Creative Commons 3.0 RSS CSS 2.1 XHTML 1.0
Entrar  
Rexistru
La actualidá llaboral asturiana 
Escrito por ObservatoriuLlaboral el xueves, 18 xunu de 2009

Según informa Europa Press:
Los trabayadores de la planta que la empresa Vesuvius Ibérica Refractarios tien en Llangréu dixeron güei que tán dispuestos a treslladase en próximos feches hasta Bruseles pa manifestase ante la sede central de la compañía si los sos responsables siguen calteniendo la so intención de pesllar la planta n'Asturies en setiembre.

Más de 300 persones llegaron güei a Uviéu a les 13.00 hores, tres una marcha a pie que salió de Llangréu a les 8.30 hores de la mañana, como midida de protesta pola decisión de Vesuvius. Los trabayadores tiraron abondos restayos a la llegaa a Uviéu y llevaben una pancarta qu'encabezaba la movilización cola conseña 'No al cierre de Vesuvius', que colgaron na valla de la Xunta Xeneral del Principáu.

Glayaben conseñes como 'Ea, ea ea, Vesuvius no se cierra', o 'Asturies se salva luchando', o 'la próxima visita será con dinamita'. Asitiáronse delantre del edificiu de la Xunta Xeneral hasta qu'a lo último siente de los sindicalistes algamaron el permisu necesariu pa entrar nel edificiu pa que los recibieren los trés grupos parlamentarios con representación: PSOE, PP, y IU-BA-Verdes. Los trabayadores entraron na Xunta col puñu n'alto, mientres el restu esperábalos na cai, animándolos. Ente los asistentes taba l'alcaldesa de Llangréu, Esther Díaz, que s'unió a los manifestantes n'Uviéu.

Una vez dientro de la Xunta, fueron siete los sindicalistes que s'aconceyaron colos diputaos del PSOE Benigno Enríquez y Constantino Fernández, los del PP Ovidio Sánchez y Carlos Galcerán, y el voceru d'IU-BA-Verdes, Jesús Iglesias.

Tres l'alcuentru que foi de dalgo más de 20 minutos, el responsable estatal del sector del Vidriu y la Cerámica de CC.OO, Alfredo Suárez, dixo que los grupos parlamentarios diéron-yos el so apoyu y qu'ellos pidiéren-yos que realizaren una "presión política" pa evitar que se pieslle la planta de Vesuvius n'Asturies.

Los trabayadores insistieron en que la empresa ye vidable y tien carga de trabayu polo que nun existe nenguna razón pal so zarru. El miembru del comité d'empresa, Luis Fernández, dixo que nun ye normal qu'una empresa que tien beneficios quiera pesllar de la nueche a la mañana, nun casu claru de desllocalización.

Pela so parte, Benigno Enríquez, esplicó que nel plenu de mañana, la Xunta Xeneral va aprobar una moción d'apoyu. Dixo que la posición de la empresa "nun s'entiende". Mientres, Ovidio Sánchez (PP) apuntó que naide pue compartir la decisión de los responsables de Vesuvius, cuando amás trátase d'una empresa con beneficios. "Queremos que sigan equí y que sigan ganando", acabó.

Escrito por ObservatoriuLlaboral el miércoles, 17 xunu de 2009

Les coses van permal. Na comarca d’Avilés tenemos 15.000 persones en paru, n’Asturies vamos camín de les 100.000 y nel Estáu español pasamos de los 4 millones.

Los despidos cuéntense per millares, los Espedientes de Regulación d’Emplegu (ERE) por docenes y el 35% de los paraos y paraes yá nun cobren un res.

Va unos meses, el Conseyeru de Trabayu, Graciano Torre, llamaba “salvajes” a los trabayadores d’Asturmasa porque la fuelga que teníen prevista podía provocar la parada d’un fornu altu de Veriña. Agora, Arcelor nun sólo nun paró esi mesmu fornu, sinon que tamién paró la mitá de les bateríes de cock, forzó un ERE a la totalidá de la plantiya, conxeló los sueldos y ta entamando un procesu pa prescindir de toles empreses auxiliares. ¿Quién ye agora’l xabaz?. Facer una fuelga pa defender el puestu de trabayu nun ye denguna xabazada, la verdadera xabazada ye ser Conseyeru de Trabayu y dar la espalda a miles de trabayadores que s’enfrenten al paru y la probeza.
Pero nun ye sólo Arcelor, Cristalería intenta implantar el so tercer ERE y zarrar el Llaboratoriu, Alcoa va conxelar los sueldos dellos años y ampliar la xornada llaboral, DuPont va menguar la so plantiya, na Asturiana de Zinc la defensa d’un conveniu xustu conlleva xuicios y represión pa los trabajadores, Aleastur acaba de presentar un ERE que s’amesta a muchos otros comu’l de Daorje, n’empreses como Mecafran, con carga de trabayu asegurada pa dellos años, tan echando hores estres ensin control, nel Ayuntamientu d’Avilés el conflictu ente los y les monitores de les piscines y el Gobiernu municipal sigue abiertu, el sector de la pesca funde pocu a pocu, los comercios cierren ún tres otru, la construcción yá perdió miles d’emplegos y na hostelería les condiciones llaborales son cada vuelta más precaries.

Sin embargu, la cris nun tien les mesmas consecuencies pa tol mundu igual. El paru medra descontroladamente, los salarios nun lleguen a fin de mes, munchos/es trabayadores acaben la prestación por desemplegu, pierden les sos viviendes y yá entama a faltar la comida en munches cases. Pero, mentanto, los bancos publiquen beneficios multimillonarios y siguen recibiendo miles de millones d’euros del dineru públicu.



Y, aprovechando la situación, la gran patronal y los sos gobiernos intentan llevar alantre una reforma llaboral p’algamar el despidu de baldre, la conxelación de sueldos, el aumentu de la xornada llaboral, el retrasu de la edá de xubilación y la reforma del sistema de pensiones.



Pero el problema de fondu ye, ensin dulda, el modelu de produición capitalista, basáu esclusivamente nel crecimientu económicu a toa costa, pal beneficiu d’unos pocos. Ye necesario cambiar esti sistema de produición por otru distintu, cuyo fin seya repartir la riqueza y satisfacer les necesidaes humanes.


Nun podemos dexar que les coses sigan pel camín que van. Ye necesario que nos movilicemos, que salgamos a la cai y avancemos haza una fuelga xeneral, como ferramienta pa garantizar:

- Trabayu dignu pa toes y toos.
- Si nun hai trabayu, prestación por desemplegu indefinío.
- Renta básica indefinío.
- Salarios y pensiones mínimes de 1.000 euros.
- Derechos básicos pa toles ciudadanes/os, garantizaos pol Estáu (alimentos, salú, vivienda y educación).
-Nacionalización de la banca.

CONVOQUEN: trabayadores de la empresa KONECTA, trabayadores de TSK, de Mecafran, de Aleastur, de la hostelería d’Avilés, monitores de les piscines d’Avilés, despedíos de Daorje, Confederación General del Trabajo (CGT), CSI-Arcelor, Corriente Sindical d’Izquierda (CSI), PCA n’Avilés, PCA en Corvera, Andecha Astur, PCPE, CJC-CMC, UNA, Unión Proletaria, El Militante, Sindicato de estudiantes, UJCE.
Ver Comentarios (13) Temes relacionaos: Convocatories 

Escrito por ObservatoriuLlaboral el miércoles, 17 xunu de 2009

Según informa Europa Press:
El colectivu de trabayadores del Caudal, plataforma independiente d'afeutaos por problemes llaborales na comarca, decidió estender la so llucha más allá d'esta zona minera y, en concreto, treslladala tamién a la cuenta vecina del Nalón.

Los representantes d'esta organización informaron güei al traviés de la llectura d'un comunicáu que tienen previsto promover un nuevu actu reivindicativu nel Nalón tres la manifestación celebrada'l pasáu vienres en Mieres y a la qu'acudieron dalgo más de 200 persones. Amás, esplicaron que, a la espera de concretar fecha y hora pa esta movilización, "vamos tar na marcha que van facer dende Riañu a Uviéu'l próximu xueves 18 (mañana)", los trabayadores de Vesuvius y, nesti sen, ficieron un llamáu a toos p'apoyar a los afeutaos pol zarru previstu nesta planta de Riañu.

"Güei son ellos, mañana podemos ser nós", señalaron los representantes del colectivu de trabayadores del Caudal, que calcaron na so convición de que "los partíos políticos en xeneral nun supieren nin dar respuesta a les necesidaes de los ciudadanos".

L'asociación considera tamién que "nun se supo canalizar de manera apropiada los recursos llegaos a Asturies y a les comarques mineres en particular", y nesi sen, llamentaron que la reindustrialización y la reconversión vayan "camín de tornar, sinón lo son yá, nun fracasu colectivu".

Esti colectivu de trabayadores va más allá y apunta que'l "monumentu a esti fracasu pue ser el 'mastodónticu' edificiu asitiáu nel campus mierense" que "paecía un llogru dignu d'eloxu pero que pue tornar n'esperpénticu si tien escases titulaciones qu'impartir".

Amás d'estes crítiques, el colectivu defendióse de les acusaciones de la Unión Comarcal de CC.OO, de la que'l so máximu responsable, Alfonso de la Rosa, apuntare la pasada selmana qu'igual l'asociación tapeciere intereses escuros.

"Dicir que lo único escuro que se mos avecina ye'l negru futuru qu'amenaza sobre les comarques mineres el día que s'acaben les prexubilaciones y los fondos mineros", señalaron los representantes d'esta plataforma, que pidieron l'apoyu a tolos ciudadanos pa próximes movilizaciones, olvidándose de "sindicatos y conseñes partidistes"

Escrito por ObservatoriuLlaboral el martes, 16 xunu de 2009

Vía Glayíu:
Los trabajadores de Vesuvius cortaron a primer hora de esta mañana la carretera A-66 a la altura de Campomanes. Además de este corte, otros cuatro provocaron retenciones kilométricas en los principales accesos a Asturias, el de Galicia por el puente de los Santos, el principal acceso a Cantabria por Llanes, el acceso a la meseta por el Huerna y tambien el puerto de San Isidro y el de Tarna.

Se trata de las ultimas medidas de presion de los trabajadores, que mañana cumplen 3 semanas de encierro en la factoria de Riaño.

A los trabajadores les apoyan los representantes del PSOEy el Bloque por Asturies del Ayuntamiento y tambien sus vecinos y familiares. Por otro lado el consejero de Industria y Empleo del Principado, Graciano Torre, aunque entinde a los trabajadores, consideró hoy que los cortes no contribuyen a que la empresa tome una decisión u otra.

Torre, en declaraciones a los medios tras comparecer en la Junta General, dijo que "cortar carreteras" sólo sirve para llamar la atención, pero puede provocar el efecto contrario al deseado.

"Prácticamente todo el mundo apoya a los trabajadores, por lo que creo que no necesitan entorpecer excesivamente la normalidad del resto de ciudadanos porque pueden incitar al cabreo", dijo Torre.

Los empleados de Vesuvios llevan ya varias semanas de encierros, así como diversos actos de protesta como el corte de carreteras como medidas de presión ante la decisión de la compañía de cerrar las instalaciones de Riaño.

En este sentido recomendó a los trabajadores que midan sus actos porque los "desmedidos" no contribuirán para nada a solucionar el problema.

El consejero afirmó que habrá que esperar a que los trabajadores se reúnan con la dirección de la empresa para conocer algo más, porque desde que mantuvo el encuentro con los responsables no ha tenido nuevos contactos.

Escrito por ObservatoriuLlaboral el martes, 16 xunu de 2009

Vía Glayíu:
El Principáu rexistró 20.253 accidentes con baxa en xornada de trabayu, de los que 20.069 nun tuvieron gravedá, y 158 fueron graves y 26 mortales, nel pasáu añu 2008, según el resume estadísticu del Institutu Asturianu de Prevención de Riesgos Llaborales recoyíu na Memoria añal de la Fiscalía de Siniestralidá Llaboral.

De los 26 muertos, once pertenecíen al sector servicios y otros diez al sector de la construcción, y cinco al sector industrial y asemeyaos.

La evolución porcentual sobre'l 2007 supón una baxada nel total de siniestros d'un 4,4 por cientu. Los accidentes baxaron nun 4,3 por cientu y los graves nun 16 por cientu. Sin embargu, los mortales subieron nun 13 por cientu, pasando de 23 a 26.

La fiscal especial en Siniestralidá Llaboral, Esperanza González, destacó na Memoria que ye preocupante l'aumentu "significativu" nel númberu d'accidente mortales sobre l'añu anterior, "lo que ha llevar a la reflexón sobre la eficacia de les midíes adoptaes en materia de prevención, como cauce fundamental pa evitar la siniestralidá llaboral", señaló.

Pel contrario, según la fiscal, les lesiones, tanto sin como con gravedá, baxaron. De los 158 accidentes graves, 63 tuvieron llugar nel sector servicios y otros 42 na construcción, mientres 53 fueron na industria y sectores asemeyaos.

Pela so parte, de les causes en trámite del añu 2008 correspondientes a homicidiu por accidente llaboral, va formulase acusación n'ocho, y de los delitos de lesiones n'accidente llaboral, va formulase acusación en 12.

Como datu positivu, la fiscal valoró la rapidez na actuación que supunxo un avance importantísimu pa la conocencia exacta de los fechos per parte del Xulgáu Instructor y Fiscal n'orde a l'averiguación de los posibles delitos.

Sin embargu, apuntó'l ministeriu públicu, sigue pendiente la efeutividá del sistema informáticu, puesto que, como yá se facía constar na Memoria del añu 2007, los datos estadísticos espeyaos na presente Memoria se correspuenden colos procedimientos que realmente despachó la Fiscal Delegada y que se conseñaron según la so propia estadística.

Escrito por ObservatoriuLlaboral el llunes, 15 xunu de 2009

Según informa Infoasturies:
Los trabayadores de Vesuvius entamen una marcha a Uviéu dende Riañu (Llangréu) que va dir finar delantre la Xunta Xeneral.

La marcha vindicativa va salir a 08:30 hores dende la propia fábrica, que pesie a ser rentable quier zarrar la multinacional.

Escrito por ObservatoriuLlaboral el llunes, 15 xunu de 2009

Según informa Europa Press:
Los trabayadores de la multinacional Alcoa van estudiar mañana n'asamblea la nueva propuesta presentada pola direición el pasáu vienres dientro del marcu de negociacionón del conveniu colectivu. Esta nueva propuesta descarta la idea inicial de conxelación salarial.

Según informaron los sindicatos a Europa Press la compañía presentó una nueva propuesta que "ye dalgo más cercana a lo que piden los trabayadores, anque tovía mui alloñada a les pretensiones sindicales".

La mesma significa dexa a un llau la conxelación salarial y propón pa los próximos años subíes del 80% del IPC pal primer y segundu añu, el 90% pal tercer añu y el 100% pal cuartu y quintu añu.

"Nos siguimos argumentando que la propuesta nun ta bastante, dao que pensamos que nun ye la más axustada a la realidá, pero mañana vamos aconceyamos y vamos ver qué posibilidaes hai", destacaron los sindicatos, qu'indicaron que "paez que la empresa entama a ser sensible a les pretensiones de los emplegaos"

Ir a página 1 2 3