Creative Commons 3.0 RSS CSS 2.1 XHTML 1.0
Entrar  
Rexistru
La actualidá llaboral asturiana 
Escrito por ObservatoriuLlaboral el miércoles, 10 xunu de 2009

Según informa Asturies.com:
Un colectivu de trabayadores de la comarca del Caudal convocó una manifestación pal próximu vienres 12 de xunu col oxetivu de lluchar contra la "indefensión de la población en xeneral ante l'avalancha de despidos y regulaciones d'emplegu", que recordaron, qu'afeuten a toa Asturies, y más concretamente, a les cuenques mineres. Los miembros d'esta formación decidieron crear esti colectivu, dende'l que güei se criticó a los partíos políticos porque, na so opinión, "nun se supo dar respuesta a les necesidaes de los ciudadanos".

La falta de fiscalización del dineru de fondos mineros foi otra de les cuestiones denunciaes por estos trabayadores, que demientres una rueda prensa na que lleyeron un comunicáu puxeron como exemplu del "fracasu de la reindustrialización prometida" la situación qu'atraviesen empreses como Diasa, Alas, Triman, Kerkus, Rioglass o Enferbus. N'opinión d'esti colectivu, estes firmes demuestren "l'engañu de la continua reconversión na que tamos somorguiaos", dao que, apuntaron, "la mayoría tán mui sovencionaes".

Les crítiques d'esti grupu, formáu por trabayadores afeutaos por ERE o sensibilizaos colos problemes de los sos compañeros, tamién se centraron nos sindicatos mayoritarios, a los qu'acusaron de "complicidá y silenciu" y de desarrollar una "política de pactismu". Nesti sen, el colectivu de trabayadores de la cuenca del Caudal dexó claro que se trata d'una formación que "trata d'aconceyar a toos en defensa d'unos intereses comunes a la mayoría", y que ye ayenu a cualquier interés partidista".

La primer midida tomada por esta formación foi precisamente la convocatoria d'una manifestación que va salir el próximu vienres día 12 de xunu a les siete la tarde dende la plaza de la Pasera, frente a la ilesia de San Xuan de Mieres. A ella tán convidaos tolos ciudadanos, "independientemente de la so afiliación o creencia" y, nesi sen, pidieron que nesta cita "les sigles queden a un llau".
Ver Comentarios (18) Temes relacionaos: Convocatories 

Escrito por ObservatoriuLlaboral el martes, 9 xunu de 2009

Según informa Europa Press:
La Unión de Pequeños Agricultores y Ganaderos (UPA) exixó güei a la industria llechera que nun aplique nueves baxaes nel preciu de la lleche, "asfixando tovía más a los ganaderos españoles".

Ante los anuncios de delles industries llecheres de baxar ente 1 y 2 céntimos de la lleche entregada polos ganaderos demientres el mes de mayu, la organización mostró "la so más absoluta disconformidá, al considerar que nun hai razones que lo xustifiquen".

Amás, denunció que de confirmase estes nueves baxaes, un significativu númberu d'esplotaciones familiares dedicaes al vacunu de lleche que va ver obligaes a pesllar, "con malpenes alternatives, dao que la mayor parte d'elles s'asienten en zones de montaña y desfavorecíes".

UPA sorrayó que "ye sangrante" que les industries llecheres qu'operen n'España continúen cola práctiva d'aplicación unillateral del preciu y notificación a los ganaderos una vez que la lleche yá foi entregada, "utilizando de supremacía na cadena llechera".

Asina, pidió a les industries "la paralización inmediata" de los descensos de precios anunciaos y-yos solicitó que "tomen exemplu de los sos homólogos franceses, que fueron a llegar a acuerdos colos ganaderos en condiciones ventayoses pa toos".

D'igual manera, UPA reclamó al Gobiernu español que tome nota del francés, "que se sentaron na mesa de negociación del sector llecheru y algamó un acuerdu ente les partes".

Escrito por ObservatoriuLlaboral el martes, 9 xunu de 2009

Según informa Europa Press:
Los trabayadores de Vesuvius cortaron güei, ente les 6 y les 8, los dos principales accesos a Llangréu y a la Cuenca del Nalón, a l'altura de Riañu, l'AS-17, provocando importantes retenciones de tráficu, según informaron a Europa Press fontes del comité.

Esta movilización se produz nel segundu día de fuelga convocáu polos trabayadores de la factoría como midida de protesta ante l'anunciu de la direición de pesllar la planta asitiada en Riañu.

Amás, los emplegaos continúen col so enzarru y siguen sumando apoyos. Nesta ocasión, fueron un grupu de vecinos de Riañu los que s'averaron a la factoría pa dar muestres d'apoyu a los trabayadores demientres bona parte de la mañana.

Los trabayadores tán pendientes de lo que puea pasar mañana, día nel que'l conseyeru d'Industria yEmplegu, Graciano Torre, tien p revisto aconceyase con directivos de la factoría.

Torre yá mostró'l so compromisu col caltenimientu de la empresa y aseguró que'l Principáu va lluchar porque la planta se caltenga.

Tres el conceyu de Torre, el vienres los representantes de los trabayadores van caltener un conceyu colos representantes de la compañía.

La propuesta de la multinacional de pesllar estes instalaciones, polo menos demientres dos años, diba afectar a unos 80 trabayadores.

Escrito por ObservatoriuLlaboral el vienres, 5 xunu de 2009

Vía Glayíu:
Los trabajadores de Vesuvius cortaron a las diez y media de la mañana el corredor del Nalón en las inmediaciones de la factoria. Varias barricadas de neumáticos ardiendo impedían desde esa hora el aceso al Valle del Nalón y al polígono industrial, provocando un atasco considerable y una gran humareda visible desde La Felguera. A las once de la mañana, más de cien personas secundaban la concentración urgente de apoyo convocada por la AAVV de Riaño mientras los trabajadores volvían al interior de las instalaciones. La barricada se mantuvo ardiendo durante media hora hasta la llegada del camión de los bomberos, sin embargo, los participantes en la concentración impidieron que se apagase el fuego situandose frente a la barricada de manera que los bomberos decidieron retirarse, ante el aplauso mutuo de trabajadores y concentrados. 15 minutos más tarde, a eso de las 11:45h., hace su aparición una furgoneta de antidisturbios en busca de "algun responsable", haciendo saber a los concentrados que les permitía seguir con el corte durante diez minutos más pero que pasado ese tiempo tendrían que "desalojar". Ante esto la AAVV de Riaño decide desconvocar la protesta dando por buena la mañana y emplazando a la gente a estar atentos a nuevas concentraciones.
Antes de terminar, el presidente del comité de empresa de Vesuvius, se dirigió a los concentrados para agradecerles el apoyo y para recordar que "hoy ye la nuestra empresa pero mañana pue ser la de toos" y que "una vez más en la cuenca demostramos que tenemos dos coyones pa cortar la carretera y pa lo que haga falta" ante el aplauso cómplice de trabajadores y solidarios.

Escrito por ObservatoriuLlaboral el miércoles, 3 xunu de 2009

Según informa Asturies.com:
La Dirección Xeneral de Trabayu ta acabante d'aprobar l'espediente de regulación d'empléu (ERE) temporal que la empresa siderúrxica ArcelorMittal presentó pa la totalidá de los sos trabayadores nel Estáu, más de 12.000 empleaos repartíos en 17 plantes. Esti ERE afita que los trabayadores regulaos cobren el 90 por cientu del so salariu brutu y va durar hasta'l 31 d'avientu d'esti añu, anque podría ampliase hasta'l 1 de xunu de 2010.

Esti espediente de regulación d'empléu, que va afectar a les plantes asturianes d'Avilés y xixón, tendrá una duración temporal yá qu'en cuantes se recupere la demanda d'aceru reanudaráse l'actividá normal. Hai que recordar qu'Arcelor zarró en mayu'l primer fornu altu de Xixón pa facer frente a la caída de la demanda, y amenazó hai unos díes con pesllar el segundu fornu altu d'Asturies si les subcontrates, qu'anguaño tan en fuelga, incumplíen colos servicios mínimos.
Ver Comentarios (19) Temes relacionaos: Arcelor 

Escrito por ObservatoriuLlaboral el martes, 2 xunu de 2009

Según informa Asturies.com:
El paru conseñáu nes oficines del Serviciu Públicu d'Empléu del nuesu país baxó en 951 persones nel pasáu mes de mayu, lo que representa un 1,29 por cientu. Esti datu dexa'l númberu de desempleaos n'Asturies nun total de 72.819 al finalizar el mes, según los datos asoleyaos pol Ministeriu de Trabayu. Sicasí, nel últimu añu'l desempléu aumentó en 22.041 persones, un 43,4 por cientu.

Esti descensu notóse enforma nel sector de lso servicios y la construcción, mientres qu'aumentó na industria. De los 72.819 paraos asturianos, 38.746 son muyeres y 34.073 homes, 8,516 tienen menos de 25 años y 4.569 son estranxeros.

Esti descensu ye'l doble del que se rexistráu nel restu del Estáu, onde baxó un 0,68 por cientu depués de tar xubiendo 14 meses consecutivos

Ir a página 1 2 3