Escrito por ObservatoriuLlaboral el martes, 3 febreru de 2009
Según informa Les Noticies:
El númberu de paraos rexistraos nes oficines d"empléu asturianes incrementóse en xineru en 6.752 persones. Esto supón una suba del 10,61 por cientu hasta llegar a 70.366. Esta suba ye la más grande porcentualmente de toa España, mui superior a la tasa nacional, qu"asitió nun 6,35 %.
No que diz respecto a xineru del 2008, el desempléu ascendió n"Asturies un 28,82%. Nesti casu, la tasa ye mui inferior al del restu de les comunidaes autónomes, yá que l"incementu del desempléu foi del 47,12%.
Reacciones
Les reacciones énte unes cifres tan dures y preocupantes feches públiques pol Ministeriu de Trabayu nun tardaron en provocar reacciones. Ovidio Sánchez, presidente del PP d'Asturies, mostró la so preocupación y dixo qu'esa provecida d'un 10,61 % «fai que la trampa d'Areces rescample» yá que, según el líder popular, «mentía'l Presidente d'Asturies cuando dicía qu'Asturies taba meyor preparao qu'otres comunidaes énte la crisis».
«Ye evidente que Vicente Álvarez Areces ta mirando pa otru llau», añedió Ovidio Sánchez y esixó que'l xefe del Gobiernu asturianu compareciera énte la Xunta Xeneral del Principáu «pa dicir les midíes concreres que piensa poner en marcha dende Asturies pa intentar corrixir la situación».
Otra manera, UXT y CC OO comparten la opinión de que la situación ye «muncho grave». Pa Miguel Ángel Ballina, secretariu d'empléu de CC OO, lo más preocupante p'Asturies ye «el deterioru tan intensu del empléu nel sector industrial», al tiempu que fontes d'UXT sorrayaron que «esta evolución evidencia, amás de la perda de ventaya comparativa que venía calteniendo Asturies nel contestu estatal, la dureza cola que ta afectando la crisis al sector industrial asturianu que se traduz nun alarmante incrementu del desempléu». CC OO, otra miente, avisó que «nun diba permanecer impasible énte esta situación» y UXT esixó a los empresarios «un esfuerzu por caltener los niveles d'empléu».
Otra manera, Faustino Zapico, portavoz d'Unidá Nacionalista Asturiana (UNA), demandó a los partíos parlamentarios una convocatoria estraordinaria y urxente del Plenu de la Xunta Xeneral pa tratar esti problema, que calificó d'«alarmante». Zapico pidió que fora'l parlamentu asturianu'l «que garrara les riendes» nesta situación , puesto que «la perda de capacidá productiva d'Asturies ta faciéndose evidente, como les mentires de los responsables públicos qu'aseguraron qu'Asturies diba aguantar meyor qu'otros la crisis económica».
El númberu de paraos rexistraos nes oficines d"empléu asturianes incrementóse en xineru en 6.752 persones. Esto supón una suba del 10,61 por cientu hasta llegar a 70.366. Esta suba ye la más grande porcentualmente de toa España, mui superior a la tasa nacional, qu"asitió nun 6,35 %.
No que diz respecto a xineru del 2008, el desempléu ascendió n"Asturies un 28,82%. Nesti casu, la tasa ye mui inferior al del restu de les comunidaes autónomes, yá que l"incementu del desempléu foi del 47,12%.
Reacciones
Les reacciones énte unes cifres tan dures y preocupantes feches públiques pol Ministeriu de Trabayu nun tardaron en provocar reacciones. Ovidio Sánchez, presidente del PP d'Asturies, mostró la so preocupación y dixo qu'esa provecida d'un 10,61 % «fai que la trampa d'Areces rescample» yá que, según el líder popular, «mentía'l Presidente d'Asturies cuando dicía qu'Asturies taba meyor preparao qu'otres comunidaes énte la crisis».
«Ye evidente que Vicente Álvarez Areces ta mirando pa otru llau», añedió Ovidio Sánchez y esixó que'l xefe del Gobiernu asturianu compareciera énte la Xunta Xeneral del Principáu «pa dicir les midíes concreres que piensa poner en marcha dende Asturies pa intentar corrixir la situación».
Otra manera, UXT y CC OO comparten la opinión de que la situación ye «muncho grave». Pa Miguel Ángel Ballina, secretariu d'empléu de CC OO, lo más preocupante p'Asturies ye «el deterioru tan intensu del empléu nel sector industrial», al tiempu que fontes d'UXT sorrayaron que «esta evolución evidencia, amás de la perda de ventaya comparativa que venía calteniendo Asturies nel contestu estatal, la dureza cola que ta afectando la crisis al sector industrial asturianu que se traduz nun alarmante incrementu del desempléu». CC OO, otra miente, avisó que «nun diba permanecer impasible énte esta situación» y UXT esixó a los empresarios «un esfuerzu por caltener los niveles d'empléu».
Otra manera, Faustino Zapico, portavoz d'Unidá Nacionalista Asturiana (UNA), demandó a los partíos parlamentarios una convocatoria estraordinaria y urxente del Plenu de la Xunta Xeneral pa tratar esti problema, que calificó d'«alarmante». Zapico pidió que fora'l parlamentu asturianu'l «que garrara les riendes» nesta situación , puesto que «la perda de capacidá productiva d'Asturies ta faciéndose evidente, como les mentires de los responsables públicos qu'aseguraron qu'Asturies diba aguantar meyor qu'otros la crisis económica».
33 Comentarios
Temes relacionaos:
Actualidá llaboral