Creative Commons 3.0 RSS CSS 2.1 XHTML 1.0
Entrar  
Rexistru
Lo que pasa detrás y delantre la pantalla 
Escrito por Sumiciu el llunes, 24 marzu de 2008

Toi acabante lleer en Barrapunto esti apunte, nél volvemos al reiteráu tema del emplegu nes nueves tecnoloxíes n'Asturies. Un tema persocorríu pol gobiernu de turnu col que traten de facer ver a la opinión público un supuesta demanda d'emplegu nel sector nel país.

Nesi sen hai tres miraes bien estremaes. Per un llau ta el gobiernu (y porque non dicilo, les empreses) interesaos unos y otros en pintar un cuadru d'una Asturies na que les antigües demandes de reindustrialización y recolocación del emplegu perdíu al trancar los pozos y les empreses circundantes nun tengan valir. Un paisaxe nel que los que se quexen, faenlo de viciu, y nel que nuna fastera tan mancada pol desemplegu y el cambiu de dineru por trabayu (non al estilu tradicional de pagu pola fuercia trabayu prestada, sinon pagu pola prexubilación y fin de les movilizaciones, en definitiva el pagu por tener la boca zarrada) y l'estandarte d'esta nueva industria que mos va traer pan y roses pa toos.
Un puntu de vista que comparten, obviamente, les empreses. Eses empreses qu'apañen sovenciones y sostienen (y, poro, subordinen) con elles los puestos de trabayu creaos al empar que entamen estrañes coaliciones que resulten nun control corporativu del mercáu llaboral.

Estos son los que dicen que falten, énte la mirada atónita de los profesionales del sector, los cuales ven como les sos espectatives llabores quedense neso, n'espectatives. Alredor d'ello un panorama nel que los salarios baxos y el retrocesu en derechos llaborales faen actu de presencia. El pensamientu común d'estos ye'l mesmu: "nun sobra trabayu, lo que falta ye xente que tea dimpuesto a trabayar por tan poco".

Por tercer llau ta la opinión público quien, ayeno a esti melodrama socio-llaboral déxase querer nel baille que-y ufrez el gobiernu col finu afan elleitoral de política de cuatro años. Enfrentense a esa tormenta d'información que entamen los medios de comunicación y nun yos queda más remediu que creer, dao que ye la única voz que oyen sobre el tema, que n'Asturies hai trabayu de sobra, concretamente nesti sector pero nun fuera estraño estrapolalo a cualquier otru o aun planu más xeneral.

Mientres tanto, traten de desplicase cómo ye que si tantu trabayu mos sobra, tantos mozos sigan colando pa Madrí a la gueta'l so futuru. Y ye que pa buena parte del sector, falar de mileurismu sedría un llogru tres un esfuerzu notable.

Mientres tanto... a la Nueva España avaga-y inventase la nueva Asturies.
4 Comentarios Temes relacionaos: Informática  Asturies  Precariedá 

Unviáu por Yosi_ el xueves, 27 marzu de 2008

El problema es que las empresas y el gobierno cumplen perfectamente con su función... y los trabajadores también (con la de las empresas, claro). Evidentemente así la balanza se desequilibra y acaba cayéndose encima de los de siempre.
Unviáu por Sumiciu el xueves, 27 marzu de 2008

Y la Nueva España...."rectifica"
Unviáu por Sumiciu el martes, 1 abril de 2008

Y el CITIPA responde....(en la línea de siempre)
Unviáu por Replica Watches el vienres, 18 ochobre de 2013

Cheap Replica High Quality Replica Watches- Replica Watches UK For Sale, We offer high quality and low price Rolex Replica, Such as Replica Cartier Watches,Replica IWC Watches, Replica Panerai Watches Omega Replica Watches and so on.

Escribe'l to comentariu:

Nome:
Web personal (opcional):