Según lleemos en Infoasturies:
El xulgáu de lo Social númberu 1 de Xixón estimó la demanda interpuesta pola Corriente Sindical d’Izquierdes (CSI) por vulneración de los sos derechos de llibertá sindical al ser escluyíu "deliberadamente" de les negociaciones previes al acuerdu algamáu’l 5 d’avientu pal zarru de Naval Gijón, que queda anuláu. La sentencia anula l’acuerdu y obliga a Federación Minerometalúrxica de CCOO, Federación del Metal, Construcción y Afines (UGT), Naval Xixón y el Comité de Empresa, la Conseyería d’Industria y Pymar a pagar una indemnización a CSI de 30.050 euros.
Según señalaron fontes de la CSI a Europa Press contra esta sentencia cabe un recursu de suplicación, anque si’l fallu del Tribunal Superior de Xusticia d’Asturies ratifica esti fallu tres el preslle del astilleru, podría haber responsabilidaes "incluso penales" y tendría que volver a negociase tol espediente de regulación d’emplegu.

Pesie a ello, el procesu de zarru nun se paraliza fasta que’l fallu nun seya firme. El sindicatu asturianu ya ganare dos xuicios, también por vulneración de drechos sindicales. De fechu, esti llunes recibirán los 9.000 euros d’indemnización del segundu, mientras que nel primeru tovieron que da-y 6.000 euros. El tribunal atanata que la cantidá agora solicitada por daños morales, 30.050 euros ye "proporcionada a la gravedá de los fechos".
Según la sentencia, "la contumacia de los demandaos llesiona, más si cabe, d’una forma más dolorosa, al sindicatu demandante produciendo una sensación d’impotencia clara’l desoyise mandatos judiciales anteriores, a lo qu’hai qu’amestar el crucial momentu históricu nel que s’alcuentra la empresa demandada". El fallu destaca que la CSI foi "deliberadamente escluyía" de los alcuerdos del 5 d’avientu de 2008 y remarca’l precedente de les dos sentencies anteriores, polo que tilda de "obscena" esta nueva actuación.