Creative Commons 3.0 RSS CSS 2.1 XHTML 1.0
Entrar  
Rexistru
La actualidá llaboral asturiana 
Escrito por ObservatoriuLlaboral el llunes, 29 setiembre de 2008

Según lleemos en Asturies.com:
El Conseyu Executivu del sindicatu mélicu Simpa decidió convocar una fuelga de xornada completa ente los próximos díes 14 y 17 d'ochobre qu'inclúi a los facultativos estatutarios, llaborales, funcionarios, profesores rellacionaos y MIR, tanto d'Atención Primaria como d'Especializada y d'equipos del SAC, el SUAP y el SAMU.

L'órganu decisoriu del Simpa tomó güei esta decisión tres analizar el "incumplimientu" del acuerdu algamáu el 30 d'abril ente l'Alministración del Principáu y representantes sindicales, nel que destaca l'incrementu del preciu de la hora de guardia de 14,85 a 22 euros, tovía perbaxo d'una decena de comunidaes autónomes.

Según calcularon dende'l Simpa, el Principáu debe ente 6.000 y 12.000 euros a los facultativos en conceutu de retrasos, al tener l'acuerdu efeutu retroactivu dende'l 1 de xineru del 2008.

Ésti foi'l principal motivu que llevó al sindicatu a entamar les movilizaciones y xeneralizar el paru de magar la segunda quincena del mes que vien, anque esperen que nun seya necesario prollongar la fuelga "porque l'Alministración entre en razón, reflexone y cumpla lo pautao", apuntaron fontes del Simpa a Europa Press.

"De momentu, acordamos una fuelga de cuatro díes, como muestra una vez más de la nuesa responsabilidá y interés n'algamar un acuerdu y amenorgar el perxuiciu a los ciudadanos", añadieron".

De la mesma manera, mostráronse espectantes anque poco esperanzaos en que'l Sespa se ponga en contautu pa paralizar el paru y cumplir "lo qu'él mesmu firmó". "Nun pue confiase nuna Alministración que nun cumple los sos propios acuerdos, los mélicos tamos desencantaos", aseguraron dende'l Simpa.

Pero'l "incumplimientu" del acuerdu "molesta especialmente" al sindicatu mélicu porque nun sólo afeuta al aumentu del pagu pola hora de guardia, sinón que tamién afeuta a lo pautao sobre les meyores de les condiciones organizatives y salariales pa los mélicos que faen sustituciones y guardies nos hospitales y tamién de los equipos especializaos del Serviciu d'Atención Continuada (SAC), del Serviciu d'Urxencia d'Atención Primaria (SUAP), y del Serviciu d'Anteción Mélica Urxente (SAMU). "Tienen un trabayu mui duru y responsable, y tien de ser asina reconocíu", caltién'l Simpa.

Sicasí, na convocatoria de fuelga nun s'inclúi nenguna alusión a la paralización de les negociaciones sobre los turnos de tarde que'l Principáu pretende crear n'Atención Primaria.

Pel momentu, el Simpa yá elixó a seis representantes del Comité de Fuelga y espera nomar a más en próximos díes, hasta algamar una cifra sobre diez o doce, que van ser los encargaos de valorar si xunto al paru xeneralizáu van desarrollase otres actuaciones reivindicatives.

"Nun mos podemos fiar del nuesu mediador", llamenten en referencia a la xerente del Sespa, Elena Arias, y comenten que ye la Conseyería de Salú y Servicios Sanitarios la que los "emburrió a convocar una fuelga ante la so falta d'interés por dialogar y la so habilidá pa contradicise y meter la pata".

"Tamos cansaos de que digan que somos privilexaos y que cada reivindación mos la echen p'atrás exixéndomos más, puesto que sólo pidimos igualamos colos mélicos d'otres comunidaes y que se reconoza'l nuesu esfuerzu con una llarga preparación académica, turnos mui llargos, de nueche y en festivos", calquen dende'l Simpa.

De la mesma manera, el sindicatu apuntó que demientres la xestión del Insalud n'Asturies produxéronse dos fuelgues, y en cambio dende les tresferencies de salú nel 2002 yá se celebraron seis "pa reclamar "les mesmes condiciones que n'otres partes d'España".

Escrito por ObservatoriuLlaboral el xueves, 18 setiembre de 2008

Según lleemos en La Voz de Asturias:
Los juzgados de Mieres acogieron ayer el juicio de Mónica Palacios Alonso contra Cruz Roja, empresa para la que trabajó durante once años y a la que demandó por un presunto despido improcedente.

Palacios trabajaba para la entidad como monitora de gimnasia. Tras los sucesos acontecidos desde febrero de este mismo año, cuando sus alumnas se movilizaron y recogieron firmas para que no la echasen, volvieron a readmitirla, para en junio volver a despedirla.

Las alumnas de Mónica responden que "la despidieron porque les dio gana" y alegaron que "incluso la reprendían cuando venía a comer con nosotras en sus horas libres".

Ayer, cerca de una treintena de personas, en su mayoría alumnas de la profesora, acudieron a los juzgados para brindarle su apoyo a Mónica, quien asegura que "yo tenía un contrato ilegal, porque era autónoma y llevaba trabajando ahí once años. Muchos de mis compañeros trabajaban sin seguridad social, incluso personas ya jubiladas".

En un plazo aproximado de quince días, el juez dictará sentencia para el caso.
Ver Comentarios (37) Temes relacionaos: Precariedá 

Escrito por ObservatoriuLlaboral el miércoles, 10 setiembre de 2008

M.O.LL., de 59 años y R.A.A.G, de 30 mancaronse güei en Salas a causa d'una descarga llétrica nes instalaciones n'onde taben tabayando.

El primeru tien quemadures nel 10% del so cuerpu (especialmente nel abdome) y pronósticu reserváu. Mientres que el segundu sufrió quemadures nel 50% del cuerpu y rostru con pronósticu grave.

Dambos fueron treslladaos al Hospital Central d'Asturies.

Escrito por ObservatoriuLlaboral el xueves, 4 setiembre de 2008

J.S.M.S.M., de 22 años de edá, morrió en Granda (Sieru) mientres trabayaba nún taller mecánicu asitiáu ellí al cae-y una plancha d'hormigón enriba produciendo-y un traumatismu craniu-encefálicu. El cuerpu tuvo que ser escarceláu de la cesta d'una carretilla ellevadora.

Escrito por ObservatoriuLlaboral el martes, 2 setiembre de 2008

Según lleemos en Infoasturies:

El númberu de paraos rexistraos nes Oficines d'Empléu al finar el mes d'agostu xubió en 221 persones (0,47 per cientu) en rellación col mes anterior, colo que'l númberu de desemplegaos situóse en 47.682, según datos del Ministeriu español de Trabayu.

En relación col mesmu mes del añu anterior, el paru n'Asturies xubi en 2.039 persones (4,47 per cientu). El paru masculín situose fináu'l mes pasáu en 20.065 y el femenín en 27.617; del total de paraos, 4.253 son menores de 25 años, d'ellos 1.853 son muyeres y 2.400 homes.

Por seutores, el paro xubió en toos menos nel coleutivu ensin empléu anterior (226 persones menos) y en Agricultura (-23) y aumenta en Construición (322 personas), en Servicios (123) ya Industria (25).

El númberu de contratos firmaos n'agostu situóse en 23.735, ello ye, 7.763 menos que'l mes anterior y 2.338 menos que nel mesmo mes del añu pasáu. De los firmaos, 1.885 foron indefiníos, lo que supón una baxada del 34,59 per cientu respeuto al mes anterior y de un 12,69 si miramos al añu pasáu.

Escrito por ObservatoriuLlaboral el llunes, 1 setiembre de 2008

Según lleemos en Infoasturies:
El Xulgáu de los Social númberu 1 de Xixón dicto una entencia endemanda de desopidu con vulneración de Derechos Fundamentales, concretamente la garantía d'indemnidá, ello ye, que naide pue se represaliáu por reclamar los sos derechos.

Les empress nun siempre se salen cola suya nos casos de epesión llaboral. Asina, La demanda ganada pola trabayadora Sheila de Lera escontra les Empreses ALIMERKA Y MERCAPRECIO demuestra llegalemnte la represión llaboralque se vien dennciando n'Alimerka.

La sentencia declarara espresamente que'l despidu supunxo violación de la so "garantia de indemnidá" y declaró la nulidá del despidu teneindo la empresa que realmitir a la trabayadora nel mesmo puestu de trabayu pagandó-y los salarios dexaos de percibir dende'l 6 de xunetu, a razón de 34,55 euros diarios.

La snetencia tamién conderga a les empreses a que abonen a la actoa en conceutu d'indemnización pola vulneración del derechu fundamental a la tutela xudicial efectiva, la cantidá de 6.251 euros.