Creative Commons 3.0 RSS CSS 2.1 XHTML 1.0
Entrar  
Rexistru
La actualidá llaboral asturiana 
Escrito por ObservatoriuLlaboral el martes, 22 abril de 2008

Lleemos en Europa Press:
El conseyeru d'Industria y Emplegu, Graciano Torre, dixo güei que'l so departamentu unvió los currículos de los trabayadores despidíos de Lloza San Claudio a cuatro empreses, cumpliendo asina la moción aprobada pol Parlamentu asturianu en payares pa que l'Executivu realizara les xestiones necesaries dirixíes a la so recolocación. Sicasí, Torre nun facilitó'l nome de les mencionaes empreses "pola discreción necesaria". Amás, dixo que-y consta que "dalguna ufierta foi refugada".

Torre fizo estes manifestaciones nel trescursu de la so declaración na Comisión d'Industria y Emplegu de la Xunta Xeneral del Principáu, onde'l PP entrugó sobre la recolocación de los trabayadores despidíos de la Fábrica de Lloza de San Claudio (Uviéu). Mientres tanto, un grupu de sindicalistes se manifestaron na puerta de la XXPA pa protestar pola situación de los trabayadores despidíos.

El dirixente rexonal dixo que 13 trabayadores ya tán trabayando y que son 23 les persones que queden "ensin colocar". Esplicó que se vino trabayando colos trabayadores nuna doble direición: unviando currículos a les empreses y trabayando colos afectaos con unes tutoríes individualizaes nel Serviciu Públicu d'Emplegu.

Torre espunxo que de les 23 persones que queden ensin colocar, cuatro s'inscribieron nel serviciu públicu d'emplegu de marzu y una ta agora realizando la tutoría. De los 18 restantes, tres tán realizando cursos de formación, cuatro inscritos en cursos, nueve buscando trabayu pola so cuenta y dos tán pendientes del informe del tutor. Asina, según Torre, la conseyería "ta cumpliendo" los alcuerdos sindicales y la resolución de la XXPA.

Agustín Cuervas Mons (PP) mostróse, sin embargu, decepcionáu pola declaración de Torre na cámara. "La realidá ye qu'ustedes nun tuvieron interés n'ayudar a los trabayadores de San Claudio, pasaron de tou, de los trabayadores y de les sos families", comentó.

El diputáu poular añadió que lo único que ficiera'l gobiernu yera "mandar a los trabayadores a la 'ventanilla'" asumiendo un procesu ordinariu pa persones que son despidíes. Cuervas-Mons asguró non pensar que'l Gobiernu nun seya quién de recolocar a los trabayadores. Reprochó a Torre "falta d'interés" nesti asuntu y recordó qu'otres alministraciones, como l'Ayuntamientu d'Uviéu, punxeron "más la carne nel asador" que'l Gobiernu rexonal p'ayudar a los trabayadores despídíos, a pesar de non tener obligación.

Pela so parte, el voceru d'IX-BA-Verdes, Jesús Iglesias recordó a Torre que deberíen algamar resultaos "más eficaces" ante un problema d'estinción colectiva de los puestos de trabayu, como'l de Lloza de San Claudio.

Reprochó a Torre que nun cumpliera la resolución de la XXPA, nel sen d'un "sobreesfuerzu" pa llograr la recolocación. Aludió a que s'algamaron los trámites "ordinarios" que "tien que facer frente cualquier tabayador despidíu". "El cumplimientu de la resolución de la Xunta ye insuficiente y deficitariu", añadió.

Escrito por ObservatoriuLlaboral el xueves, 17 abril de 2008

Lleemos n'Infoasturies:

Un 9% de la mocedá ente 18 y 35 años ta al paru y un 27% tien un trabayu temporal.

Al traviés del caberu informe de CCOO podemos tener una radiografía de la situación de la mocedá asturiano tocántenes al empléu. Hai ue puntualza de toes maneres que nel informe el sindicatu nun se cuenten los ozos y moces d'ente 16 y 18 años que tamien tan n'edá de trabayar llegalmente.

Los datos son claros: El 27% de los asturianos y asturianes d'ente 18 y 34 años nun trabayen nin busquen empléu. Esti porcetaxe taría venceyáu sobremanera a la poblacion estudiante. El 9% de la mocedá, d'esti tramu, d'edá alcuéntrense desemplegaos.

D'otra miente, un 27% trabaya con empléu temporal, un 20% con contratu indefiníu y el 9% trabayen por cuenta propia. Como se ve, la meta e la mocedá co trabayu asalariáu failo en condiciones de temporalidá ya inestables.

Con estos datos compréndese la perbaxa Tasa d'Emancipación de la mocedá asturina (un 34,9%) la segunda más baxa del Estáu que tien de media'l 45.2%, 10,3 puntos más. A la vegada, l'estáu español asitiase ente los de menor tasa de la llamada Xunión Europa. La emancipación de de la mocedá asturiana ta, por tanto, ente les más baxes de la XE.

Escrito por ObservatoriuLlaboral el miércoles, 16 abril de 2008

Según lleemos en El Comercio:

El sindicatu médicu (Simpa) ta enfotáu n'algamar esta mesma selmana, un alcuerdu col Serviciu Salú del Principáu d'Asturies (SesPa) yá que los contautos tan desenrollándose de forma satisfactoria y "van per buen camín". Los medicos yá decidieron la selmana pasada suspender la convocatoria de fuelga en Primaria, precisamente por mor a los avances rexistraos na so rellacion col Principáu. Les negociaciones, de momentu, siguen "abiertes".




Añadío 17-04-2008:Los médicos y Salud acercan posturas para un acuerdo

Escrito por ObservatoriuLlaboral el martes, 15 abril de 2008

Lleemos en Europa Press:


El conseyeru de Salú y Servicios Sanitarios, José Ramón Quirós, pidió güei "tranquilidá" pa que les negociaciones ente'l sindicatu Médicu del Principáu (Simpa) y el Serviciu de Salú (Sespa) "lleguen a bon puertu" pa poner fin a la fuelga de los médicos d'atención primaria asturianos.

En rueda prensa, el conseyeru de Salú manifestó que ta faciéndose "un esfuerzu importante". "Hai una necesidá pa poner fin en dalgo que mos permita meyorar l'atención primaria", declaró'l responsable de Salú del Principáu d'Asturies.

Por último, Quirós aseguró desconocer si a lo llargo d'esta selmana los médicos d'atención primaria van algamar un alcuerdu col Sespa pa desconvocar la fuelga.

Escrito por ObservatoriuLlaboral el domingu, 13 abril de 2008

Según lleemos en El Comercio:

La sección de Transportes, Comunicaciones y Mar de UGT-Asturias ha hecho público un comunicado en el que rechaza el despido de dos trabajadores del departamento de Administración de Gestiba -empresa participada al 51% por la Autoridad Portuaria de Gijón-, máxime después de que la empresa tuviera beneficios el pasado ejercicio, después de años de pérdidas.

Los responsables de UGT aseguran que «lucharemos con todas las medidas a nuestro alcance hasta las últimas consecuencias en defensa de los dos trabajadores y los puestos de trabajo».

Escrito por ObservatoriuLlaboral el miércoles, 2 abril de 2008

Según lleemos en Europa Press:
Sindicatos alvierten de que "esti ye'l tren caberu" pal sector llecheru y apuesten por un alcuerdu
[...]
Los sindicatos agrarios alvirtieron güei a la industira llechera de qu'esti "ye ya'l tren caberu que-y queda al sector llecheru, qu'atraviesa una crisis gravísima ante los altos costes de producción", y destacaron amás que "cualquier descuidu que se cometa pue acabar cola actividá". Ante esta "grave" situación les organizaciones agraries, COAG, Asaja y UCA señalaron la necesidá de llegar a un alcuerdu marcu ente productores y industria que dea estabilidá a los precios.

Escrito por ObservatoriuLlaboral el miércoles, 2 abril de 2008

Según lleemos en La Nueva España los trabayadores, por voz del comité d'empresa de Establecimientos Residenciales pa Ancianos d'Asturies (ERA) tan escontra esta midida:

El comité d'empresa del ERA (Establecimientos Residenciales pa Ancianos d'Asturies, dependiente de la Conseyería de Bientar Social) refuga «frontalmente» la privatización de la xestión de la nueva residencia de Samartín del Rei Aurelio, allugada'n Sotrondio. Dende'l comité empresa, amás, va estudiase la posibilidá de realizar «movilizaciones» de protesta escontra la privatización, «que va escontra la creación de emplegu públicu de calidá».

Ir a página 1 2 3 ... 17 18 19 20 21