Lo mesmo qu'una madre añando al so guaḥe baxa la borrina peles paredes del valle. La piedra húmedo trabaya xunto col orpín p'algamar esi estáu mental que ye un tardíu y serondosu alborecer. Dalguna esquila vien col ecu y les fueyes ruxen mientres ún va sintiendo como l'aire les va golpiando cada vuelta más cerca.

Eses montañes, esi ríu qu'escarabaya pel fondu, ese llábanes que pises...esa señaldá. Esos animales mansos que dacuando miren como queriendo entendete, esi alendar ventosu de la biesca...

La borrina de torna fumo a reblagos, l'agua ye asfaltu que culiebrea pelo fondero'l valle. Les llábanes tan feches de cementu fríu y gris. Y tú, ensin tiempu p'actuar, afayeste en medio'l rebañu.

Por embargu, too ta escrito coles mesmes lletres en borrina y fumo. Ye curioso, pero tocomos vivir con ello y hai que faceses dacuando borrina y dacuando fumo pa ser palabra escrita d'un mensaxe rural metropolitanu o d'aldea urbana. ¡Qué país!

Nota de prensa d'Anonymous AST:

Ante la falta de rigurosidá nes noticies espardies por dellos elementos sociales nel Conceyu de Carreño rellacionaes cola toponimia tradicional, el coleutivu Anonymous AST asoleya un documentu audiovisual nel que se demuestra d'una manera nítida, atayante ya incuestionable que los topónimos recoyíos pol equipu asesor y oficializada nel BOPA de 6 de mayu de 2005, son los topónimos tradicionales.

Como se demuestra na pieza audiovisual, estos topónimos son los tradicionales utilizaos polos vecinos de la zona. D'esta manera, nel trabayu audiovisual, recuéyense testimonios clarificantes, onde los nomes de Quimarán, Prevera, Llorgozana, Priendes o El Pieloro son los reconocíos polos vecinos como tradicionales, populares y cotidianos.

Na pieza audiovisual de 5 minutos de duración, el coleutivu Anonymous AST amuesa al traviés d'unes video-imaxes a les que tuvo accesu, el llabor de trabayu de campu realizau insitu pol Profesor Álvarez-Balbuena xuntu con Ramsés Ilesies Fernández y Xosé Antón Fernández “Ambás” ente finales del añu 2010 y principios de 2011.

ANONYMOUS AST, quier, al traviés de les sos acciones, y al traviés d'esti video en particular, llantar cara, d'una forma atayante, a aquellos elementos distorsionadores que pretenden callar la voz del pueblu, la voz de la xente, la voz popular