Creative Commons 3.0 RSS CSS 2.1 XHTML 1.0
Entrar  
Rexistru
La actualidá llaboral asturiana 
Escrito por ObservatoriuLlaboral el xueves, 16 xunetu de 2009

Según informa Europa Press:
Miembros de Ganaderos Uníos, agrupación creada al marxe de los trés sindicatos agrarios (Asaxa, COAG y UCA) repartió güei de baldre 3.000 lliltros de lleche nel Paséu Los Álamos d'Uviéu, amás de cortar demientres un bon ratu'l tráficu d'esta vía.

Tratábase d'una protesta pa exixir la intervención de l'Alministración en favor del pagu d'unos mayores precios pola lleche a los productores, recordando que, les industries tán pagando la materia a este 22 y 25 céntimos, menos la Central Llechera Asturiana, que lo fai a 30. Esta cifra ye'l mínimu exixible pa "dir tirando en tiempos de crisis", según esplicó'l presidente de Ganaderos Uníos, José Pedro. Sicasí, matizó que sólo 1.600 de los 2.700 ganaderos de lleche qu'hai nesti momentu n'Asturies producen pa la Central.

"Los políticos tienen que defendemos, que pa eso los votamos; ellos son los que tienen ferramientes abondo pa intervenir a les industries y grandes superficies, sobre esos precios que mos tán pagando, que nun son aceptables, que mos lleven a la ruina", exixó.

Pa informar d'estes cuestiones a la ciudadanía, instalaron un puestu nel Paséu Los Álamos, ante la plaza de La Escandalera, dende'l que se repartía lleche de baldre en cartones blancos de Ganaderos Uníos, al tiempu que s'esplicaben les sos principales reivindicaiones.

Posteriormente, los ganaderos ellí presentes decidieron cortar la carretera, llanzando contra l'asfaltu dellos cartones de lleche, a la voz, dalgunos d'ellos, de 'val más tirala que vendela'. Nun se produxo nengún incidente.

Al traviés d'un comunicáu, acusaron a los políticos de "mirar pa otru llau", porque "el sector agrariu en xeneral nun-yos importa". También atacaron a los sindicatos agrarios (COAG, UCA y Asaja), que "lleven trés años representándomos illexítimamente, pues ésti ye'l tiempu que fai que debíen celebrase elecciones sindicales".

CONSUMIR LLECHE ASTURIANO

Al traviés d'una pancarta, Ganaderos Uníos encamentó a la población que consuma lleche producío n'Asturies, pa combatir así la invasión de productos estranxeros.

L'agrupación culpa del descensu de precios a la invasión de lleche "foriato, principalmente de Francia y Portugal, a baxu preciu, mui perbaxo del coste de producción, distorsionando d'esta manera'l mercáu y faciendo que les nueses esplotaciones se vuelvan inviables".

Por esti motivu, José Pedro esplicó que "los cartones tienen que llevar una marca 'Q', certificando la trazabilidá de la lleche, pa que se diferencie la española de la francesa".

Escrito por ObservatoriuLlaboral el martes, 9 xunu de 2009

Según informa Europa Press:
La Unión de Pequeños Agricultores y Ganaderos (UPA) exixó güei a la industria llechera que nun aplique nueves baxaes nel preciu de la lleche, "asfixando tovía más a los ganaderos españoles".

Ante los anuncios de delles industries llecheres de baxar ente 1 y 2 céntimos de la lleche entregada polos ganaderos demientres el mes de mayu, la organización mostró "la so más absoluta disconformidá, al considerar que nun hai razones que lo xustifiquen".

Amás, denunció que de confirmase estes nueves baxaes, un significativu númberu d'esplotaciones familiares dedicaes al vacunu de lleche que va ver obligaes a pesllar, "con malpenes alternatives, dao que la mayor parte d'elles s'asienten en zones de montaña y desfavorecíes".

UPA sorrayó que "ye sangrante" que les industries llecheres qu'operen n'España continúen cola práctiva d'aplicación unillateral del preciu y notificación a los ganaderos una vez que la lleche yá foi entregada, "utilizando de supremacía na cadena llechera".

Asina, pidió a les industries "la paralización inmediata" de los descensos de precios anunciaos y-yos solicitó que "tomen exemplu de los sos homólogos franceses, que fueron a llegar a acuerdos colos ganaderos en condiciones ventayoses pa toos".

D'igual manera, UPA reclamó al Gobiernu español que tome nota del francés, "que se sentaron na mesa de negociación del sector llecheru y algamó un acuerdu ente les partes".

Escrito por ObservatoriuLlaboral el miércoles, 15 abril de 2009

Según informa Europa Press:
Ganaderos urriaron güei a los miembros del Conseyu de Gobiernu d'Asturies, cuando éstos salíen del so conceyu, celebráu nel Ayuntamientu de Salas. Integraos na asociación de Ganaderos Uníos, fueron dándose cita nel esterior de la Casa Conceyu mientres se desarrollaba la xunta, y entamaron a xiblar en cuantes los conseyeros fueron saliendo.

Enseñaron tamién dos pancartes. Núna d'elles podía lleese 'Millones para los banqueros, sudor, impuestos y miseria para los ganaderos', y n'otra trayía 'Consumo carne y leche de fuera sin ningún control". En vista de la situación, el conseyeru de Mediu Rura y Pesca del Principáu, Aurelio martín, decidió averase a los manifestantes, y caltuvo una conversación colos mesmos de más de media hora. El dirixente rexonal recoyó asina de primer mano les quexes de los ganaderos.

CAMPAÑA DE SANIAMIENTU



Na xunta'l Conseyu de Gobiernu aprobóse una partida de 4.074.987 euros pa la execución de la Campaña de Saniamientu Ganaderu del añu 2009. Según informó en rueda prensa la conseyera d'Alministraciones Públiques y Vocera del Gobiernu, Ana Rosa Migoya, la execución de la campaña de saniamientu va correr a cargu de la empresa Tragsega, filial de Tragsa.

Escrito por ObservatoriuLlaboral el domingu, 5 abril de 2009

Según informa La Voz de Asturias:
Ven positiva cualquier medida de ayuda a los ganaderos, pero con recelos. Desde los sindicatos agrarios aprueban la Proposición no de ley que presentaron los grupos parlamentarios PSOE e IU, pero temen que al final se quede en nada. Sobre todo porque el propio consejero de Medio Rural y Pesca, Aurelio Martín, les reconoció ayer que aún no sabía de cuánto dinero podía disponer para llevar a cabo estas ayudas, pero también porque tal y como están planteadas, podrían llegar a menos ganaderos de lo que sería deseable.

Oscar Sirgo, de COAG, comentó ayer que Martín les había explicado que "al proyecto aún le queda tiempo de estudio", y añadió que la idea de ayudar "solo a algunas explotaciones" --la proposición contempla que el dinero iría destinado a aquellas explotaciones que serían viables y que estén endeudadas por la compra de cuota-- no es positiva: "Nosotros creemos que han de ayudar a todas las granjas. Esta claro que en circunstancias excepcionales es necesario tomar medidas excepcionales". En este sentido, Sirgo se preguntó "quién va a decidir que explotaciones son viables y cuáles no lo son, porque para nosotros son viables todas". Y añadió: "Aún no saben si va a ser a través de avales o de ayudas directas, pero desde aquí es importante decir que los avales, a los ganaderos, en esta situación, no nos sirven para nada".

SIN ILUSIONES Muy parecida es la opinión de José Calvo, de UCA. Para él, "los ganaderos, hoy por hoy, no quieren oír ni hablar de avales y de créditos: no sirven para nada". Y, aunque dice que "todo lo que sean ayudas para paliar la crisis es visto de forma positiva", recuerda que el propio ejecutivo regional desconoce cuál será el montante económico que se destinará a las ayudas. "Ya se crearon muchas expectativas con el tema de las ayudas del vacuno de carne, y al final se quedó prácticamente en nada, así que tampoco queremos hacernos muchas ilusiones", explica el secretario de UCA. Y como Sirgo, hace alusión al tema de la viabilidad, y explica que "después de toda la sangría que hubo, con la cantidad de explotaciones que han cerrado sus puertas en los últimos años, la que permanece, queda claro que es viable".

Más optimista es Geli González, del sindicato Asaja, que explicó que con esta línea de ayudas "se podría resolver uno de los grandes problemas que tienen hoy por hoy los ganaderos: el endeudamiento". Además, añadió que ayudan a pasar el año 2009. "Las ayudas del plan lácteo del ministerio no llegarían hasta el año 2010 y es muy positivo tener algo con lo que poder pasar este año", comentó. Geli González explicó que en Asturias, la compra de cuota láctea en la última década, ha dejado endeudadas, más o menos, el 30% de las explotaciones, de las que la mayoría "serían viables si los precios a los que las industrias lácteas pagan la leche no estuvieran por debajo de los precios de producción".

Escrito por ObservatoriuLlaboral el martes, 31 marzu de 2009

Según informa Europa Press:
Les organizaciones profesionales agraries UCA-UPA, COAG-Asturies y Asaja-Asturies, refugaron güei la decisión de la Conseyería de Mediu Rural y Pesca d'aprobar menos de la metá de les 391 solicitudes de cese anticipáu de l'actividá agraria, según informaron al traviés d'una nota prensa.

Les organizacinoes llamentaron que la Conseyería, al traviés de la Comisión Rexonal del Bancu de Tierres unviare a los ganaderos una carta comunicándo-yos la denegación de la so solicitú sin informar a los sindicatos d'esa decisión. Amás, matizaron que les organizaciones, a la escontra de lo que se diz nesta carta, nun propunxeron nin acordaron l'aprobación de solicitudes hasta la llende de disponibilidá presupuestaria.

UCA-UPA, COAG-Asturies y Asaja-Asturies exixeron asina al Principáu qu'aporte los fondos necesarios p'aprobar el cese anticipáu a tolos solicitantes, más tovía teniendo en cuenta que la convocatoria d'ayudes nun s'abrió nel añu 2007.

Les organizaciones recordaron que los ganaderos que soliciten el cese anticipáu lo faen por falta de rentabilidá na so esplotación, polo que piensen que ye de xusticia que tengan una salida "digna" del sector. A lo último, pidieron a la Conseyería qu'indemnice a los ganaderos a los que se-yos aprueba'l cese y tienen la cuota llechera activa. "Nun podemos consentir qu'invirtieren dineru pa comprar cuota llechera y qu'agora la tengan que regalar a l'Alministración", acabaron.

Escrito por ObservatoriuLlaboral el xueves, 20 payares de 2008

Según informa Europa Press:
Los sindicatos agrarios asturianos refugaron güei l'acuerdu de la UE sobre Política Agraria Común. UCA y COAG definiéronlu como nefastu y negativu y prevén el zarru d'esplotaciones llecheres, y Asaja considera que "dexa munchos frentes abiertos". Toos ellos aludieron a la discriminación d'Asturies frente a otres rexones d'Europa más competitives.

La decisión europea básase en caltener nún un por cientu añal l'incrementu de cuotes llecheres demientres los próximos cinco años, un sistema que va revisase nel 2010 y el 2012, y amenorgar al 10 por cientu'l recorte de les ayudes directes a los agricultores nel 2012.

Óscar Sigor, de COAG, considerólu muy "negativu" y añadió que'l sector ganaderu asturianu "ye'l que ye" y nun pue de nenguna manera competir con otros, como'l francés, polo que "o se pon un preciu mínimu de la lleche o munchos nun van poder aguantar". Al so xuiciu, la situación creada "nun ye pa felicitase nin muncho menos, sinón más bien pa echase a llorar".

Per otra parte, el secretariu xeneral de la Unión de Campesinos Asturianos (UCA), José Calvo, afirmó que la midida "ye nefasta pal modelu d'esplotación ganadera d'Asturies", y aseguró que nun se "beneficia al sector priváu".

José Calvo, en declaraciones a Europa Press, manifestó que la decisión ye "mui perxudicial p'Asturies frente a países como Francia". Refirióse tamién al recorte del 2% d'ayudes directes de los agricultores que reciban más de 5.000 euros en subsidios nel 2009. Calvo consideró "aberrante esta midida, que va suponer qu'a dalgunos ganaderos se-yos quite un importe que necesiten hasta pa comer".

L'Asociación de Xóvenes Agricultores y Ganaderos (Asaja) consideró que la midida dexa "munchos frentes abiertos" que van acabar produciendo discriminaciones ente los diferentes productores europeos, en función de l'aplicación política que faiga cada estáu miembru.

La organización destacó qu'anque'l Conseyu meyora la propuesta de la Comisión, el resultáu final vuelve ser un recorte nes ayudes que perciben los agricultores y ganaderos. "Nun dexa de ser una incoherencia que la Comsión reconoza'l carácter estratéxicu de l'agricultura europea, y al mesmu tiempu recorte significativamente los apoyos destinaos a esti sector", aseguró.

N'opinión de la central agraria, l'acuerdu final, que va suponer un recorte efeutivu de les ayudes de la PAC del 10% nel 2012 pa toles esplotaciones que reciban más de 5.000 euros al añu en conceutu de pagu únicu, van suponer asitiar en "la cuerda floxa" a abondes esplotaciones "nun momentu en que la mayoría de sectores agrícoles atraviesen graves problemes de viabilidá".

Escrito por ObservatoriuLlaboral el miércoles, 8 ochobre de 2008

Según lleemos en Asturies.com:
Representantes de los sindicatos agrarios y ganaderos Unión de Campesinos Asturianos (UCA), Asociación Agraria de Xóvenes Agricultores (Asaxa), y Coordinadora d'Organizaciones d'Agricultores y Ganaderos (COAG), arramaron güei dellos cartones de lleche ante la entrada del supermercáu Dia de la cai Cervantes n'Uviéu. Trátase d'un actu de protesta polos baxos precios pagaos a los productores, nel marcu d'una campaña de concienciación del consumidor a favor de la compra de lleche y derivaos d'España, frente a les importancies estranxeres.

Ye la única forma, dende'l so puntu de vista, de caltener la 'trazabilidá' y evitar la baxada de precios pagaos al consumidor, producida pola competencia de les importanciones estranxeres.

Por esti motivu, una trentena de representantes de los tres sindicatos vertieron sobre la cera dellos cartones de lleche al tiempu que repartíen fueyes a los clientes, nes que se lleía'l mensaxe: "consumidor, de la sobrevivencia del sector llecheru asturianu dependen munchos puestos de trabayu. La to collaboración ye imprescindible. Ayúdamos mercando lleche y productos llecheros d'España". Nel folletu, pídese al cliente que compruebe que'l cartón lleva la marca 'ES', iniciales d'España.

Ente los participantes na propuesta taben los secretarios xenerales de les tres centrales: José Calvo (UCA), Óscar Sirgo (COAG), y Ramón Artime (Asaxa). Los tres fueron identificaos por axentes de la Policía Nacional, avisada polos trabayadores del supermercáu.

Óscar Sirgo recordó que'l preciu de producción ye d'unos 0,43 euros, y tán pagando a 0,40 a los ganaderos, "y hasta menos". "Hai rutes nes que se dexó de recoyer la lleche, porque la traen ellaborada de fuera", añadió. "Queremos que'l consumidor se conciencie de que la lleche de fuera nun ye precisamente la más barata y la calidá y la tesparencia nun ye clara". "La lleche asturiano ye d'una calidá escelente, perfecta, pero cuando llega a les industries se pierde la 'trazabilidá' (conceutu col que se denomina la trayeutoria qu'indica l'orixe d'un productu a lo llargu del procesu d'ellaboración y comercialización)", señaló.

Nel mesmu sen, espresóse José Calvo. "Tán engañando al consumidor. Les grandes superficies multinacioanles tán importando lleche d'otros países al mesmu preciu, cuando equí mos paguen unos precios de risa", protestó. "Esperamos una determinada sensibilidá del consumidor, y que se descubra cuálos son los trucos que se tán faciendo, cuando se ta importando lleche d'otros países al mesmu preciu que mos la paguen a nós", señaló.

Ir a página 1 2 3