Creative Commons 3.0 RSS CSS 2.1 XHTML 1.0
Entrar  
Rexistru
Lo que pasa detrás y delantre la pantalla 
Escrito por Sumiciu el xueves, 27 marzu de 2008

Vía Esbilla, tópome con esta perinteresante noticia en AsturNews:
L'Academia de la Llingua Asturiana fizo anuncia de l'apaición bien pronto del númberu 5 de la colección de Cartafueyos normativos dedicáu a la temrinoloxía informática nel trescurrir del actu de presentación del Diccionariu de la Llingua Asturiana en llinia, dientru la ´páxina web de la institución acadcémica.



Ello tuvo llugar, como relata la noticia orixinal, na presentación del Diccionariu de la Llingua Asturiana en llínia xunto cola publicación na rede de les Normes ortográfiques y la Gramática de la Llingua Asturiana nel actu que podemos ver nel siguiente vidiu de la canal AsturNewsTv:



L'afitar un consensu nos temes relacionaos coles nueves tecnoloxíes paezme un fechu perimportante y pernecesariu. Nun dexa de ser un problema la torna d'espacios web y la creación de ferramientes informatiques en llingua asturiana cuando ún se topa col problema de que nun esiste ningún estándar a l'hora d'entamar una accesibilidá, claridá ya unificación de los estremaos mensaxes verbales que puen apaecer nes aplicaciones informátiques. Personalmente ye daqué que llevo reclamando fai dellos años.

Nesi sen tamién sedría importante que dichu cartafueyu fuera d'accesu universal y non un simple documentu llingüisticu estancáu en papel. Nun hai qu'escaecer que'l so marcu de vida, aplicación y tola ayuda que pueda apurri-y a la llingua na so normalización, alcuéntrase dientro de la rede como mediu d'espardimientu masivu d'información.

Escrito por Sumiciu el vienres, 14 setiembre de 2007

Nun entamu la noticia diba a ser l'aparición de dos web sociales en llingua asturiana qu'asemeyaben el funcionamientu de Meneame.net cola particularidá de tar dambes asoleyaes en llingua asturiana. Ximielgame.net (pongo l'enllaz anque nun se hasta que momentu tara activu..) y Esbilla.net.




El casu ye que, mientres recopilaba información pa escribir esta entrada, tópome cola noticia'l pieslle de la primera nel so blog oficial:



Suponemos que los más perspicaces blogosferos asturianos vos decataríeis de la llamentable coincidencia de que dos proyeutos idénticos, casique coles mesmes funcionalidaes, asoleyáronse al empar el pasáu martes. Nós, cuidamos que nun ye lo meyor pa que un sitiu d’esti tipu tenga un bon nivel d’usu que convivan o compitan dos sitios pensaos pa una comunidá tan ruinuca como la nuestra.




Sin dulda, un xestu perguapu enteponiendo los intereses de la comunidá internauta asturiana a los personales (cosa que na vida real asturiana ye bien rara ente xente y organizaciones, por cierto).



Por ello, da-y gracies a los dos proyeutos por apurrir, o intentalo nel casu d'ún, una ferramienta peramañosa pa los asturfalantes. Y desea-y lo meyor al que queda.