Escrito por ObservatoriuLlaboral el llunes, 25 xunu de 2007
Sigún los datos que manexa'l Gabinete Técnicu de CCOO d'Asturies, la situación media de la xuventú n'Asturies en relación col desempléu escuende realidaes muncho diferentes nos distintos territorios qu'integren el país, anque nun ye posible conocer la incidencia del paru xuvenil en cada conceyu o comarca, debío a que la EPA (única fonte que permite calcular tases de paru) nun proporciona datos con esti nivel de desagregación territorial. Con too y con eso, el sindicatu recurrió a los rexistros del Serviciu Públicu d'Empléu, que permiten conocer non la incidencia del paru xuvenil, pero sí'l pesu del colectivu xoven sobre'l conxuntu de paraos inscritos.
Los conceyos de Tinéu (38,3%), Grau (32,3%) y, en xeneral, l'Occidente (29,2%) son les comarques que cuenten con una mayor presencia de xóvenes ente'l colectivu de paraos (la media n'Asturies ye del 26,1%), yá qu'alredol d'un 30% de los rexistraos tienen menos de 30 años. En consecuencia puede afirmase que los desempleaos d'estos territorios presenten una media d'edá relativamente baxa, y ello pese a que la so población total figura ente les más avieyaes del país. Polo tanto, el sindicatu intúi que nestes comarques el paru concéntrase intensamente ente los más nuevos.
Los conceyos d'Uviéu (26,5%) y Avilés (26,4%), pese a contar con una población más nueva que la media d'Asturies, tienen una presencia relativamente escasa de mozos ente los paraos, polo que nun parez que'l desempléu xuvenil algame les dimensiones precupantes d'otros territorios. Xixón, con un 22,6%, ye'l conceyu que cuenta con un porcentaxe menor de xóvenes sobre'l total de paraos rexistraos.
Con too y con eso, CCOO d'Asturies considera qu'a la hora d'interpretar estos datos hai que ser prudentes, yá que los descensos na cifra de desempleaos nun respuenden siempre a un procesu de creación d'empléu. "Nel casu de los xóvenes, por exemplu, pueden tar relacionaos con factores puramente demográficos (reduzse'l númberu de xóvenes en paru porque tamién descende la población xoven, en xeneral), pola emigración a otres comarques o comunidaes en busca d'empléu, etc.", afirmen.
Los conceyos de Tinéu (38,3%), Grau (32,3%) y, en xeneral, l'Occidente (29,2%) son les comarques que cuenten con una mayor presencia de xóvenes ente'l colectivu de paraos (la media n'Asturies ye del 26,1%), yá qu'alredol d'un 30% de los rexistraos tienen menos de 30 años. En consecuencia puede afirmase que los desempleaos d'estos territorios presenten una media d'edá relativamente baxa, y ello pese a que la so población total figura ente les más avieyaes del país. Polo tanto, el sindicatu intúi que nestes comarques el paru concéntrase intensamente ente los más nuevos.
Los conceyos d'Uviéu (26,5%) y Avilés (26,4%), pese a contar con una población más nueva que la media d'Asturies, tienen una presencia relativamente escasa de mozos ente los paraos, polo que nun parez que'l desempléu xuvenil algame les dimensiones precupantes d'otros territorios. Xixón, con un 22,6%, ye'l conceyu que cuenta con un porcentaxe menor de xóvenes sobre'l total de paraos rexistraos.
Con too y con eso, CCOO d'Asturies considera qu'a la hora d'interpretar estos datos hai que ser prudentes, yá que los descensos na cifra de desempleaos nun respuenden siempre a un procesu de creación d'empléu. "Nel casu de los xóvenes, por exemplu, pueden tar relacionaos con factores puramente demográficos (reduzse'l númberu de xóvenes en paru porque tamién descende la población xoven, en xeneral), pola emigración a otres comarques o comunidaes en busca d'empléu, etc.", afirmen.
12 Comentarios