Creative Commons 3.0 RSS CSS 2.1 XHTML 1.0
Entrar  
Rexistru
Lo que pasa detrás y delantre la pantalla 
Escrito por Sumiciu el llunes, 25 xineru de 2010

Esa foi la frase que me vieno a la cabeza en lleendo que SourceForge bloqueó l'accesu a determinaos países non allineaos colos Estaos Xuníos d'America nesta noticia. SourceForge ye un sitiu nel que se centraliza'l desarrollu de dellos proyeutos de Software Llibre y que da serviciu a desarrolladores y collaboradores de tol mundu (bueno, meyor dicho, daba). La decisión polo que se puede lleer nun primer momentu vien emburriada pola lexislación de los Estaos Xuníos, sicasí tien fonderu analís y reflexones, y amás en dellos frentes.

Per un llau camiento la necesidá d'una rempuesta contundente de La Comunidá (de Software Llibre). Si bien una filosofía que funde los sos raigaños na rellación del software (y non sólo eso) coles persones en criterios de usu nun contestu de llibertá nun pue pasar por alto un tratu estremáu a nenguna persona na so participación nel procesu de desarrollu de Software Llibre por razones d'ubicación xeográfica. Sobretoo cuando esta discriminación remanez de la posición política d'una potencia económica dominante como son los Estaos Xuníos. Nesi sen vien a cuentu la frase que entitula esta entrada, sacada de la definición de Software Llibre (lo de "Stupid" -babayu- ye añadío mio) de la Free Software Foundation y que vien perfecha nesta situación na que paez que esta filosofía se reduz a l'imaxen.

Per otru llau, vien a representar un problema col que camiento que vamos a topamos bien de veces nel futuru cola venida del Cloud Computing (esto ye l'usu masivu de servicios apurríos por terceros y centralizaos en Internet). Dempués d'un tiempu nel que'l movimientu de Software Llibre trataba d'averar y devolver esti software a les persones, y más concretamente a los desarrolladores y usuarios de los programes "clásicos" nel que tuvo un espoxigue incremental que tovía sigue anguaño; l'usuariu (y en cierta forma que nun voi tocar fondamente agora) vuelve a perder el control sobre los programes (y, peor tovía, sobre los datos) qu'utiliza al quedar estos en manes de terceros propietarios tanto de software como d'infraestructura viéndose'n situaciones como la que narramos agora.
Pero nun falo d'una situación nueva, puede vese d'exemplu'l contenciosu que vien teniendo cuantayá Google col Gobiernu chinu. Escenariu que nun s'estrema muncho d'esti que tamos cuntando agora mesmo. Cola salvedá de que nun falamos del xigante de la Rede nin d'un estáu autoritariu según los cánones occidentales. Agora la guerra ta "en casa" (y a varios niveles).

Anque énte estos problemes, tamién entamamos a tener soluciones. Ensin dir más lloñe: AGPL.
3 Comentarios

Unviáu por Replica Watches el xueves, 1 xineru de 1970

Vip Swiss Replica Watches UK - Cheap Fake Watches UK Outlet- Watch House Basel Special Report,Replica Rolex Watches the annual clock replica watches uk industry event in Basel Fake Watches International Table Fair kicked ...
Unviáu por Jordan Shoes el xueves, 1 xineru de 1970

The a number of movers set concentrate on attaining fantastic results and they sustain greatest levels from the property along with around the web functions to returning up everybody people who wish to obtain extra quantities of details.

Escribe'l to comentariu:

Nome:
Web personal (opcional):