Escrito por ObservatoriuLlaboral el llunes, 19 mayu de 2008
Según trescribimos de La Nueva España:
Cuatro centrales sindicales -la Corriente Sindical de Izquierdas (CSI), la Unión de Sindicatos Independientes de Asturias (USIPA), CSI-CSIF y USO- acusen al PSOE y al Gobiernu autonómicu, que preside Vicente Álvarez Areces, d'usar les relaciones de puestos de trabayu pa «enchufar» y «poner a vivir» a los sus allegaos, y de multiplicar el númberu puestos de llibre designación. «Aprovechen les relaciones de puestos non namás pa premiar económica ya profesionalmente a los sos allegaos, sinon tamién pa abrir la puerte la Alministración a funcionarios pa un determináu tipu puestos, saltándose a la torera la normativa en materia de titulaciones y de provisión de puestos», señalen. Según les centrales, creáronse 30 places de coordinadores, especialistes ya téunicos educativos pa que seyan ocupaes por «personal docente que, ensin superar nin participar en nengún procedimientu seleición, col único méritu l'amiguismu o de tener el carné políticu o sindical adecuáu, desertaron de la tiza y "apaecieron" na sede de la Conseyería pa facer llabores propies los cuerpos y escales xenerales de funcionarios».
Amás, los sindicatos afirmen que crease un puestu artificial de guarda responsable d'impacto ambiental nel conceyu Sobrescobiu ensin nenguna razón de pesu, sacante «premiar a una persona concreta que perdió la so plaza de guarda mayor l'añu pasáu». Por too ello, los sindicatos piden l'apertura d' una mesa de negociación.
23 Comentarios
Temes relacionaos:
Actualidá llaboral