Escrito por Sumiciu el vienres, 24 xunetu de 2009
Dende'l riscal a les primeres lluces de la lluna, una güeyada, un afalagu, dellos patagüeyos. Esa eterna llucha por debuxar ente les piedres un camin de sorrises. Y yo amarráu a bon gabitu.
El baillar ente les sábanes ente un mecigayu de suaños que facemos con parte y parte, damos el calor que asela los nuesos cuerpos darréu d'hores murnies albentestate. Besamos les feríes, palpamos la nuca, abrazamos pela espalda. Inventar el nuestru abellugu. Y cada día recordar que somos cómplices.
Lo mesmo que mos sabemos enfermos d'un mal llamáu mieu. Que va percorriéndote, atrullándote. Frayándo l'esperanza p'ente les solombres. Vivir y consentir, sabese esclavos. Combayar pa siguir igual. Ver como te roben cada segundu que nació como tuyu so la escusa de llei natural. Natural lloriada d'un terciu periódicu. Y los nuestros suaños sometíos a una nómina que mos insulta y se ríe na nuestra cara de la que fai les cuentes ente lo que mos faen valir y el preciu que tenemos que pagar.
Perdíos na estaya, dacuando solos, dacuando collacios. Y la culpa ye nuestra, nuestra namás. Lo mesmo qu'enantes...somos cómplices.
Yo quixera declarame insumisu, que tú foras la única quien a domar la mio rebeldía en segundos únicos nos que t'apoderares del mio cuerpu y fixera qu'esa lletrecidá nervioso qu'abeya pel mio celebru s'espardiera de secute pol mio cuerpu dafechu. Porque yo namás quiero ser cómpliz tuyu y non de naide más, de nengún llobu nesta estaya...
El baillar ente les sábanes ente un mecigayu de suaños que facemos con parte y parte, damos el calor que asela los nuesos cuerpos darréu d'hores murnies albentestate. Besamos les feríes, palpamos la nuca, abrazamos pela espalda. Inventar el nuestru abellugu. Y cada día recordar que somos cómplices.
Lo mesmo que mos sabemos enfermos d'un mal llamáu mieu. Que va percorriéndote, atrullándote. Frayándo l'esperanza p'ente les solombres. Vivir y consentir, sabese esclavos. Combayar pa siguir igual. Ver como te roben cada segundu que nació como tuyu so la escusa de llei natural. Natural lloriada d'un terciu periódicu. Y los nuestros suaños sometíos a una nómina que mos insulta y se ríe na nuestra cara de la que fai les cuentes ente lo que mos faen valir y el preciu que tenemos que pagar.
Perdíos na estaya, dacuando solos, dacuando collacios. Y la culpa ye nuestra, nuestra namás. Lo mesmo qu'enantes...somos cómplices.
Yo quixera declarame insumisu, que tú foras la única quien a domar la mio rebeldía en segundos únicos nos que t'apoderares del mio cuerpu y fixera qu'esa lletrecidá nervioso qu'abeya pel mio celebru s'espardiera de secute pol mio cuerpu dafechu. Porque yo namás quiero ser cómpliz tuyu y non de naide más, de nengún llobu nesta estaya...
17 Comentarios