Creative Commons 3.0 RSS CSS 2.1 XHTML 1.0
Entrar  
Rexistru
La actualidá llaboral asturiana 
Escrito por ObservatoriuLlaboral el miércoles, 15 abril de 2009

Según informa Europa Press:
La compañia Daorje, auxiliar d'ArcelorMittal, va retirar l'Espediente de Regulación d'Emplegu, ERE, que contemplaba la estinción de 103 puestos de trabayu a cambiu de negociar col comité d'empresa un ERE temporal que diba afeutar a la totalidá de la plantiya, que supera los 500 trabayadores y que se va aplicar el 1 de mayu al 31 d'avientu.

Según esplicó a Europa Press el secretariu de política Industrial de CC.OO d'Asturies, Nicomedes Sánchez, Daorje yá tien en marcha un ERE temporal pa 161 trabayadores nel que, la vez que más trabayadores tuvieron regulares fueron 34. Dende l'entamu de la so aplicación, nel mes de xineru.

La compañía tomó esta decisión tres cerca d'ocho hores de negociación colos sindicatos y el comité d'empresa nel Serviciu Asturianu de Solución Estraxudicial de Conflictos, Sasec, lo qu'evita la fuelga indefinida que convocaren los trabayadores de magar esta madrugada.

La decisión llegó tres una negociación "mui dura", na que los mediadores del Sasec y el propiu director xeneral de Trabayu del Principáu, Antonio González, foi fundamental. "Entamamos el conceyu a les diez de la mañana y a les 13.00 hores nun había nengún tipu d'acordies", dixo Sánchez.

Sánchez afirmó que los sindicatos esperen que, nun siendo que la situación "empeore muncho cola parada d'un de los fornos altos de Veriña per parte d'ArcelorMittal", la empresa aplique l'ERE con asemeyaos criterios colos que tán aplicando l'actual, unviando a los emplegaos a casa sólo en momentos nos nun haya trabayu. Dixo amás qu'existe una comisión de siguimientu que "vino funcionando bien" y que va siguir faciéndolo.

Escrito por ObservatoriuLlaboral el llunes, 13 abril de 2009

Según datos del Inem sobre movilidá xeográfico en 2008, un total de 31.179 trabayadores asturianos abandonaron Asturies pa trabayar n'otros llugares de L'estáu, mientres 19.282 trabayadores de L'estáu vinieron a trabayar a Asturies con un saldu negativu de 11.897 persones.

Anque'l saldu negativu ye un 14% menos que'n 2007 los datos siguen colocando a Asturies como ún de los llugares con mayor tasa negativa.

Ver documentu

Escrito por ObservatoriuLlaboral el miércoles, 8 abril de 2009

Según informa Europa Press:
La multinacional ArcelorMittal anunció güei a los sindicatos la so decisión de parar la producción d'ún de los altos fornos de les instalaciones de Veriña, en Xixón. Asina lo comunicó nel conceyu del Comité restrinxíu que se celebró güei en Luxemburgo.

ArcelorMittal yá anunciare a los sindicatos qu'esta parada podía tener llugar nel segundu semestre del añu si la demanda nun evolucionaba de manera positiva. Agora, la direición confirmó qu'esta parada va facese sobre'l 14 o'l 15 de mayu, según confirmó a Europa Press el coordinador de los sindicatos d'ArcelorMittal n'Europa y diputáu socialista nel Parlamentu asturianu, Luis Ángel Colunga.

La multinacional plantega la parada del Fornu Altu B de Veriña, Xixón "demientres unos meses" y caltener amás paralizada la llinia de Galvanizáu II y la llinia de pintura. "De primeres planteguen parar el fornu hasta setiembre, pero va depender siempre de la evolución de la demanda", dixo Colunga.

Colunga esplicó que la direición presentó güei los planes pa Planos y Llargos de toa Europa, qu'atraviesen una situación "realmente complexa", dao que de los cerca de 25 fornos altos sólo permencen en funcionamientu "unos diez o once".

Asina, ente esos planes tán tamién la "suspensión temporal" de dos fábriques, la de Liexa en Bélxica y la de Florence en Francia, que cuenten "con instalaciones mui asemeyaes a les asturianes, anque con menos plantiya", según Colunga, qu'añadió que se planteguen amás "un altu númberu de paraes y suspensiones d'actividá de munches otres instalaciones del grupu".

CONSECUENCIES N'ASTURIES

Les consecuencies d'esa parada del formu altu n'Asturies tán tovía por determinar. Los sindicatos esperen que de magar la próxima selmana se puea concretar dalgo más sobre lo que va suponer la mesma. Asina, de mommentu, les organizaciones sindicales desconocen si van suponer o non l'aplicación d'un Espediente de Regulación d'Emplegu, ERE.

"Esto ya va ser una cuestión que deberán discutir los comités d'empresa de les diferentes instalaciones cola direición de la compañía", dixo Colunga, qu'indicó que "hai instalaciones como la de Liexa que tán nuna situación realmente dramática".

Escrito por ObservatoriuLlaboral el martes, 7 abril de 2009

Según informa RTPA:
Los trabayadores de Diasa-Pharma ufrieron una rueda de prensa pa dar a concer la so dirección actual.

Darréu más de tres meses ensin cobrar foron obligados a tar de vacaciones hasta'l prósimu día 14 que volverán a incorporase a la empresa, anque ensin saber qué pasará entós.

Depués de la cabera reunión mantenida col accionista, SADIM , esti dixo que nun podía alquirir el 60% de la empresa.

Agora los empleaos esixen que dalguna institución pública tome cartes nel asuntu y dea una solución a les más de 84 families que tan afectaes por esta situación

Escrito por ObservatoriuLlaboral el martes, 7 abril de 2009

Según lleemos en 20Minutos.
El Juzgado ha aceptado el expediente de regulación de empleo (ERE) de la Fábrica de Loza de San Claudio y que afecta a 39 trabajadores.

Los empleados recibirán una indemnización equivalente a 20 días de salario por año de servicio, con un máximo de 12 mensualidades. La extinción de sus contratos tendrá vigor desde el 30 de abril.

Excluye del ERE a otros cinco trabajadores que se prejubilarán cuando cumplan los 55 años.
Según el auto judicial, la empresa tiene dificultades que le impiden "obtener financiación externa futura", y no pueden cumplir los convenios con los acreedores.

Escrito por ObservatoriuLlaboral el martes, 7 abril de 2009

Según informa Europa Press:
Daorje, empresa auxiliar d'ArcelorMittal, afirmó güei que nun ta dispuesta a retirar l'Espediente de Regulación d'Emplegu qu'afeuta a 103 trabayadores, a pesar de qu'asina-y lo reclamaron los sindicatos UXT y CC.OO. Pela so parte, el restu d'empreses auxiliares aseguraron que tamién tienen escedente de personal fixu por mor de la baxada de producción de la multinacional, polo que nun descarten presentar otros ERE.

Los representantes de sindicatos, Gobiernu autonómicu, industria auxiliar y ArcelorMittal caltuvieron güei un conceyu n'Uviéu, na que los representantes de los trabayadores plantegaron la "retirada incondicional" del ERE de Daorje, según esplicó a Europa Press el secretariu de política Industrial de CC.OO, Nicomedes Sánchez.

"La empresa asegura que va agotar tol periodu de consultes del ERE y se niega a retiralu, asina que tanto CC.OO como UXT consideramos que s'incumplieron los acuerdos d'Uviéu, polo qu'apoyamos la movilización convocada polos trabayadores de Daorje pal próximu día 16", esplicó Sánchez.

Nesti sen, manifestó qu'una vez conocida la postura de Daorje, el restu de les auxiliares manifestaron que tamién se ven yá afeutaos pola baxada de producción y poro tienen yá escedentes de trabayadores, polo que nun se descarten nuevos ERE.

El representante de CC.OO afirmó que'l so sindicatu va caltener una puerta abierta al diálogu y la negociación demientres estos díes pa llegar a un acuerdu qu'evite l'aplicación del ERE.

Escrito por ObservatoriuLlaboral el sábadu, 4 abril de 2009

Según lleemos en Asturies.com:
El paru aumentó n'Asturies un 1,2 por cientu'l mes de marzu pasáu hasta asitiase en 74.381 desempleaos, según datos del Ministeriu de Trabayu y Inmigración. Asturies foi xunto con Baleares (+1,06) les comunidaes onde menos subió'l desempléu. A nivel estatal el desempléu superó los 3,6 millones de paraos, un 3,5 % más.

Por xéneru, el colectivu femeninu ye'l que presenta un mayor índiz de paru con 39.527 desempleaes frente a los 34.854 homes. Por edá, hai inscritos 9.069 mozos menores de 25 años. El mayor aumentu de paraos rexistróse, sicasí, ente mayores de 44 años al pasar a les llistes del INEM un total de 1.699 y el d'ente 30 y 44 años qu'esperimentó un aumentu de 1.441 paraos.

En cuanto a sectores, el colectivu de servicios ye'l que concentra el mayor volume de desempleaos con 249 paraos más que sumen yá 47.476; darréu asitia la industria con 204 paraos más que yá son 9.123 en total. Nel sector primariu tan inscritos 736 paraos, 22 más que nel mes anterior, y el colectivu de demandantes ensin empléu anterior creció en 373. Sicasí, nel sector de la construcción n'Asturies el númberu de paraos descendió en 125 y situóse en 11.666.

Ir a página 1 2 3 4 ... 19 20 21