Como diría'l profesor Farnsworth : "Buenes noticies pa toos" y ye que tres Bender Big's Scores (El gran golpe de Bender), yá tenemos segunda película de Futurama, La Bestia de les mil millones espaldes.

Axunto'l trailer n'inglés pa dir faciéndonos una idea del argumentu.



Relacionao: Trailer de la prímer película.

Güei publicose l'informa anual que redacta sobre los derechos humanos nel mundiu l'organización Amnistía Internaciona. No tocante a l'Estáu español, l'informe resalta:

Los informes de violaciones de derechos humanos por axentes encargaos de facer cumplir la llei y posterior impunidá seguíen tando estendidos. Impidóse l'acceso a territoriu español a persones migrantes y solicitantes d'asilu, mediante procesos llevaos a cabu en centros estraterritoriales en condiciones que nun s'axustaben a las normes internacionales. Espulsose a menores non acompañaos ensin les garantíes afayadices pa la so seguridá. Les víctimes de violencia nel ámbitu familiar siguieron topando obstáculos pa obtener protección, xusticia y reparación, y les inmigrantes tuvieron amás dificultaes d'accesu a recursos básicos. El grupu armáu vascu Euskadi Ta Askatasuna (ETA) declaró en xunu el fin del "altu'l fueu permanente" y volvió a los atentaos con bombes.

L'informe tamién sigue fincando na impunidá de la que disfruten los criminales del réxime franquista y la guerra civil, calificando la Llei de memoria Hestórica diciendo que "esta llei distaba muncho d'axustarse a les normes internacionales sobre'l derechu de les víctimes de violaciones manifiestes de derechos humanos a interponer recursos y obtener reparaciones"

El comentariu ye "ensin novedá". El restu de les palabres asoleyamoles abondo durante'l restu l'añu como pa volver a repetiles agora.


Relacionao: España: Sal en la herida. La impunidad efectiva de agentes de policía en casos de tortura y otros malos tratos


Equi pues lleer l'informe, en cada rexón del mundu y por países.

Si esti fuera un país normal, onde nunca nun s’escribieren artículos como esti (pol simple fechu de que’l suplementu de cultura, por nun dicir el periódicu ensembre, nun acutaría l’asturianu pa una vez al añu), el Día de les Lletres Asturianes cellebraríase en toles escueles y en tolos institutos y por supuestu na universidá. Como nun ye un país normal, Asturies escuende la so lliteratura baxo’l motivu xenéricu de la cultura tradicional, un vezu absurdu nel qu’anencien gobernantes y xestores, que nun son a entender que la poesía de Pablo Texón tien tanto de cultura tradicional como una madreña d’arte de vanguardia. Como nun somos nin tamos llamaos a ser un país normal, siguimos creyendo na parrulada mayúscula de qu’un (artista, escritor, músicu, científicu) asturianu namás tien talentu si-y lu certifiquen en Madrid. Y, neto que tantes families que nun lleguen a fin de mes por falta de medios, la nuesa cultura nun sube a primera polo mesmo: fáltennos los medios: falten periódicos comprometíos col ciudadanu que los merca y los llee y non sólo colos anunciantes, falten televisiones que nun s’acobarden a la d’invertir na intelixencia de casa. Falta cara dura, y ganes de comese’l mundu. Tolo contrario de lo que sobra na nuesa lliteratura.

Xandru Fernández nel suplementu Cultura de La Nueva España (8/5/2008). Lleer más en Llectores y llectures.

Vía Esbilla.

Vía Asturnews...



Por cotidiano, nun dexa de sentise como estraño el cambiu chaqueta cuando ún ye a llograr el poder...

Esi punterazu llevaba un ticket de vuelta,
y tu na parada, onde parecíes más espierta.
Sabíes lo que había enantes d'asomar el pescuezu...

Rueda que te rueda,
anque nun quieras tu tamién vas xugar.
Subi a la peonza
y apechuga que lo vas tragar...

Nesti llau del arcén nun s'asemeya una pizca.
Nun s'estrema si ye que roza o lu peñizca.
Manca una migaya y restuerceste como un escalagüerzu.

(Rueda que te rueda)

Nun ye hora de caltener encesa la cabeza,
nin cuadrar les cuentes, nun seya qu'amaneza.
¿Cómo ye posible? si tol tiempu diba siempre igual...

(Rueda que te rueda)

Mouth to Mouth (Boca a boca, anque nun tien títulu oficial en castellán).



Páxina oficial

Ye una constante que darréu'l paséu d'una manifestación empiece el xuegu de cifres. Normalmente falamos de cifres que baillen ensin vergoña dalguna moviéndose p'ente unos intervalos que faen a ún entrugase si el cuntador de turnu nun bebió de más esi día o taba mirando pal suelu.

Nel casu de la pasada manifestación pola oficialidá celebrada esti vienres paez que nel casu de diarios como La Nueva España, dióse esti últimu casu (por llástima nun ye'l peor casu yá que hai dellos medios que paez que yá puen salir a la cai diez o cien mil persones que nun-y dan pizca atencion al tema). El casu ye na noticia podíen lleese esto:

Bajo una lluvia intensa, acompañante habitual de las últimas manifestaciones por el asturiano, medio centenar de personas se manifestó ayer reivindicando la oficialidad del asturiano, convocadas por la Xunta pola Defensa la Llingua. «Tenemos que seguir movilizándonos para reivindicar un derecho básico», afirmaba el comunicado que se leyó ante el Campoamor. La clase política, «mediocre y acomplejada», se llevó todas las críticas de los manifestantes, que acusaron al Gobierno de Areces de «reprimir» los derechos lingüísticos

Y claro, a dalgún de los que tuviemos per ellí nun mos salen mui bien les cuentes. Val que'l día nun acompañó y ta claro que la lluvia resto xente a lo avezao nesos actos. Pero de ehí a 50 persones...Habrá que recordayos a los redactores del periódicu líder (esperemos que la so audiencia la midan con más esactitú) n'asturies que tamién entraben na cuenta los que nun diben vestíos col traxe'l país. Ye curioso como en dalgunes circunstancies optase por un titular con una enumeración indefinía ("miles" por exemplu) y cuando hai ocasión aprovéchase pa definilu ("mediu centenar" nesti casu)

Pero claro, pal que nun tuvo igual de fácil ye lleeme a min que lleer al redactor del periódicu. Invitolu entós a que cuente por el mesmu les "50 persones", que ellí desfilaron...(nun fai falta siguir cuntando en llegando a los dos millares, tampoco ye plan echar equí'l día)


Y ye que cuando digo yo que pa ellos nun contamos, hai que tomame d'una forma más lliteral...