Según informa Infoasturies:
Felguera Construcciones Mecánicas fizo ayeri, 24 de xunu, un paru de dos hores en cada turnu en protesta pol incumplimientu nel conveniu colectivu tocantenes al cobru de primes de producción.

El paru, que se va repetir otra vez el prósimu vienres 26, vien motiváu pol impagu de gran parte de la prima de produición a los trabayadores, "estes irregularidaes se lleven produciendo na filial de Duro Felguera dende va más de dos años, polo que les cantidaes que nos sustrayeron son bastante importantes" aseguren fontes del comité d’empresa de FCM.

Según informa Europa Press:

El Comité d'empresa de Felguera Construcciones Mecániques convocó güei un paru de 24 hores pa solidarizase colos cuatro trabayadores d'esta división de Duro Felguera que tán sancionaos pola empresa dende últimos del pasáu añu. El xuiciu celébrase güei en Mieres. El paru de 24 hores tien llugar dende les 6.00 hores de güei hasta la mesma hora del xueves.

L'oxetivu de los emplegaos del tamién conocíu como taller de Barros ye "apoyar a los cuatro compañeros" a los que se suspendió d'emplegu y sueldu por una sanción impuesta pola direición de Fuelguera Construcciones Mcániques, "por desobedecer ordes" y que consideren "acosu llaboral".

Sin embargu, deede'l Comité d'Empresa d'esta estaya de Duro yá manifestaron en repetíes ocasiones que les midíes sancionadores pretenden ser "una demostración de poder" de la entidá.

Xustamente, mañana va desarrollase en Mieres el xuiciu por tales sanciones, que suspendieron a un trabayadore d'emplegu y sueldu demientres un mes, a otru demientres seis díes, y a otros dos demientres dos díes.

Amás, hubo delles amonestaciones a otros emplegaos per parte de la direición de la empresa. Asina, la plantiya de Felguera Construcciones Mecániques tien previsto realizar una concentración de magar de les 9 hores delantre de los xulgaos de Mieres.

Según informa La Voz de Asturias:

El comité d'empresa de Felguera Construcciones Mecánicas (FCM) anunció ayeri la convocatoria d'una xornada de fuelga pa'l prósimu día 26 col oxetivu de esixir el cumplimientu del ERE (Espediente de Regulación d'Emplegu) firmáu en 2006 y denunciar dellos casos d'"acosu llaboral".

Según José María Díaz, presidente del comité del tamién conocíu como taller de Barros, nel últimu mes impuxéronse por parte la dirección de Duro Felguera cuatro "castigos desorbitaos ya inxustificaos", el más duru d'ellos de trenta díes de suspensión d'emplegu y sueldu a un emplegáu.

Los incumplimientos del ERE por parte de la dirección de la empresa son "constantes", según los sindicalistes, que indicaron que nun se modernizaron les instalaciones y los equipamientos del taller cuando yá se lleva la mitá del perióu de vixencia apautáu. Por embargu, lo que sí se aplicó inmediatamente n'esi ERE de 2006 foe la reducción de emplegu.