Creative Commons 3.0 RSS CSS 2.1 XHTML 1.0
Entrar  
Rexistru
El sótanu del paraísu... 
Escrito por Sumiciu el martes, 16 avientu de 2008

Estimados amigos:

Muy considerados por la atención; siento no poder hacer acto de presencia para recoger el antipremio concedido. Lo recibo, no lo duden, con toda deportividad.

Espero no pecar de falsa modestia al considerar que puede que no haya hecho méritos suficientes para merecer su amable reconocimiento; me aplicaré, en el futuro, con el mejor espíritu de superación.

Atentamente Fernando Lastra Valdés


Carta de Fernando Lastra, portavoz de la Federación Socialista Asturiana a la Xunta Pola Defensa de la Llingua Asturiana tras recibir l' antipremiu pola defensa de la llingua asturiana.

Como siempre, los políticos al serviciu del pueblu y non de los sos intereses y el so ego. En cualquier otra parte intervenciones como esta recibiríen dellos axetivos, equí quédase en mera anécdota ilustrativa.

Mención especial a SoftAstur que llogro El Pegoyu, el premiu positivu d'esos galardones.

Comunicáu de la XPDLA

Escrito por Sumiciu el domingu, 8 xunu de 2008

Acabante lleer la entrada ¿Hai vida acullá les sovenciones? nel blog el trAsgU d´aRecEs y recordando esti post en Habitacion101 entrome l'intriga de saber que ye de dellos proyeutos sovencionaos en llingua asturiana na rede a partir de l'información publicada nel BOPA y esto ye colo que me tope...

- El conocíu casu de Acullá [mas.lne.es/aculla] yá apuntáu, de mano de La Nueva España con 2000 euros de sovención y n'estáu d'ivernación dende xineru.

- Quiciás haya que suma-y tamién la seición "Alcuentros Dixitales" que cuerre la mesma suerte

- Otru casu que se menciona nos comentarios ye el de Asturblog [asturblog.com]

- La Cartelera de La Nueva España [lanuevaespana.es/cine], recibe 2000 euros por ser billingüe. Ún debe ser bastante torpe porque tovía nun topo cómo ponela n'asturianu...

Y nun nos pongamos a mirar los espacios en medios físicos o en TV, ensin escaecer que hebo peticiones que quedaron fuera axudicación. Esta vez nun voi parame a recapacitar sobre cómo se conceden les sovenciones y amiguismos porque yá lo fice nel so momentu. la cuestión que me planteo agora si ye realmente beneficien a la llingua eses polítiques, reduciendo'l so usu a un meru mercadéu de palabres vacíes con preciu puestu de fábrica. Ye cierto que estes sovenciones son l'escudu ideal que tien l'Alministración autonómica pa dicir que "fai daque por promocionar la llingua", pero quiciás una ferramienta de comunicación necesite muncho más que pan y circo pa alitala.

Tamién ye verdá que nun va ser la llingua asturiana la única que se llibre del modelu económicu-social de sanixueles a la gueta favores, sovenciones ya "¡daimos más!" que impera n'Asturies. Lo que más h.ode ye que con ello se ten llucrando los que trabayen en contra la so supervivencia.


nota: nun enllace directamente les páxines dado que'l pocu serviciu que faen faime pensar que nun ye afayadizo da-yos nenguna promoción, como l'enllazáu, que pueda favorece-yos cara a los motores de búsqueda.

Escrito por Sumiciu el sábadu, 24 mayu de 2008

Si esti fuera un país normal, onde nunca nun s’escribieren artículos como esti (pol simple fechu de que’l suplementu de cultura, por nun dicir el periódicu ensembre, nun acutaría l’asturianu pa una vez al añu), el Día de les Lletres Asturianes cellebraríase en toles escueles y en tolos institutos y por supuestu na universidá. Como nun ye un país normal, Asturies escuende la so lliteratura baxo’l motivu xenéricu de la cultura tradicional, un vezu absurdu nel qu’anencien gobernantes y xestores, que nun son a entender que la poesía de Pablo Texón tien tanto de cultura tradicional como una madreña d’arte de vanguardia. Como nun somos nin tamos llamaos a ser un país normal, siguimos creyendo na parrulada mayúscula de qu’un (artista, escritor, músicu, científicu) asturianu namás tien talentu si-y lu certifiquen en Madrid. Y, neto que tantes families que nun lleguen a fin de mes por falta de medios, la nuesa cultura nun sube a primera polo mesmo: fáltennos los medios: falten periódicos comprometíos col ciudadanu que los merca y los llee y non sólo colos anunciantes, falten televisiones que nun s’acobarden a la d’invertir na intelixencia de casa. Falta cara dura, y ganes de comese’l mundu. Tolo contrario de lo que sobra na nuesa lliteratura.


Xandru Fernández nel suplementu Cultura de La Nueva España (8/5/2008). Lleer más en Llectores y llectures.

Vía Esbilla.

Escrito por Sumiciu el vienres, 16 mayu de 2008

Vía Asturnews...



Por cotidiano, nun dexa de sentise como estraño el cambiu chaqueta cuando ún ye a llograr el poder...

Escrito por Sumiciu el llunes, 12 mayu de 2008

Ye una constante que darréu'l paséu d'una manifestación empiece el xuegu de cifres. Normalmente falamos de cifres que baillen ensin vergoña dalguna moviéndose p'ente unos intervalos que faen a ún entrugase si el cuntador de turnu nun bebió de más esi día o taba mirando pal suelu.

Nel casu de la pasada manifestación pola oficialidá celebrada esti vienres paez que nel casu de diarios como La Nueva España, dióse esti últimu casu (por llástima nun ye'l peor casu yá que hai dellos medios que paez que yá puen salir a la cai diez o cien mil persones que nun-y dan pizca atencion al tema). El casu ye na noticia podíen lleese esto:
Bajo una lluvia intensa, acompañante habitual de las últimas manifestaciones por el asturiano, medio centenar de personas se manifestó ayer reivindicando la oficialidad del asturiano, convocadas por la Xunta pola Defensa la Llingua. «Tenemos que seguir movilizándonos para reivindicar un derecho básico», afirmaba el comunicado que se leyó ante el Campoamor. La clase política, «mediocre y acomplejada», se llevó todas las críticas de los manifestantes, que acusaron al Gobierno de Areces de «reprimir» los derechos lingüísticos


Y claro, a dalgún de los que tuviemos per ellí nun mos salen mui bien les cuentes. Val que'l día nun acompañó y ta claro que la lluvia resto xente a lo avezao nesos actos. Pero de ehí a 50 persones...Habrá que recordayos a los redactores del periódicu líder (esperemos que la so audiencia la midan con más esactitú) n'asturies que tamién entraben na cuenta los que nun diben vestíos col traxe'l país. Ye curioso como en dalgunes circunstancies optase por un titular con una enumeración indefinía ("miles" por exemplu) y cuando hai ocasión aprovéchase pa definilu ("mediu centenar" nesti casu)

Pero claro, pal que nun tuvo igual de fácil ye lleeme a min que lleer al redactor del periódicu. Invitolu entós a que cuente por el mesmu les "50 persones", que ellí desfilaron...(nun fai falta siguir cuntando en llegando a los dos millares, tampoco ye plan echar equí'l día)




Y ye que cuando digo yo que pa ellos nun contamos, hai que tomame d'una forma más lliteral...

Escrito por Sumiciu el sábadu, 5 abril de 2008

Lleo vía Esbilla que:

Dellos miembros de la Fundación Caveda y Nava aconceyaron esti vienres con Joaquín Arestegui (PP), pa face-y llegar les sos propuestes al rodiu del tratamientu del asturianu nel futuru Estatutu d'Autonomía. [...]


Lo curioso ye que, como el mesmu autor de la "esbilla" mos alvierte nos comentarios de la noticia, paez que daquién dio marcha atrás na redaición de la noticia...yá que agora mesmo la noticia n'Asturies.com ye esta: