Unos güeyinos que se cuelen p'ente los barrotes de la xaula, un xestu de mieu y una güeyada qu'asemeya más humana que les manes que tienen per ella. Mieu, impotencia, noxu. Sangre. Asesinatu de baldre. Inocencia. Xabaz tratu inhumanu, peste prieto na que dellos animales tan somorguiaos. Insensibilidá (babayaes).

Una espada que se clava nes coraes, verdugos cómplices qu'esparden aplausos. Otru clavu más pa cristo na tierra, otra cruz víctima l'heriedu la nuesa raza (humana por si facía falta desplicalo). Asta nel suelu y un berríu de dolor nel aire.

Estes lletres taben necesitaes de semeyes, pero non, púdome l'escrúpulu. Tengo cachinos de cristal navegando poles venes que m'esmolecen y esfrecen caúna de les vegaes que veo les imaxenes.

Delles de veces lo que mas me manca ye'l sentimientu de complicidá, otres el silenciu y otres too xunto. Pero asina, inda espero que seya el callar y non el nun sentir; entovía tengo la leve esperanza de tenemos por humanos.

Somos tan iguales que nun somos quien a damos cuenta del dañu que-yos facemos. Namás hai una cosa que mos estrema d'ellos y precisamente eso ye lo que más nos fai falta pa damos cuenta del error. Cuanto más lloñe nos pruya asitiamos respeutu a ellos, más lloñe taremos de nós.

Uno ye talantar, pescanciar, decatase. Lo otro nun hai quien lo pescancie.

Relatu de terror ensin imaxenes, nun se fuera a asustar naide.

Juez y vengador
de su propia ley
diamantes en tu espalda
vencer una vez más.
Señalado
entrando a matar,
caro precio
entraste a matar.

Rojo - Barricada