LOS SINDICATOS docentes CCOO, CSI-CSIF y Suatea entamen güei una asamblea, a les seis de la tarde, nel IES Alfonso II, pa informar sobre l'aplicación de los planes d'evaluación del centru y del profesoráu. Estes organizaciones son partidaries de bloquear el programa.

Esbillao de La Voz de Asturias

Los trabayadores d'Asturiana de Zinc cortaron los accesos a la factoría en Castrillón esta mañana. Los operarios permitieron l'accesu al turnu les seis de la mañana pero non al restu de socontrates que faen tarers de mantenimientu.

Con estes medíes de presión quieren esixir la negociación del conveniu colectivu, parada dende xunetu. El conveniu afecta a 650 trabayadores. Los sindicatos piden una subida superior al IPC mientres que l'empresa ufrez un 2,75%.

El presidente del comité d'empresa anunció una radicalización de les protestes si nun se reanuden les conversaciones.

Esbillao de RTPA.

Según informa Europa Press:
Los sindicatos plantegaron güei a la direición de Sekurit --área de Saint Gobian nes instalacioens d'Avilés qu'ellabora productos p'automóvil-- que de facese la parada pal mes de payares d'una de les llinies de fabricación se caltengan hasta final d'añu los 16 contratos eventuales existentes, que s'asitie otra vuelta a los emplegaos en puestos de nivel profesional asemeyáu y qu'amás s'aproveche pa dar formación a los mesmos.

Según esplicaron fontes sindicales a Europa Press la propuesta de la direición de la multinacionales Saint Gobain de parar el mes de payares una de les llinies de fabricación de Sekurit col oxetivu de "reducir capacidá de producción", ye la única que pue "responder a la situación actual del mercáu".

Nun pasa lo mesmo con otres de les midíes que plantega la compañía, como la de la direición del ARDC, el centru d'Investigación y Desarrollu, que propón tamién la reducción de 20 emplegos, de los 76 totales del centru, según fontes sindicales. Los representantes de los trabayadores alertaron tamién de la intención de la compañía de desarrollar una "reorganización" na zona de lloxística de la llinia de Glass.

Según fontes sindicales nun se pue inorar la situación del sector del automóvil y de la construcción, que son precisamente los dos a los que ta lligada l'actividá de la planta de La Maruca, n'Avilés.

"Nun se pue escaecer que les noticies sobre dambos sectores nun son positives, asina que lo que tratamos de llograr ye qu'afeute na menor midida posible a los trabayadores. Evidentemente somos conscientes de que si aumenta la demanda l'emplegu crez y si baxa l'emplegu vese en dalguna manera afeutáu", destacaron los sindicatos.

Agora les centrales tán pendientes de que la compañía-yos dea una respuesta sobre los sos pidimientos, dalgo que va pasar "probablemente" la próxima selmana

Según lleemos en Asturies.com:

Representantes de los sindicatos agrarios y ganaderos Unión de Campesinos Asturianos (UCA), Asociación Agraria de Xóvenes Agricultores (Asaxa), y Coordinadora d'Organizaciones d'Agricultores y Ganaderos (COAG), arramaron güei dellos cartones de lleche ante la entrada del supermercáu Dia de la cai Cervantes n'Uviéu. Trátase d'un actu de protesta polos baxos precios pagaos a los productores, nel marcu d'una campaña de concienciación del consumidor a favor de la compra de lleche y derivaos d'España, frente a les importancies estranxeres.

Ye la única forma, dende'l so puntu de vista, de caltener la 'trazabilidá' y evitar la baxada de precios pagaos al consumidor, producida pola competencia de les importanciones estranxeres.

Por esti motivu, una trentena de representantes de los tres sindicatos vertieron sobre la cera dellos cartones de lleche al tiempu que repartíen fueyes a los clientes, nes que se lleía'l mensaxe: "consumidor, de la sobrevivencia del sector llecheru asturianu dependen munchos puestos de trabayu. La to collaboración ye imprescindible. Ayúdamos mercando lleche y productos llecheros d'España". Nel folletu, pídese al cliente que compruebe que'l cartón lleva la marca 'ES', iniciales d'España.

Ente los participantes na propuesta taben los secretarios xenerales de les tres centrales: José Calvo (UCA), Óscar Sirgo (COAG), y Ramón Artime (Asaxa). Los tres fueron identificaos por axentes de la Policía Nacional, avisada polos trabayadores del supermercáu.

Óscar Sirgo recordó que'l preciu de producción ye d'unos 0,43 euros, y tán pagando a 0,40 a los ganaderos, "y hasta menos". "Hai rutes nes que se dexó de recoyer la lleche, porque la traen ellaborada de fuera", añadió. "Queremos que'l consumidor se conciencie de que la lleche de fuera nun ye precisamente la más barata y la calidá y la tesparencia nun ye clara". "La lleche asturiano ye d'una calidá escelente, perfecta, pero cuando llega a les industries se pierde la 'trazabilidá' (conceutu col que se denomina la trayeutoria qu'indica l'orixe d'un productu a lo llargu del procesu d'ellaboración y comercialización)", señaló.

Nel mesmu sen, espresóse José Calvo. "Tán engañando al consumidor. Les grandes superficies multinacioanles tán importando lleche d'otros países al mesmu preciu, cuando equí mos paguen unos precios de risa", protestó. "Esperamos una determinada sensibilidá del consumidor, y que se descubra cuálos son los trucos que se tán faciendo, cuando se ta importando lleche d'otros países al mesmu preciu que mos la paguen a nós", señaló.

Según informa Europa Press:
El Sindicatu Mélicu Profesional d'Asturies (Simpa) señaló güei en declaraciones a Europa Press que la firma de CC.OO y UXT, na Mesa Xeneral, de la propuesta del Serviciu de Salú (Sespa) pa la reforma del modelu d'atención continuada "fai cayer" la so convocatoria de fuelga pa la próxima selmana del 14 al 17 d'ochobre.

Según indicaron responsables del sindicatu profesional, el documentu firmáu por CC.OO y UXT inclúi amás del nuevu modelu organizativu pa Primaria, les meyores salariales nes hores de guardia, polo que nun se caltién el motivu de la convocatoria de paru. "Lo más fáicl ye que la fuelga se desconvoque porque los motivos yá nun aguanten", dixeron.

Dende'l Simpa llamenten qu'estos sindicatos --CC.OO y UXT--, con más representación na Mesa Xeneral de la Función Pública, pero con una escasa representatividá ente'l colectivu facultativu, acordaren el nuevu modelu que va afeutar especialmente a los profesionales d'Atención Primaria de les zones rurales con guardies llocalizaes en vez de presenciales, "qu'empeoren el serviciu y perxudiquen la paga d'esos profesionales".

Tamién consideren negativu que nun se buscare más consensu pa la creación del modelu de les Unidaes de Xestión Clínica nos centros de salú urbanos, puesto qu'entiende dende'l Simpa "obliga a los profesionales a arreglase como puean pa cumplir lo oxetivos y ordenase turnos, guardies y vacaciones ensin más recursos pa ello".

Poro, calquen en que "nenguna reforma puea ser positiva si se fai al marxe de los profesioanles que la van desarrollar", asina refuguen que se diga que se va pilotar el modelu ente los equipos que lu acepten de manera voluntaria, puesto que "si nun hai voluntarios va aplicase de manera obligatoria", criticó'l Simpa.

Dende'l Simpa nun quisieron entrar nes posibles motivaciones de CC.OO y UXT pa "aceptar un documentu negativu pa los profesioanles de Primaria", anque sí dixeron que van espardir l'acuerdu ente tolos centros de salú y la próxima selmana van estudiar posibles aiciones reivindicatives como nueves convocatories de fuelga n'Atención Primaria.

Según lleemos en Les Noticies:

N'Asturies, les organizaciones sindicales UXT, CC OO y USO Asturies convoquen pa güei 7 d'ochobre una movilización que, con carácter mundial, va a salir a la cai a reclamar la «universalización del trabayu decente». Amás, n'Europa, les diferentes organizaciones sindicales ponen l'acentu nel rechazu a la directiva europea que pretende aprobar 65 hores llaborales a la selmana.Otramanera, los sindicatos asturianos tamién alvierten de la precariedá, a cada cachu más espardida, nos contratos llaborales

La manifestación va salir n'Uviéu de la cai Santa Teresa esquina con Avenida de Galicia a les 19:00 hores y va acabar nel Paséu de los Álamos. El fotoperiodista Javier Bauluz va lleer entós un manifiestu de los sindicatos convocantes.

Según lleemos en Asturies.com:

El Sindicatu Mélicu Profesional d'Asturies (Simpa) afirmó güei que la Mesa Xeneral celebrada esta mañana, "nun valió pa nada" y caltién "firme y vixente" la so convocatoria de fuelga que se va desarrollar ente los díes 14 y 17 d'ochobre.

"Los únicos que protestamos y discutimos el conteníu del documentu fuimos nós", señalaron fontes del sindicatu a Europa Press, al tiempu qu'esplicaron que'l restu de representantes sindicales acordaron volver analizar la propuesta de l'Alministración sobre la reforma sanitaria'l próximu miércoles día 8 d'ochobre nuna nueva xunta de la Mesa Xeneral, tres presentar güei una serie d'alegaciones a la propuesta del Serviciu de Salú (Sespa) que quieren que s'incluyan.

Sicasí, dende'l simpa caltienen que'l restu de sindicatos "nun entraron a criticar el documentu". Poro, l'escritu del Sespa nun foi refugáu de manera definitiva sinón que va volver discutise la próxima selmana.

"El Sespa nun alegó nada, dixo que'l documentu ye'l qu'hai. El miércoles van presentar dalguna modificación coles alegaciones que se propunxeron, pero nós nun pensamos que vaya modificase sustancialmente no importante, que son les condiciones de trabayu", argumenta'l Simpa, qu'alvierte poro que "sinón nun van poder desconvocase la fuelga".

El Simpa afirmó que lo único que quedó claro na Mesa de güei ye que'l Sespa "nun va pagar los 22 euros por hora de guardia que se pautó nel preacuerdu hasta qu'Atención Primara nun acepte modificar les sos condiciones de trabayu". "Eso nun lo vamos aceptar", remarcó'l sindicatu.

Sicasí, el Sindicatu Mélicu Profesional d'Asturies va asistir a la próxima xunta de la Mesa --na que ta representáu xunto al sindicatu d'enfermería Satse pola coalición Cemsatse--, porque "como'l conseyeru" Ramón Quirós, tienen "los brazos abiertos pa negociar a cualquier hora y en cualquier sitiu, pero claro, seriamente, non en base a imposiciones", dixeron responsables sindicales.

La convocatoria de fuelga mélica inclúi a los facultativos estatutarios, llaborales, funcionarios, profesores rellacionaos, y MIR, tanto d'Atención Primaria como d'Especialidá y d'equipos del SAC, el SUAP y el SAMU:

La decisión de paru básase nel "incumplimientu" del preacuerdu algamáu el 30 d'abril ente l'Alministración del Principáu y representantes sindicales, nel que destaca l'incrementu del preciu de la hora de guardia y meyores de les condiciones organizatives y salariales pa los mélicos que faen sustituciones y guardies nos hospitales, asina como nos equipos especializaos del Serviciu d'Atención Continuada (SAC), el Serviciu d'Urxencia d'Atención Primaria (SUAP) y del Serviciu d'Atención Mélica Urxente (SAMU).