten les xornaes de fuelga previstes de primeres pa los díes 24 y 26 de marzu. "La decisión tomóse esti vienres, cuando se diba presentar la convocatoria, al conocer que'l sector de tresporte decidía dir a la fuelga", esplicaron representantes de los trabayadores de Capsa.

Sicasí, la intención reivindicativa de les dos xornaes de fuelga sigue calteniéndose pa los trabayadores de Capsa ante lo que califiquen una situación "complexa" per parte de la empresa.

Amás, los responsables sindicales indicaron que mañana martes 17 de marzu s'aconceyen el comité d'empresa y representantes de la compañía alimentaria pa buscar un averamientu. De la mesa manera, prevése un conceyu'l xueves nel Serviciu Asturianu de Solución Estraxudicial de Conflictos (Sasec) pa tratar la negociación rellacionada cola convocatoria de fuelga.

El comité reclama una subida del IPC real más un puntu, y la empresa propón una subida del IPC a cambiu de que los trabayadores aceptaren trabayar dos domingos siguíos. Los emplegaos calquen en que "nun ye un conflictu por dineru, sinón pa defender los puestos de trabayu y la meyora de les condiciones llaborales, especialmente de les categoríes inferiores eventuales y les nueves incorporaciones" ante una propuesta que consideren "l'intentu de crear una subcategoría".

Ir a página 1 2 3