Escrito por ObservatoriuLlaboral el vienres, 13 abril de 2007
Observatoriu Llaboral ye un blog nueu, fechu dende Asturies y p’Asturies, ónde va intentase compilar toles noticies rellacionaes col mundu llaboral nel nuestru país, pa espeyar d’una manera clara la crisis que tá sufriendo. Al traviés de delles estayes (Actualidá, Conflictos llaborales, etc…), y recoyendo les noticies de toles fontes que nos sea posible (medios de comunicación capitalistes y alternativos, sindicatos, colectivos de solidaridá, y demás) intentáremos dar una imaxe global de la situación llaboral n’Asturies. Amás, faéremos un apartáu especial que llamamos “Compilatoriu d’Accidentes Llaborales” nel que, de mou breve, van recoyese tolos accidentes llaborales conocíos n’Asturies y les consecuencies físiques y/o síquiques pa les persones que los sufran.
Les persones que facemos posible esti modestu blog consideramos a la Llingua Asturiana como la propia d’Asturies. Por embargu, vamos mantener l’idioma orixinal de les noticies por respetu a los y les sos autores, y porque somos persones con otros compromisos personales, sociales y políticos y reconocemos la nuesa incapacidá pa tar a too.
Tamién se van recoyer noticies, casi siempre apurríes pola patronal o les Alministraciones públiques, nes que se fae, al nuesu mou d’entender, demagoxa barata y manipulación mui interesada sobre los datos d’actividá llaboral y otres cuestiones rellacionaes. Por ello, eses noticies vamos recoyeles baxo l’epígrafe “Humor”.
Y yá p’acabar, queremos afalar a tola xente que pase pol blog a collaborar con él, a opinar, mandar noticies, convocatories o lo que consideren importante. Pueden facelo directamente nel blog o mandando un corréu lletrónicu a:
observatoriullaboral arroba gmail puntu com
Nota: el blog tá acabante d’empezar, polo que tovía tá n’obres. Anque pensamos que lo importante de verdá ye’l conteníu, nos prósimos díes vamos dir camudando l’apariencia del blog pa da-y un toque más “vistosu”.
Les persones que facemos posible esti modestu blog consideramos a la Llingua Asturiana como la propia d’Asturies. Por embargu, vamos mantener l’idioma orixinal de les noticies por respetu a los y les sos autores, y porque somos persones con otros compromisos personales, sociales y políticos y reconocemos la nuesa incapacidá pa tar a too.
Tamién se van recoyer noticies, casi siempre apurríes pola patronal o les Alministraciones públiques, nes que se fae, al nuesu mou d’entender, demagoxa barata y manipulación mui interesada sobre los datos d’actividá llaboral y otres cuestiones rellacionaes. Por ello, eses noticies vamos recoyeles baxo l’epígrafe “Humor”.
Y yá p’acabar, queremos afalar a tola xente que pase pol blog a collaborar con él, a opinar, mandar noticies, convocatories o lo que consideren importante. Pueden facelo directamente nel blog o mandando un corréu lletrónicu a:
observatoriullaboral arroba gmail puntu com
Nota: el blog tá acabante d’empezar, polo que tovía tá n’obres. Anque pensamos que lo importante de verdá ye’l conteníu, nos prósimos díes vamos dir camudando l’apariencia del blog pa da-y un toque más “vistosu”.
18 Comentarios