El númberu de paraos inscritos nes oficines d'Emplegu del Principáu d'Asturies baxó en 1.259 persones en mayu del 2008, colo que la cifra de desemplegaos na Comunidá queda en 50.778, según los datos del Ministeriu de Trabayu recoyíos por Europa Press.

En términos relativos n'Asturies el comportamientu del paru nel mes de mayu rexistró un descensu del 2,42 por cientu sobre abril (nel restu d'España'l paru aumentó un 0,64 por cientu, colo que la cifra de paraos nel conxuntu del país aumentó en 15.058, hasta asitiase nun total de 2.353.575).

En comparanza con mayu del 2004, el paru rexistráu n'Asturies aumentó un 5,16 por cientu (2.490 desemplegaos más), mientres que n'España subió un 19,28 por cientu, l'equivalente a 380.344 paraos más.

Del total de paraos contabilizaos nel mes de mayu, la mayoría (30.694) son muyeres y el restu (20.064) son homes. En cuanto al colectivu de menores de 25 años ensin emplegu, la cifra ye de 4.922.

Por sectores, onde se produxo un mayor descensu foi nel de servicios, nel que se rexistraron 1.175 paraos menos, siguíu de la industria con 57 paraos menos, mientres que na construcción aumentó'l númberu de desemplegaos en 33.

El númberu de contratos rexistraos en mayu foi de 24.629, lo que representa un incrementu de 1,45. Sin embargu, con respecto al mesmu mes del añu anterior, se produxo un descensu del númberu de contrataciones del 10,33 por cientu. El total de contratos rexistraos nes oficines d'Asturies, 22.152 fueron temporales

El direutor xeneral de la Federación Española d'Empresarios Productores de Lleche (Prolec.) Carlos Gil, reclamó güei l'establecimientu d'un preciu "xustu" n'orixe, que como mínimu seya de 0,43 euros por llitru, al tiempu que consideró oportunu que'l consumidor pague pola lleche un preciu "correctu".

Al so xuiciu, dichu preciu, superior en tres céntimos al recibíu nesti momentu polos productores, nun sólo tien de cubrir los costes de producción de la lleche, que subieron un 17% na última campaña, sinón permitir un marxe "llóxico" pa tola cadena, ye dicir, pa los productores, la industria y la distribución.

"El preciu mínimu tien de ser polo menos de 0,43 euros por llitru", afirmó Gil, quien, sicasí, señaló qu'ésti tien de variar en función de la evolución de los precios del gasoleu pa torgar la perda "constante" d'esplotaciones ganaderes, que s'eleven a 25.000 al final de la campaña 2007-2008, un 15% menos que na anterior, lo que supón la desapaición de 11,4 esplotaciones diaries.

Según los datos de Prolec. los precios al productor baxaron un 11,4% dende'l pasáu mes de xineru, mientres que'l marxe de la industria y la distrubión incrementóse un 50,9% teniendo en cuenta los datos del mes de marzu. "El ganaderu ye la gallina de los güevos d'oru pa les industries", dixo Gil, quien reclamó un marxe "dignu" tamién pa los productores.

Nesti momentu, comprar un llitru de lleche cuésta-y al consumidor ente 0,68 y 1,05 euros por litru (0,82 por llitru de media), mientres que'l productor recibe ente 0,39 y 0,43 euros por llitru (0,40 euros por llitru de media).

El direutor xeneral de Prolec reconoció que'l sector atraviesa una crisis ante la inseguridá sobre los precios, un problema común en tolos países europeos y pola mor de la falta d'una política sectorial "coherente" y l'incrementu de "lleche negra" que supón el 25% de la cuota llechera d'España, que ta en 6,1 millones de tonelaes añales