Según lleemos en El Comercio:
Los trabayadores de la hostelería decidieron convocar tres xornaes de fuelga pa los díes 12 y 19 d'avientu y pa'l 5 xineru al nun llegar a un alcuerdu colos empresarios del seutor na reunión celebrada ayeri ente los sindicatos UXT y CC OO y la patronal. «Hai un distanciamientu importante, pero non insalvable», siñaló Marta González, secretaria xeneral de la Federación de Comerciu y Turismu d'UXT.
Los trabayadores esigen un aumentu salarial y l'establecimientu de dos díes de descansu selmanales enantes de 2012. «Los empresarios son partidarios de llegar a un alcuerdo siempre y cuando cedamos nos nuesos oxetivos», aseguró Marta González.
Dende Hostelería d'Asturies insistese'n que los sindicatos mantuvieron durante tol procesu negociador una postura masimalista ya invariable. «Ye difícil negociar cuando la otra parte nun amenorga les sos esixencies», manifestó Alfredo García Quintana, presidente de los hosteleros asturianos.
Na so opinión, «n'esta época de crisis hai que dar prioridá al mantenimientu y a la creación de puestos de trabayy y non al incrementu salarial». Por esta razón, García Quintana consideró que «nun ye momentu de fuelgues» y que sedrá «difícil» la negociación ente sindicatos y hosteleros cuando hai una convocatoria de fuelga sobre la mesa.
A pesar de la convocatoria de paru nel seutor, dambes partes mantienen la reunión que se celebrará el llunes.