Díes qu'esnidien campu través,
peles paredes d'una nueche cenciella...
y otru pasu más al bies.

Sestos sentíos baltiando otra vez,
col ruxe-ruxe d'estomagos vacíos
y yo alcuéntrome tan bien.

Hipocresía a la hora de comer,
baille taragaños sangrando'l pescuezu.
Tu faite que nun lo ves.

Sorrises de madera como decoración,
una silla rota en medio'l salón
glaya a ritmu rocanrol.
Sobre la mio cabeza...col mio cuentu...

La suerte ta vista, deprendí a perder,
nun ye tan dificil cuando sabes facelo
y quies más nun lo saber.

Nun gasto más saliba, quiero vete correr.
Nun pongo los oyíos, quiero vete rompelo.
¿nun sedrás tú que nun quies?