Non, nun quiero sentir ruxir per ende expendedores de fe eterno. Yá toi fartucu de glayíos y sensaciones que duren tan solo esi segundu; de ver, oyer y sentir la tormenta más cerca...pa nun escarmentar hasta que cai sobre la nuestra cabeza.




Hasta los coyones. De vivir ente hestories que falen siempre de tiempos meyores allugaos mañana o ayeri, pero poques soluciones que escalezan el presente. Yo, muertu frío, en medio esti ermu ensin verdaes absolutes nin pies nel suelu, pierdo la noción de toles coses mientres veo'l mundiu correr nos mios alredores. Yo, otra vuelta, primer culpable de llanzar la piedra.



Falar nun val de nada, si naide nun escucha si a naide-y da la gana...si depende min lo que charro, meyor dir entamando que dicir como lo fago...



Mil, dos mil, tres mil...gargüelos inútiles acorripaos ente un ensame d'abeyes reines y zánganos...y l'hestoria con visu continuar.



Y ello nun yera xusto, sabiéslo, sabienmoslo toos; y asina, que por muncha espina que tenga por ello, nun tien meester siguilo, pa lo fondero'l furacu...ellí n'onde acaba too...ellí n'onde mos toparemos.