Creative Commons 3.0 RSS CSS 2.1 XHTML 1.0
Entrar  
Rexistru
La actualidá llaboral asturiana 
Escrito por ObservatoriuLlaboral el vienres, 22 mayu de 2009

Según informa Europa Press:
Trabayadores de la empresa auxiliar Montrasa-Maesa torgaron güei la salida d'arrabiu del fornu altu de Xixón, lo qu'obligó a paralizar l'actividá de l'acería LD-III al nun llegar material, según confirmaron a Europa Press fontes de la empresa. Los emplegaos procedieron tamién a cortar el tráficu d'una de les carreteres interiores de la fábrica.

Les protestes entamaron a primer hora de la mañana y hacia les 13.00 hores quedó la situación normalizada nes instalaciones afeutaes, reestableciéndose la circulación, según la compañía.

La empresa espresó la so sorpresa ante les nueves protestes de los trabayadores de Montrasa, dempués del conceyu que caltuvo ayeri colos sindicatos, y recordó la so voluntá de diálogu colos sos representantes.

Escrito por ObservatoriuLlaboral el xueves, 21 mayu de 2009

Según informa Europa Press:
ArcelorMittal comprometióse güei a nun volver a colocar a personal propiu de la multinacional en puestos de trabayu pa que los que contrataron les empreses auxiliares. Lo fizo nel conceyu celebráu güei, dempués de que los emplegaos de la empresa avilesina Montrasa-Maessa forciaren un paru de cuatro hores na acería de Veriña qu'afeutó a la producción de la multinacional.

Según informó a Europa Press, el responsable de política industrial de CC.OO n'Asturies, Nicomedes Sánchez, los incidentes que tuvieron llugar güei se debieron, nuevamente a la "tensión creada al comprobar los trabayadores de les auxiliares que los sos puestos taba ocupándolos personal de l'acería".

Nicomedes Sánchez indicó que "tres el nuevu compromisu tomáu güei pola multinacional esperen qu'esta situación nun se repita". Sicasí, indicó que los emplegaos de les auxiliares tán dispuestos a movilizase.

El representantes sindical indicó que siguen a la espera de que la multinacional-yos presente'l plan de reestructuración de les axuiliares, a les que-yos preocupa que suponga recortes d'emplegu.

"Creemos que'l plan yá s'unvió a Bruseles y una vez que-y dean el vistu bonu mos lu van presentar a nós", acabó Sánchez.

Escrito por ObservatoriuLlaboral el llunes, 18 mayu de 2009

Según informa Asturies.com:
ArcelorMittal anunció a los sindicatos y a la direición de les empreses auxiliares qu'enantes de qu'acabe'l mes de mayu van presentar un plan de reordenación del sector auxiliar. La multinacional afirmó qu'una vez se presente va tratase de llegar a a un acuerdu sobre'l mesmu ente toles partes, pero los sindicatos sospechen qu'el mesmu significa más perdes d'emplegos que, aseguren, "nun tán dispuestos a tolerar".

Asina lo indicó'l responsable de Política Industrial de la Federación d'Industrial de CC.OO, Nicomedes Sánchez, tres participar nel conceyu de la Comisión de Siguimientu de les empreses auxiliares d'ArcelorMittal celebráu na conseyería d'Industria y Emplegu.

Un conceyu que Sánchez calificó de "mui tensu" y nel que les empreses auxiliares llegaron a amenazar con nun acudir más a esti tipu de cites, al considerar que "tán ante una tomadura de pelo" per parte de la multinacional. "Podemos metemos nuna situción mui complexa, polo qu'esperamos que reflexonen y les coses nun se descontrolen", dixo Nicomedes.

El responsable sindical indicó que nel conceyu de güei tanto los sindicatos como les empreses auxiliares denunciaron l'incumplimientu de los acuerdos adoptaos en dicha comisión per parte d'ArcelorMittal, dao qu'aseguraron que trabayadores de la multinacional tán desarrollando llabores propies de les auxiliares, cuando s'acordare que nun se diba dar reocupación d'esos puestos.

"Tamos detectando que los recortes que plantega ArcelorMittal a empreses y sindicatos, una vez que mos lo comuniquen, pasen a ocupalos trabayadores de la multinacional", dixo Sánchez, que se refirió a llabores concretes como les que se desarrollen nel tren de chapa de Veriña.

Según Sánchez, ArcelorMittal reconoció qu'esto taba pasando, pero argumenta que se trata de "trabayos compartíos", y atribúi la presencia de trabayadores de la multinacional a "errores". "Tamos yá un poco fartos de que los errores que se cometen seyan siempre a favor de la empresa", destacó Nicomedes Sánchez, qu'añadió que'l sector de les auxiliares considera qu'esto ye yá "una tomadura de pelu".

El representante sindical insistió en que si'l plan que va presentar la empresa significa más recortes na industria auxiliar, "van tener enfrente a los sindicatos", que consideren que "les coses se tán complicando más de lo debío, cuando la industria auxiliar yá pagó peaxe bastante".

Escrito por ObservatoriuLlaboral el miércoles, 22 abril de 2009

Según Asturies.com:
ArcelorMittal ta acabante d'anunciar a los sindicatos la so propuesta d'Espediente de Regulación d'Empléu (ERE), qu'afectaría en principiu a los 12.000 trabayadores de les instalaciones que la multinacional tien nel Estáu español, incluyíes les plantes asturianes d'Avilés y Xixón. Ye intención de la empresa que'l plazu máximu de duración del espediente sía d'un añu y afectaría a un máximu del 40% de les hores llaborales.

La propuesta d'ERE d'ArcelorMittal foi comunicada públicamente polos representantes de los sindicatos UGT, CC.OO y USO, que la calificaron como una "mala noticia" y "desproporcionada dafechu". Esti miércoles ta prevista una nueva reunión en Madrid ente la multinacional y los representantes de los trabayadores na que va analizase l'estáu de cada planta y en qué medida va afectar a caúna d'elles esti ERE.

Sicasí, de momento namás ta confirmao, segun fontes sindicales, que l'espediente va afectar a la totalidá de los trabayadores de les instalaciones de Madrid y Galdakano.

Escrito por ObservatoriuLlaboral el xueves, 9 abril de 2009

Un trabayador d'ArcelorMittal mancose ayeri de forma leve al raspiar la llocomotora que conducía con unos vagones que taben aparcaos cerca d'ella alredor de l'una de la mañana.

Escrito por ObservatoriuLlaboral el miércoles, 8 abril de 2009

Según informa Europa Press:
La multinacional ArcelorMittal anunció güei a los sindicatos la so decisión de parar la producción d'ún de los altos fornos de les instalaciones de Veriña, en Xixón. Asina lo comunicó nel conceyu del Comité restrinxíu que se celebró güei en Luxemburgo.

ArcelorMittal yá anunciare a los sindicatos qu'esta parada podía tener llugar nel segundu semestre del añu si la demanda nun evolucionaba de manera positiva. Agora, la direición confirmó qu'esta parada va facese sobre'l 14 o'l 15 de mayu, según confirmó a Europa Press el coordinador de los sindicatos d'ArcelorMittal n'Europa y diputáu socialista nel Parlamentu asturianu, Luis Ángel Colunga.

La multinacional plantega la parada del Fornu Altu B de Veriña, Xixón "demientres unos meses" y caltener amás paralizada la llinia de Galvanizáu II y la llinia de pintura. "De primeres planteguen parar el fornu hasta setiembre, pero va depender siempre de la evolución de la demanda", dixo Colunga.

Colunga esplicó que la direición presentó güei los planes pa Planos y Llargos de toa Europa, qu'atraviesen una situación "realmente complexa", dao que de los cerca de 25 fornos altos sólo permencen en funcionamientu "unos diez o once".

Asina, ente esos planes tán tamién la "suspensión temporal" de dos fábriques, la de Liexa en Bélxica y la de Florence en Francia, que cuenten "con instalaciones mui asemeyaes a les asturianes, anque con menos plantiya", según Colunga, qu'añadió que se planteguen amás "un altu númberu de paraes y suspensiones d'actividá de munches otres instalaciones del grupu".

CONSECUENCIES N'ASTURIES

Les consecuencies d'esa parada del formu altu n'Asturies tán tovía por determinar. Los sindicatos esperen que de magar la próxima selmana se puea concretar dalgo más sobre lo que va suponer la mesma. Asina, de mommentu, les organizaciones sindicales desconocen si van suponer o non l'aplicación d'un Espediente de Regulación d'Emplegu, ERE.

"Esto ya va ser una cuestión que deberán discutir los comités d'empresa de les diferentes instalaciones cola direición de la compañía", dixo Colunga, qu'indicó que "hai instalaciones como la de Liexa que tán nuna situación realmente dramática".

Escrito por ObservatoriuLlaboral el miércoles, 25 marzu de 2009

Según informa RTPA:
La multinacional siderúrgica ArcelorMittal ha convocado hoy a los representantes sindicales a una reunión para negociar la presentación de un Expediente de Regulación de Empleo (ERE) que afectaría a las diecisiete plantas que la empresa tiene en España en las que trabajan unos 11.000 empleados.

La dirección de la compañía ha trasladado este planteamiento a los sindicatos tras la reunión mantenida hoy en Madrid para negociar el acuerdo-marco que servirá para desarrollar los convenios colectivos en los distintos centros de trabajo de la empresa en España.

Fuentes sindicales han indicado que la empresa ha justificado esta medida, cuyo alcance en términos de empleo está sin cuantificar, ante la mala situación del mercado mundial del acero.

Según informó un portavoz de la compañía, al ERE podrán acogerse las plantas que así lo necesiten para afrontar la difícil situación económica actual. La intención de la compañía es constituir una mesa de negociación con los representantes sindicales con el objetivo de discutir la posibilidad de aplicar dicha medida.

Este posible ERE "no tiene nada que ver" con el anuncio de la compañía de parar un horno alto de las instalaciones asturianas, ya que esa decisión está vinculada a la evolución de la demanda, la cual "todavía no está en condiciones de ser evaluada".

"Ahora mismo no estamos en condiciones de evaluar cual va a ser la demanda para el segundo semestre, fecha para la que podría llevarse a cabo la parada del horno", destacaron las citadas fuentes.

Ir a página 1 2 3 4