Según informa Infoasturies:
Los trabayadores de Konecta BTO decidieron n'asamblea facer un calendariu de mocilizaciones que va entamar el 3 de xunu con un xornada de 24 hores de fuelga.

El pasáu día 27 de mayu la empresa Konecta BTO, entregó les cartes de despidu a 82 trabayadores del so centru de trabayu d'Avilés. Ente les que s'alcuentra la presidenta del comité d'empresa y delegada de CGT. El calendariu de movilizaciones en defensa de los puestos de trabayu dirá concretándose según avancen los acontecimientos.

La seición Sindical de CGT en Konecta Avilés fexo una llamáu a "tolos actores sociales, Ayuntamientu, Alcaldesa, Grupos Municipales, Partíos Políticos, Movimiento Vecinal, etc..." a apoyar la lucha de los trabayadores en defensa de los sos puestos de trabayu, "máxime cuando Konecta instalóse n'Avilés recibiendo subvenciones del Ayuntamientu". Andecha Astur emitió un counicáui ayeri solidarizándose y refugando los despidos.

El prósimu sábadu 30 de mayu a les 12:00 hores, nel mercáu de Les Vegues, nel conceyu Corvera, va tener llugar una concentración baxu'l lema "Basta de despidos. Queremos trabayu".
Esta concentración ta convocada por coleutivos de trabayadores d'estremaes empreses comu TSK, Arcelor, Mecafran, Aleastur, hostelería, de les piscines d'Avilés o Daorje, y cuenta col sofitu de la Corriente Sindical d'Izquierda, Partido Comunista de Asturias en Avilés, Partido Comunista de Asturias en Corvera, Andecha Astur, Partido Comunista de los Pueblos de España, Colectivos de Jóvenes Comunistas, Unidá Nacionalista Asturiana, Unión Proletaria, El Militante, Sindicato de Estudiantes, Unión de Juventudes Comunistas de España.
Esta concentración ye la primera d'una riestra movilizaciones que van confluyir nuna MANIFESTACIÓN que va tener llugar el prósimu sábadu 20 de xunu n'Avilés.