Creative Commons 3.0 RSS CSS 2.1 XHTML 1.0
Entrar  
Rexistru
La actualidá llaboral asturiana 
Escrito por ObservatoriuLlaboral el miércoles, 21 mayu de 2008

Según informa Europa Press:
Los precios de la lleche n'orixe cayeron hasta un 13% demientres los cuatro primeros meses del añu, colo que s'asitien perbaxo de los costes de producción, que tán ente 0,41 y 0,43 euros por llitru, según la Federación Española d'Empresarios Productores de Lleche (Prolec).

Nun comunicáu, Prolec pidió "un preciu xustu" qu'asitie a los productores n'igualdá de condiciones que la industria tresformadora de lleche y la distribución.

La Federación asociada a la Europea Milk Board (EMB), recordó que la política llechera de la Comisión Europea se dirixe hacia l'abolición del sistema de cuotes nel 2015, si bien la propuesta de 'chequéu médicu' de la Política Agrícola Común (PAC) recueye un incrementu añal de la cuota llechera del 1% hasta esi añu, lo que va suponer 7,5 millones de tonelaes adicionales.

"Cualquier incrementu de la cuota llechera na UE va llevar los precios n'orixe a la baxa, poniendo en graves dificultaes la continuidá de los productores nel sector", sostuvo Prolec, que reclamó a la comisión un "cambiu de les regles del xuegu" que permita trabayar n'igualdá de condiciones a ganaderos, industries y distribución "pa tener una producción sostenible pa Europa".

En concreto, Prolec y EMB defienden la necesidá de sustituyir l'actual sistema por un instrumentu flexible qu'igual la ufierta y la demanda, "sobre la base de les perspectives de venta nos mercaos y non de la tendencia de los mesmos".

Tres asegurar que la cuota se devaluó un 68% pola intervención del Estáu español, Prolec demandó que se compense económicamente la cuota mercada polos productores, como establez el Tribunal de Cuentes de la UE.

Escrito por ObservatoriuLlaboral el llunes, 12 mayu de 2008

Según lleemos en RTPA, tan poniéndose númberos a la crísis nel seutor, los ganaderos asturianos perdieron 6,5 millones d'euros nel primer trimestre del añu, siendo ademas un 17% los ganaderos que dexaron el negociu nel caberu añu.

Lleer más

Escrito por ObservatoriuLlaboral el xueves, 17 abril de 2008

Lleemos en Europa Press:
Los productores de lleche de les comunidaes cantábriques y de Castiella y Llión, que sumen sobre'l 90% de la cuota llechera asignada a España, amenazaron güei con entamar una fuelga en señal de protesta pola baxada del preciu de la lleche que-yos paguen les industries del sector.

La posibilidá d'entamar movilizaciones "pa desabastecer" los mercaos van analizase nes próximes selmanes. Enantes, los ganaderos d'estes rexones caltienen contactos periódicos pa formar una plataforma "que lo único que persigue ye defender los derechos de los ganaderos españoles", tal y como afirmó ún de los sos voceros, José Pedro Egocheaga.

Demientres la mañana de güei decidieron sumase a la iniciativa de constituyir una plataforma los ganadeeros de la costa occidental asturiana. Foi demientres la celebración d'un conceyu, al qu'asistieron más de 200 productores, celebrada en Tapia.

A esti alcuentru también fueron representantes del sector de la provincia de Llión, onde'l so voceru, Robero Fernández, confirmó que "prácticamente'l 100%" de los ganaderos d'esa provincica decidieron sumase a la plataforma "pa defender el nuesu trabayu".

Pedro Egocheaga esplicó que la situación pola qu'atraviesa'l sector llecheru "ye insostenible" dempués de que'l preciu de la lleche que paguen les industries rexistrara una constante cayida dende qu'entamó l'añu. Nestos momentos, esplicó, los ganaderos tán recibiendo por llitru de lleche ente 39 y 42 céntimos, "una cantidá que nun cubre los gastos de producción". Por exemplu, como esplicó Roberto Fernández, el coste que tien d'afrontar un productor pa producir un llitru de lleche ye d'unos 40 céntimos. Amás, afronten el futuru con pesimismu, "ya que s'anuncia otra baxada d'uno seis céntimos pa esti mesmu mes".

Los productores acusen directamente a les industries llecheres de "pautar" esa disminución del preciu de la lleche, "polo que diben tar incumpliendo la llei de competencia". También se-yos acusa de poner nel mercáu lleche de "dudosa calidá", importada de países como Francia. "Por trayer lleche d'otres zones, qu'amás ye de menor calidá que la nuesa, a nós báxenmos el preciu". Amás de la reducción de precios, aseguren que les empreses "incumplen los precios pautaos", col sector.

"Alcordamos un preciu per la lleche mos la paguen con un mes de retrasu y al preciu qu'ellos dicen", afirma José Pedro Egocheaga, quien afimró qu'esta situación supón que los titulares de les esplotaciones dexen de percibir una media d'ente 1.200 y 1.500 euros al mes pola reducción de los precios.

Escrito por ObservatoriuLlaboral el miércoles, 2 abril de 2008

Según lleemos en Europa Press:
Sindicatos alvierten de que "esti ye'l tren caberu" pal sector llecheru y apuesten por un alcuerdu
[...]
Los sindicatos agrarios alvirtieron güei a la industira llechera de qu'esti "ye ya'l tren caberu que-y queda al sector llecheru, qu'atraviesa una crisis gravísima ante los altos costes de producción", y destacaron amás que "cualquier descuidu que se cometa pue acabar cola actividá". Ante esta "grave" situación les organizaciones agraries, COAG, Asaja y UCA señalaron la necesidá de llegar a un alcuerdu marcu ente productores y industria que dea estabilidá a los precios.

Escrito por ObservatoriuLlaboral el llunes, 24 marzu de 2008

Les organizaciones agraries UCA, COAG y ASAJA convocaron pal prósimu miércoles na Plaza l'Escandalera d'Uviéu a les 12.00 hores una concentración na que se repartira lleche de baldre.
Ello faise a mou protesta pola baxada de los precios de la lleche a los ganaderos por parte les induestries llactees y en defensa de los ganaderos llecheros d'Asturies.

La movilización llevarase a cabu baxo'l lema "Por la supervivencia del sector lácteo asturiano".

Más información

Escrito por ObservatoriuLlaboral el domingu, 16 marzu de 2008

Según Europa Press:
Los ganaderos anunciaron güei la celebración d'una "gran movilización" nel centru d'Uviéu pal próximu 26 de marzu, como midida de protesta ante la intención de la industria de baxar los precios que paga pola lleche a los productores.

Escrito por ObservatoriuLlaboral el xueves, 13 marzu de 2008

Lleemos en Europa Press:

Los tres principales sindicatos agrarios y ganaderos asturianos, Unión de Campesinos Asturianos (UCA), Asociación de Xóvenes Agricultores (Asaxa) y Coordinadora d'Organizaciones d'Agricultores y Ganaderos (COAG), amenazaron güei con torgar les importaciones llecheres y productos derivaos dende l'estranxeru, si la industria del sector caltién la so intención de baxar los precios que paga pola lleche a los productores.

Asina lo anunciaron güei los tres sindicatos nuna rueda prensa conxunta, presentada por Geli González, secretaria xeneral d'Asaxa, y na que tamién tuvieron presentes los secretarios xenerales de COAG, Óscar Sirgo, y d'UCA, José Calvo, amás del responsable del sector llechero d'esta última organización, Balbino García. L'alcuentru colo medios prodúxose tres un conceyu de les tres centrales p'algamar una posición conxunta frente a l'anunciada baxada de precios de les industries llecheres.

"Nun vamos permitir que nengún llitru de lleche d'otru país llegue al so puntu de destín, si se realiza otra baxada de precios", aseguró González. A entrugues de los periodistes sobre los métodos a emplegar pa tal fin, la vocera sindical llendóse a repetir que van "procurar que les importaciones nun lleguen al so puntu de destín".

Asina pues, los sindicatos va aconceyase mañana colos ganaderos pa preparar una campaña de movilizaciones, col oxetu de torgar "por tolos medios" l'anunciada baxada de precios.

Los tres sindicatos tienen claro, según Geli González, que "el preciu actual ye'l xustu". El mesmu ta asitiáu en 50 céntimos, que ye la cantidá aproximada que les empreses paguen a los ganaderos por cada llitru de lleche. Según cálculos de José Calvo, tres entrevistase con una empresa de contabilidá d'esplotaciones ganaderes, "pagando'l llitru de lleche a un preciu de 70 pesetes de les d'enantes (42 céntimos), el marxe de beneficiu ye cero".

Por esti motivu, González dexó claro que los 50 céntimos actuales "ye la cantidá mínima pa garantizar la viabilidá de les esplotaciones; y l'únicu preciu establecíu confirme a los costes de producción", los cuales recordó qu'aumentaron, no que se refier a preciu de cereales, piensos, combustible, plásticos y demás gastos de les ganaderíes. "Una nueva baxada diba facer peligrar les esplotaciones; si ya abandonaron munchos na última reducción, otra baxada pue conllevar otru importante númberu d'abandonos", añadi

Más

Ir a página 1 2 3