Creative Commons 3.0 RSS CSS 2.1 XHTML 1.0
Entrar  
Rexistru
La actualidá llaboral asturiana 
Escrito por ObservatoriuLlaboral el sábadu, 19 xineru de 2008

Lleemos en Europa Press :



El comité d'empresa del Hospital del Oriente, celebra mañana a les 13.00 hores una asamblea na que los trabayadores van valorar la primer selmana de fuelgues y van estudiar les midíes a tomar pal futuru, tal y como comunicó güei, Covandonga Tomé, la presidenta del Comité d'empresa del Grande Covián, en declaraciones a Europa Press.




"Si nun hai una respuesta per parte del Principáu, siguiremos nesta situación y pue que de manera indefinida" matizó Covadonga Tomé nun análisis de la situación.



Los trabayadores del Hospital de Les Arriondes aseguraron qu'amás de les tres xornaes de paru convocaes pa la próxima selmana los díes 21, 23 y 25 "si les coses siguen igual, van convocase más díes". "Tamos cansaos d'esti xuegu de los políticos y nun vamos parar hasta que s'escuche'l nuesu pidimientu porque hai 10 años que llevamos lluchando por ello", matizaron.



Que l'hospital de la comarca oriental seya consideráu pola Conseyería de Salú como'l restu d'hospitales, ye una vez más la reivindicación que la plantiya del Grande Covián exixe, y pola que mañana va celebrara la so tercer xornada de fuelga.



Respecto al final d'esti conflictu, la vocera de los trabayadores avanzó que van abandonar esta fuelga cuando seyan escuchaos los sos pidimientos. "Sin duda nun vamos abandonar esta situación por nada a cambiu, porque hai que solucionar el problema d'esti hospital y que los ciudadanos del oriente tengan los mesmos derechos en materia de sanidá que los del restu de la rexón", dixo.




El comité defendió güei una vez más, el carácter apolíticu d'esti paru de los trabayadores. "Movilizar a 200 trabayadores pa meyorar les sos condiciones y les de los sos pacientes, nun entiende de signos políticos", finó Tomé.



Escrito por ObservatoriuLlaboral el sábadu, 19 xineru de 2008

Programa de la XII Selmana del Aula Popular "JLG Rúa", ente los actos entamaos hai dellos que s'ocupen de la tema llaboral.


Ver Comentarios (22) Temes relacionaos: Convocatories 

Escrito por ObservatoriuLlaboral el miércoles, 16 xineru de 2008

Lleémos en Europa Press:




Una amplia representación del personal sanitariu del Hospital Grande Covián de Les Arriondes, más de 50 persones, concentróse güei n'Uviéu, ante les puertes pesllaes de la Conseyería de Salú pa "pidir una vez más" la so incorporación nel Sistema de Salú del Principáu (Sespa).



La presidenta del comité de fuelga del centru hospitalariu comarcal del Oriente d'Asturies, Covadonga Tomé, señaló en declaraciones a los medios de comunicación presentes, qu'esperaba poder aconceyase col conseyeru, José Ramón Quirós, o col director xeneral de Calidá y Innovación, José Ramón Riera, que ye tamién presidente del Patronatu de la Fundación Grande Covián. "Dícenmos que nun tán y alcontramos la puerta pesllada", llamentó la representante de los trabayadores.





La segunda de les seis fuelgues, nes que reclamen la so inclusión nel Serviciu Públicu de Salí del Principáu asina como'l so accesu a la carrera profesional, convocaes nesti mes provocó un parón de casi el 30% la plantilla

Escrito por ObservatoriuLlaboral el miércoles, 16 xineru de 2008

Lleémos en Infoasturies:



El Comité d'Empresa y Secciones Sindicales de Tenneco Automotive (Monroe) asoleyaron un comunicáu nel que manifiesten la so solidariedá pa colos "trabayadores, sindicalistes y ciudadanos asturianos que tan siendo denunciaos sistemáticamente nos xulgaos de lo penal pola policía y la Guardia civil pol meru fechu de defender los sos derechos llaborales, sociales, llingüísticos o poles sos idegues polítiques", El comité señala los casos de represión a "trabayadores en Naval Gijón, Thyssen airpor, Mina La Camocha, Juliana,- na persona del compañeru Jose Antonio Rodriguez Bobes,- Mina Jovesa, etc....; l'aplicación de la llexislación terrrorista y procesos penales, multes y persecución policial contra xóvenes independentistes, activistes llingüísticos, antifacistes, ecoloxistes y vecinos de la zona rural...". El comite y les seiciones sindicales esixen l'anulación de toos estos procesos y la derogación d'aquelles lleis, artículos o normatives que puean ser usaos contra trabayadores, sindicalistes y ciudadanos cuando defienden derechos llaborales, sociales o políticos amparaos pola Constitución y demás Trataos internacionales". Por too ello, el Comite d'empresa fai un llamamientu a participar nel manifestamientu del martes 22 de xineru a les siete y media la tarde en Xixón.

Escrito por ObservatoriuLlaboral el sábadu, 12 xineru de 2008

Nueve díes tardó en producise el primer accidente llaboral n'Asturies con resultáu de muerte.

L'accidente tuvo llugar en Sariegu según El Comercio :

Los hechos ocurrieron alrededor de las 11 de la mañana, por causas que aún se desconocen. Alejandro Lamuño se disponía a hacer descender la cesta del camión en el que trabajaba cuando éste volcó, lo que hizo que la víctima chocase violentamente con el asfalto de la carretera. El compañero de Lamuño, que en el momento del accidente se encontraba regulando el tráfico en la zona, resultó ileso.




L'obreru fallecíu yera vecín de Rozaes, Bimenes y yera trabayador de la Mancomunidá de la Comarca la Sidra.




Entamando l'añu con esta mala noticia nun podemos más facer alcordanza de los 28 muertos n'accidente llaboral n'Asturies en 2007, fechu que sumóse al aumentu accidentes llaborales n'Asturies tamién nel añu pasáu. Llegando a rexistrase más accidentes mortales hasta payares qu'en tol añu 2006.





Más informacion:


- La Voz de Asturias

Escrito por ObservatoriuLlaboral el miércoles, 9 xineru de 2008

Como podríeis apreciar caberamente, tamos n'obres nel Observatoriu, faciendo una reubicación y reestructuración del mesmu.



Ello ye que apaeza paráu y ensin noticies nueves, y como podéis ver, con formatu nuevu.




Esperamos que nos próximos díes entame a andar el nuevu Observatoriu y seya entovía más amañosu pa los veceros.



De momentu queda abiertu el turnu pa suxerencies...



Gracies pola paciencia y salú.

Ir a página 1 2