Según informa Europa Press:
Un total de 135 trabayadores morrieron n'accidente llaboral nos dos primeros meses del añu, lo que supón 61 menos qu'igual periodu del exerciciu (-31,1%), según datos del Ministeriu de Trabayu y Inmigración.

D'esta cantidá, 98 trabayadores perdieron la vida nel so puestu de trabayu, un 35,1% menos que n'igual periodu del 2008, en tanto que 37 morrieron nel trayeutu de la so casa al trabayu o viceversa (accidente 'in itinere'), ocho menos qu'hasta febreru del añu pasáu.

Los homes concentraron 120 de los 135 accidentes mortales rexistraos nos dos primeros meses, y los trabayadores de mayor edá fueron los más afeutaos, con 29 muertos na franxa de 55 y 64 años y en 22 na de 50 a 54 años.

En total, hasta febreru se rexistraron 111.670 accidentes llaborales con baxa, lo que supón un descensu del 34,5% sobre'l númberu d'accidentes rexistráu n'igual periodu del 2008 (170.401 accidentes).

Del conxuntu de siniestros, 98.385 accidentes se produxeron nel llugar de trabayu y 13.285 fueron siniestros 'in itinere'. Los primeros baxaron un 36,1% en tasa interañal, mientres que los segundos cayeron un 19,1%.

Los accidentes ensin gravedá con baxa nel puestu de trabayu sumaron 97.376 hasta febreru, un 36,1% menos, y los graves algamaron los 911, un 31,4% menos que nel 2008. Nel casu de los siniestros 'in itinere', se rexistraron 13.018 accidentes de carácter suave (-19,2%) y 230 de gravedá (-16,4%).

En cuanto a les enfermedaes profesionales, nel periodu xineru-febreru 2.975 casos, de los que 1.768 causaron baxa nel puestu de trabayu, cifra que representa un descensu del 25,7% sobre l'añu anterior.

CATALUÑA Y ANDALUCÍA, ONDE MÁS ACCIDENTES SE PRODUCEN

La mayor parte de los accidentes mortales rexistraos hasta febreru se produxeron en sectores non agrarios. Nos servicios morrieron 68 trabayadores, mientres que na construcción lo ficieron 32; na industria, 24; y na agricultura, 11.

Analizando los datos por comunidaes autónomes, Cataluña foi la rexón más castigada, con un total de 17.368 accidentes llaborales con baxa nel puestu de trabayu y 12 muertos. Siguióla Andalucía, con 15.692 siniestros y nueve muertos, Madrid (15.054 accidentes, diez muertos) y Comunidá Valenciana (8.870 accidentes 16 muertos)

Un trabayador d'ArcelorMittal mancose ayeri de forma leve al raspiar la llocomotora que conducía con unos vagones que taben aparcaos cerca d'ella alredor de l'una de la mañana.

C. G. G., de 44 años morrió güei en Samartín de Güerces (Xixón) al caer tres plaques d'hormigón que taben colocando nun accidente que se produxo nes obres d'una xalé cerca les 4 de la tarde.

Hai a lo menos otru trabayador mancáu que respuende a les iniciales A. S. T. C. con traumatismu torácicu, abdominal, na cabeza y nel pescuezu con pronósticu reserváu.

Un home de 37 años, de nacionalidad marroquí, morrió al cayer dende diez metros tando trabayando nel teyáu d'una nave del polígonu de Granda, Sieru.

Un home, de 55 años, treslladose con pronósticu grave al Hospital Central d'Asturies, tres cayer d'una altura de 5 metros, en Veranes (Xixón), cerca del Centru de Salvamento Marítimu.

S.M.C., de 38 años y vecín de Benia d'Onís morrrió la cae-y un árbol enriba tando cortando madera nesi llugar. L'accidente ocurrió al dir a buscar unes cuñes pa derribar un árbol el cual vínose abaxo entós dexando al obreru yá incosciente al golpialu na cabeza.

D.V.F. resultó feríu de gravedá na planta d'ArcelosMittal en Tabaza al cae-y enriba una chapa de gran pesu por fractura de fémur, mandíbula y traumatismu adominal.