Un trabayador de l'empresa Servimotor allugada en Tabaza (Carreñu), mancose al llevar un impactu na zona semifrontal la cabeza tando trabayando ayeri a les 5 la tarde. Doe treslladáu al Hospital de San Agustín n'Avilés.


Más Información.

Según La Voz de Asturias:

Tres trabayadores resultaron firíos leves nos accidentes llaborales rexistraos n'Avilés, Uviéu y Xixón. Ún de los siniestros produxose cuando un empleáu d'Aplacansa cayó d'espaldes dende una pila de chapa na obra na que trabayaba na cai Conde Guadalhorce, d'Avilés. El segundu accidente rexistrose na cai Guillermo Estrada, d'Uviéu, cuando un operariu de la empresa Obras Metálicas del Noroeste foe golpeáu nun pie por una viga. Pola tarde, un trabayaor de la constructora Martín Navarrete sufrió firíes leves nun siniestru en Xixón.


Amás d'estos accidentes, el mesmu periódicu destaca que los fallecidos n'accidente llaboral duplicaronse nel 2008

Según El Comercio Digital:

Un operariu de l'empresa "García CB" mancose esta mañana tres cayer dende una altura de tres metros mientres trabayaba nuna obra n'Asiegu, (Cabrales)

Un trabayador de 46 años morrió al cayer de la tercer planta d'una obra na cai Covadonga en Cangues d'Onís.

C.P.A de 48 años, resultó firíu al ser golpiáu por una pala d'obra en Sueros (Mieres)

A. G. G. de 27 años y vecín de la Pola L.lena morrió ayeri en Vigo (Galicia) mientres llevaba a cabu tarees de prospeción cerca'l balneariu de Mondariz al ser atulláu por una máquina perforadora.


Too ello cuando se conoz que los accidentes llaborales mortales aumentaron un 125% en febreru.

I.B.M. y J.M.F.Z resultaron firíos al voltiar el coche bomberos nel que diben pela A-66 a la altura de Mieres, direición a Uviéu. L'otra persona que viaxaba nel vehículu resultó illesa.

Dambos firíos foron treslladaos al Hospital Álvarez-Buylla con firíes na cabeza y rodiella respeutivamente.