Escrito por Sumiciu el sábadu, 25 ochobre de 2008
Nun me quedó más remediu que para d'andar cuando me topé énte esa imaxen.
Yera un colexu de primaria. Nél, ente la fila padres que llevaben a los fíos de la mano tan típica de les hores puntes capitaliegues, allugárense en cauna les sos esquines una pareya policíes col traxe trabayu. Hai una cai trancada na que tan aparcaes tres grilleres. Per un instante, entrúgome a mi mesmu si, por dalguna paradoxa espaciu-temporal, foi quien a calar a los EE.XX. (onde a veces nun hai diferencia ente un centru escolar y un campu batalla), mientres cuntaba arrastrame per Uviéu.
Volví darréu la cara p'alantre y seguí precipitándome (nin ayenu nin aplicáu) pol mio camín cola natural discrección. Pero'l dañu taba yá fechu y nun pudi resistir el siguir dándo-y vueltes a la cabeza sobre la semeya que taba acabante guardar.
Púnxime nel casu nel que ún d'aquellos padres que tiraben polos neños mediu escosoñar tovía y na escena de tener que xustifica-y al mio fíu aquel despliegue. Que daquién nos entrugue pol nome xusto na puerte na que pol pasu los años y los cursos toos yéremos conocíos e incluso habituales.
Probablemente, al entamar falando-y de príncipes ya princeses él (o ella) lo asociare nesi intre a un cuentu. Polo que'l mio esmolecimientu anicial probablemente se-y tornare fantasía na suya. Entá asina, nun dexaría d'apretar más fuerte la mio mano eńte la presencia los uniformes que xixilaben les torres del castiellu.
Escaeciera que, n'Uviéu, l'antroxu aporta a finales d'ochobre y siempre tien la mesma monotemática que la vuelve per una selmana estética ya conceutualmente a l'Edá Media.
Yera un colexu de primaria. Nél, ente la fila padres que llevaben a los fíos de la mano tan típica de les hores puntes capitaliegues, allugárense en cauna les sos esquines una pareya policíes col traxe trabayu. Hai una cai trancada na que tan aparcaes tres grilleres. Per un instante, entrúgome a mi mesmu si, por dalguna paradoxa espaciu-temporal, foi quien a calar a los EE.XX. (onde a veces nun hai diferencia ente un centru escolar y un campu batalla), mientres cuntaba arrastrame per Uviéu.
Volví darréu la cara p'alantre y seguí precipitándome (nin ayenu nin aplicáu) pol mio camín cola natural discrección. Pero'l dañu taba yá fechu y nun pudi resistir el siguir dándo-y vueltes a la cabeza sobre la semeya que taba acabante guardar.
Púnxime nel casu nel que ún d'aquellos padres que tiraben polos neños mediu escosoñar tovía y na escena de tener que xustifica-y al mio fíu aquel despliegue. Que daquién nos entrugue pol nome xusto na puerte na que pol pasu los años y los cursos toos yéremos conocíos e incluso habituales.
Probablemente, al entamar falando-y de príncipes ya princeses él (o ella) lo asociare nesi intre a un cuentu. Polo que'l mio esmolecimientu anicial probablemente se-y tornare fantasía na suya. Entá asina, nun dexaría d'apretar más fuerte la mio mano eńte la presencia los uniformes que xixilaben les torres del castiellu.
Escaeciera que, n'Uviéu, l'antroxu aporta a finales d'ochobre y siempre tien la mesma monotemática que la vuelve per una selmana estética ya conceutualmente a l'Edá Media.
11 Comentarios
Temes relacionaos:
Paranoies