Creative Commons 3.0 RSS CSS 2.1 XHTML 1.0
Entrar  
Rexistru
La actualidá llaboral asturiana 
Escrito por ObservatoriuLlaboral el martes, 7 xunetu de 2009

Según informa Europa Press:
ArcelorMittal ofreció güei a los sindicatos más detalles sobre los planes de reestructuración de les empreses auxiliares, unos planes que nun gusten a los sindicatos, polo menos a CC.OO, qu'asegura que dicha propuesta pa contratar a 300 trabayadores de sectores diba dexar fuera a 140 operarios que "nun encaxen nel perfil".

Según esplicó a Europa Press el representante de CC.OO, Nicomedes Sánchez, la empresa pretende integrar a los trabayadores de los diferentes departamentos de la llinia de producción, ye dicir, los que yá vienen desarrollando esos llabores, dalgo no que ta d'acuerdu la organización sindical.

Sin embargu, el perfil que propón la multinacional diba dexar fuera a los mayores de 46 años, lo cual nun lo almiten los de CC.OO. "D'esta manera hai 110 operaciones que cumplen el perfil, pero más de 140 nun lo cumplen y nun tamos dispuestos a aceptar esa propuesta", dixo Nicomedes Sánchez.

CC.OO va mostrar el so refugu a esta propuesta nel nuevu conceyu que va tener llugar mañana cola direición de la multinacional.
Ver Comentarios (175) Temes relacionaos: Arcelor 

Escrito por ObservatoriuLlaboral el sábadu, 4 xunetu de 2009

Según lleemos en Les Noticies:
Depués de meses de llucha y reivindicación, les tres trabayadores despidíes de la fábrica de Litoral que Nestlé tien en Xixón llegaron a un alcuerdu d'indemnización primero de que se celebrara'l xuiciu.

Nun comunicáu, les conocíes como güeles de Litoral espliquen que la empresa propúnxo-yos realmitiles o indemnizales, anque la primer posibilidá implicaba'l despidu d'otres tres persones. En viendo esa situación, decidieron aceptar la indemnización de 15.000 euros que-yos ofrecía la empresa porque, amás d'evitar los despidos d'unes compañeres, pueden establecer un plan pa, n'acabando'l paru, siguir cotizando a la Seguridad Social y poder xubilase.

Les trabayadores, espliquen nel comunicáu, «queremos agradecer a tolos compañeros l'apoyu dau nestos meses de llucha y tamién a los medios de comunicación, porque ensin ellos esti alcuerdu nun diba ser posible».

Escrito por ObservatoriuLlaboral el xueves, 2 xunetu de 2009

Según informa Europa Press:

El númberu de paraos rexistraos nes oficines del Institutu Nacional d'Emplegu (Inem) nel Principáu d'Asturies algamó en xunu la cifra de 70.592 desemplegaos, lo que supón un descensu de 2.227 paraos menos sobre mayu (3,06 por cientu), informó güei'l Ministeriu de Trabayu y Inmigración.

En términos relativos, el descensu del paru al acabar el mes de xunu nel Principáu foi'l de 3,06 por cientu sobre'l mes de mayu. En rellación a xunu del 2008, el paru incrementó en 21.633 persones, un 44,19 por cientu.

No que cinca al paru masculín, ésti asitióse en 33.079 persones, mientres que'l femenín algamó un total de 37.495 persones.

Por sectores, el paru descendió nos Servicios 1.789 persone; na Construcción 159 persones; n'Industria en 118 persones; nel colectivu Sin Emplegu Anterior en 138 y en 23 persones nel sector de l'Agricultura.

En cuanto al paru rexistráu nos estranxeros nel Principáu demientres el mes de xunetu asitióse en 4.439 persones.

BAXA TAMIÉN N'ESPAÑA

El númberu de paraos rexistraos nes oficines del Institutu Nacional d'Emplegu (INEM) baxó en 55.250 persones en xunu sobre mayu (-1,5%), rexistrando'l so segundu descensu mensual siguíu tres tar 14 meses al alza. El total de desemplegaos asitióse asina en 3.564.889 persones, según informó güei'l Ministeriu de Trabayu y Inmigración.

La cayida del desemplegu nesti mes contrasta nel comportamientu qu'esperimentó'l paru en xunu del 2008, cuando'l desemplegu subió en 36.849 pesones. Yá'l pasáu mes de mayu, el paru entamó a echar el frenu y rexistró un descensu cercanu a los 25.000 desemplegaos.

El ministru de Trabayu y Inmigración, Celestino Corbacho, yá apuntare que'l paru de xunu nun diba ser negativu

Escrito por ObservatoriuLlaboral el miércoles, 1 xunetu de 2009

Según lleemos en RTPA:
La direición d'Arcelor y los representantes sindicales alcuéntrense aconceyaos nes oficines centrales d'Arcelor Mittal n'Avilés. Sobre la mesa, el plan de reordenación de les sos empreses ausiliares.

Los representantes sindicales esperen que nel trescursu la mesma, la empresa asoleye'l perfil de los trabayadores que quier internalizar.

Otru puntu a tratar sedrá la situación actual de la empresa. La voluntá de que nun se pierda un solu puestu trabayu sigue siendo la premisa cimera per parte de los sindicatos.
Ver Comentarios (263) Temes relacionaos: Arcelor 

Escrito por ObservatoriuLlaboral el miércoles, 1 xunetu de 2009

O.G.B., de 26 años mancóse ayeri tando trabayando nuna empresa asitiada nel Polígonu de Gonzalín al queda-y atruyaes les piernes ente dos vigues presentando francedura abierta de tibia, peroné y pue que también de tobiellu.

Ir a página 1 2