Creative Commons 3.0 RSS CSS 2.1 XHTML 1.0
Entrar  
Rexistru
La actualidá llaboral asturiana 
Escrito por ObservatoriuLlaboral el miércoles, 29 abril de 2009

Según informa Infoasturies:
Cuasique 10.000 persones desempleaes más se rexistraron nos trés primeros meses del añu. Hai previsiones que falen de 18.000 paraos y paraes más en 2009. La tasa de parui n'Asturies ye del 12,1%.
El paru xubió esautamete en 9.600 personas, lo que supón un 19,57% en rellación col trimestre anterior, colo que'l número total de desempleaos asitióse en 58.500 persones con una tasa de paru del 12,1%, según los datos de la Encuesta de Población Activa que fizo pública l'Institutu estatal d'estadísica. Tocántenes la tasa d'actividá asturiana llegó al 52,11%, ochu puntos per debaxo de la media estatal, que ye de 60,15%.
Va pocu les previsiones falaben de que no que queda de 2009 podría medrar el paru nunes 18.000 persones qu'averaríen la cifra total a les 80.000 persones. Les previsiones nun suelen ser fiables y, viendo la progresión del primer trimestre, de caltenese'l crecimientu de más de 9.000 persones al trimestre podría llegar a xubir en más de 27.000 pesones nos3 trimestres caberos.

Escrito por ObservatoriuLlaboral el xueves, 23 abril de 2009

Vía Glayiu:
Un grupo de trabajadores de la empresa Diasa intentó ayer cortar la autovía Oviedo-Campomanes a la altura de la travesía de Mieres. La Guardia Civil impidió que los piquetes lograran acceder a la calzada. Uno de los participantes fue detenido cuando, tras bajarse de un vehículo, que estacionó en la mediana, intentó parar el tráfico. Los agentes localizaron alrededor de cincuenta ruedas de neumáticos y dos bidones de combustible, material que supuestamente iba a ser utilizado para realizar una barricada. Esta movilización refleja el clima de tensión que se respira en el seno de la plantilla de la compañía farmacéutica con sede en Turón. Los trabajadores llevan más de tres meses sin cobrar y el futuro de la factoría no acaba de despejarse.

Los piquetes se concentraron en los arcenes de la autovía de Mieres, a la altura del polideportivo de Vega de Arriba, poco antes de las once de la mañana. Previamente, había almacenada una gran cantidad de neumáticos y de combustible junto a las vías de Feve, camuflándolo todo parcialmente entre unos arbustos. Provistos de pasamontañas y portando grandes trapos de color rojo intentaron parar el tráfico, sin conseguirlo. Al poco tiempo llegaron a la zona varias patrullas de la Guardia Civil y de la Policía Nacional. Los trabajadores desistieron de inmediato en su acción, pero uno de los participantes, que había estacionado con un vehículo en la mediana, fue detenido. A última hora de la tarde fue puesto en libertad, pendiente de la citación del Juzgado.

Los portavoces de la plantilla de Diasa señalaron, tras el incidente, que su intención era «realizar una movilización pacífica junto a la autovía». Tras la intervención policial, los citados representantes de la plantilla afirmaron sentirse «perseguidos e instigados» por las fuerzas del orden. «Los delincuentes no somos nosotros, sino los responsables de este conflicto laboral», añadieron. La tensa mañana vivida ayer en las inmediaciones de la autovía de Mieres coincide con el último intento de la dirección de la compañía, a cuyo frente está Manuel Adenso Iglesias, para evitar el cierre de la factoría. El responsable de la firma ha notificado a la plantilla que aún se encuentra en negociaciones con el Principado para intentar salvar la difícil situación de la farmacéutica. Aseguró que está en conversaciones con un posible comprador que visitó la planta de Turón el viernes y que ya ha mantenido una reunión con los responsables de la filial de diversificación de Hunosa, Sadim, socio minoritario de Iglesias en el proyecto. Los trabajadores señalaron ayer que «valoramos todas las gestiones, pero a estas alturas queremos hechos concretos y no buenas palabras».
Ver Comentarios (59) Temes relacionaos: Represión 

Escrito por ObservatoriuLlaboral el miércoles, 22 abril de 2009

Según Asturies.com:
ArcelorMittal ta acabante d'anunciar a los sindicatos la so propuesta d'Espediente de Regulación d'Empléu (ERE), qu'afectaría en principiu a los 12.000 trabayadores de les instalaciones que la multinacional tien nel Estáu español, incluyíes les plantes asturianes d'Avilés y Xixón. Ye intención de la empresa que'l plazu máximu de duración del espediente sía d'un añu y afectaría a un máximu del 40% de les hores llaborales.

La propuesta d'ERE d'ArcelorMittal foi comunicada públicamente polos representantes de los sindicatos UGT, CC.OO y USO, que la calificaron como una "mala noticia" y "desproporcionada dafechu". Esti miércoles ta prevista una nueva reunión en Madrid ente la multinacional y los representantes de los trabayadores na que va analizase l'estáu de cada planta y en qué medida va afectar a caúna d'elles esti ERE.

Sicasí, de momento namás ta confirmao, segun fontes sindicales, que l'espediente va afectar a la totalidá de los trabayadores de les instalaciones de Madrid y Galdakano.
Ver Comentarios (52) Temes relacionaos: Arcelor 

Escrito por ObservatoriuLlaboral el miércoles, 22 abril de 2009

Según informa Europa Press:
Cuatro de los principales sindicatos asturianos (CC.OO, UXT, USO Y CXT) cree que l'añu pasáu pudieron morrer n'Asturies unes 380 persones por enfermedaes llaborales, dolencies que nun se rexistren a nun ser que seya por resolución xudicial. Les centrales denunciaron tamién que los empresarios nun inclúin ente les sos prioridaes la prevención tanto de la siniestralidá llaboral como d'estos problemes de salú, y alvirtieron que son cola situación de crisis esti problema se ta agravando.

Jesús Alonso (CC.OO), Pedro García (UXT), Jorge Gallego (USO) y Jorge Muñiz (CXT) ofrecieron güei una rueda prensa p'anunciar la manifestación que, nel marcu de la xornada mundial pola seguridá y la salú nel trabayu, va celebrase n'Uviéu, convocada por estes organizaciones. Va salir a les 12.30 hores de la Plaza d'América y va acabar na Plaza d'España, ante la Delegación de Gobiernu. Movilizaciones d'esti tipu van tener llugar en tol Estáu y diferentes ciudaes d'Europa y del mundu.

Nel trescursu de la rueda prensa, Jesús Alonso esplicó que se calcula que les muertes por enfermedaes profesionales son diez veces superiores a los casoas por accidentes nel trabayu, según estudios que considera autorizaos y solventes. Poro, si n'Asturies nel 2008 hubo 38 muertes por accidentes, los sindicatos estimen que les muertes por enfermedaes puen rondar les 380, si bien Pedro García recordó que "son estimaciones sindicales, porque nun existe nenguna estadística al respeutu".

De fechu, Alonso esplicó que casi "nun hai rexistru d'enfermedaes llaborales", y les que se rexistren descienden añu tres añu. Punxo l'exemplu d'Asturies, onde nel 2007 se confirmaron 606 casos, y nel 2008, 524. "Tamos asistiendo a un descensu de la reconocencia d'enfermeades llaborales, y un aumentu de la xudialización d'estos casos, lo cual quier dicir que los trabayadores se ven obligaos a recurrir a los tribunales pa exercer los sos derechos", matizó García.

Poro, ún de los "puntos principales" de la movilización, según el representante de CC.OO, va se la "tapecedura d'enfermedaes llaborales", y el "papel que xueguen les mutues nesti sen". Criticó nesti puntu la propuesta de la patronal de que seyan estes compañíes les que xestionen les enfermeades y recordó qu'un reciente informe del Tribunal de Cuentes "les acusa de falta de tresparencia, contrataciones arbitraries, incumplimientu de compatibilidaes, fraude o falsedá documental". "¿Pa qué ampliar les inxusticies?", protestó, en referencia a les organizaciones empresariales.

Según los datos de los sindicatos, ente les princpales dolencies, figuren les enfermedaes músculo-esquelétiques, les de la piel, les sorderes y les respiratories. Señalaron tamién riesgos psicosociales, como'l 'estrés' o l'ansiedá.

El representante d'USO acusó a los empresarios de nun dar prioridá a la seguridá, a la qu'anteponen "el beneficiu", y aseguró que tán aprovechando los tiempos de crisis "pa calcar nuna mayor precariedá" y recordó que los trabayadores "siguen en manes de veraderos pirates, que roben dineru a costa de los trabayadores", en referencia a los empresarios.

Escrito por ObservatoriuLlaboral el miércoles, 22 abril de 2009

Según informa Europa Press:
Un total de 135 trabayadores morrieron n'accidente llaboral nos dos primeros meses del añu, lo que supón 61 menos qu'igual periodu del exerciciu (-31,1%), según datos del Ministeriu de Trabayu y Inmigración.

D'esta cantidá, 98 trabayadores perdieron la vida nel so puestu de trabayu, un 35,1% menos que n'igual periodu del 2008, en tanto que 37 morrieron nel trayeutu de la so casa al trabayu o viceversa (accidente 'in itinere'), ocho menos qu'hasta febreru del añu pasáu.

Los homes concentraron 120 de los 135 accidentes mortales rexistraos nos dos primeros meses, y los trabayadores de mayor edá fueron los más afeutaos, con 29 muertos na franxa de 55 y 64 años y en 22 na de 50 a 54 años.

En total, hasta febreru se rexistraron 111.670 accidentes llaborales con baxa, lo que supón un descensu del 34,5% sobre'l númberu d'accidentes rexistráu n'igual periodu del 2008 (170.401 accidentes).

Del conxuntu de siniestros, 98.385 accidentes se produxeron nel llugar de trabayu y 13.285 fueron siniestros 'in itinere'. Los primeros baxaron un 36,1% en tasa interañal, mientres que los segundos cayeron un 19,1%.

Los accidentes ensin gravedá con baxa nel puestu de trabayu sumaron 97.376 hasta febreru, un 36,1% menos, y los graves algamaron los 911, un 31,4% menos que nel 2008. Nel casu de los siniestros 'in itinere', se rexistraron 13.018 accidentes de carácter suave (-19,2%) y 230 de gravedá (-16,4%).

En cuanto a les enfermedaes profesionales, nel periodu xineru-febreru 2.975 casos, de los que 1.768 causaron baxa nel puestu de trabayu, cifra que representa un descensu del 25,7% sobre l'añu anterior.

CATALUÑA Y ANDALUCÍA, ONDE MÁS ACCIDENTES SE PRODUCEN

La mayor parte de los accidentes mortales rexistraos hasta febreru se produxeron en sectores non agrarios. Nos servicios morrieron 68 trabayadores, mientres que na construcción lo ficieron 32; na industria, 24; y na agricultura, 11.

Analizando los datos por comunidaes autónomes, Cataluña foi la rexón más castigada, con un total de 17.368 accidentes llaborales con baxa nel puestu de trabayu y 12 muertos. Siguióla Andalucía, con 15.692 siniestros y nueve muertos, Madrid (15.054 accidentes, diez muertos) y Comunidá Valenciana (8.870 accidentes 16 muertos)

Escrito por ObservatoriuLlaboral el llunes, 20 abril de 2009

Según informa Asturnews:
La cifra de negocios nel sector servicios baxó un 16,9% en febreru n'Asturies, meyorando la cifra estatal del 20,5%, la mayor de los seis últimos años.

Según los datos espardíos pol Institutu Nacional d'Estadística (INE), l'actividá nel sector tuvo un comportamientu negativu en toles comunidaes autónomes, siendo Asturies, xunto con Cantabria, la tercera con una menor cayida, per detrás de Galicia (-14,2%) y Aragón (-16,3%).

Escrito por ObservatoriuLlaboral el llunes, 20 abril de 2009

Según informa Europa Press:
El representante de la Federación d'Enseñanza de Comisiones Obreres, José Ángel Piquero, afirmó güei que'l Gobiernu asturianu nun convoca la mesa sectorial d'educación, demandada polos sindicatos d'enseñanza, porque la direición autonómica d'UXT "nun quier".

Piquero realizó esta afirmación demientres una rueda de prensa convocada pol so sindicatu, amás de Beatriz Quirós (Suatea), Gerardo Domenech (CSI-CSIF) y Gumersindo Rodríguez (ANPE) p'anunciar oficialmente la próxima convocatoria de fuelga de profesores na enseñanza pública asturiana, prevista pal 28 d'abril. La movilización exixe la convocatoria de la mesa xeneral y la retirada del plan d'evaluación del profesoráu, que se ta desarrollando nesti momentu, según los sindicatos, sin negociar con ellos.

Entrugáu polos periodistes polos motivos de que nun se convoquen la mesa sectorial na mesa xeneral de la función pública asturiana, el representante de Comisiones foi claru: "el gobiernu nun la convoca porque UXT nun quier". "Hai un sindicatu mui lligáu al Gobiernu que sin nenguna otra contrapartida baxóse de la fuelga cuando'l Gobiernu-y lo pidió", afirmó, en clara alusión a la retirada d'UXT de la convocatoria de la última fuelga, celebrada'l 1 d'abril. "Y cuando Justo Rodríguez Braga plantega que nun quier mesa sectorial, pues el Gobiernu nun la convoca porque UXT nun quier", añadió, refiriéndose a les declaraciones que ta acabante de facer el responsable autonómicu de la central, contraries a la creación de dicha sectorial.

Entrugáu pola postura de la direición xeneral de Comisiones Obreres sobre esta reivindicación del so sector d'enseñanza, Piquero explicó que la Federación d'Enseñanza claramente pide la mesa y la direición de CC.OO lo qu'exixe ye que "el Gobiernu lo faiga bien y que negocie colos sindicatos". "Per parte de la nuesa federación d'Alministración Pública", continuó, "que ye la que ta na mesa xeneral, nun diba haber nengún problema pa que se convocare la sectorial. La responsabilidá ye del Gobiernu. Que presente la propuesta, y veremos si Comisiones vota y si UXT vota, si hai mesa sectorial", señaló.

"CORTE D'ALES" A RIOPEDRE

Los sindicatos mostráronse per otra parte seguros de que'l conseyeru d'Educación, José Luis Iglesias Riopedre, tentó d'abrir una vía de negociación pa solucionar el conflictu, pero dende'l Gobiernu autonómicu "cortáron-y les ales". Básense pa ello na doble convocatoria que-yos llegó de la Conseyería pa un conceyu'l próximu miércoles.

"Primero", esplicó Beatriz Quirós, "llegó una primer convocatoria na que paecía que diba haber un desbloquéu de la negociación". Nella se fixaba una orde del día con tres puntos referentes a la mesa sectorial, el plan d'evaluación y el pagu del primer tramu de la carrera profesional. Sin embargu, "hores dempués llega otru fax con un nuevu orde del día", añadió la representante de Suatea. Nel mesmu sólo s'inclúi un puntu xenéricu sobre la xestión educativa.

"Nun sabemos si va llegar otru. Nós vamos asisitir cola primer fueya. Igual qu'equí al miércoles vuelve cambiar l'orde del día", afirmó Quirós.

La esplicación d'estes dos convocatories ta clara dende'l so puntu de vista: "el conseyeru tentó de desbloquiar la situación, tentó una pequeña vía de negociación y la conseyera d'Alministraciones Públiques, o dende más arriba, cortáron-y les ales. Mandáronlu parar. Nun sé si'l tirón d'oreyes vendría d'unllau o d'otru", señaló, apoyada pol restu de presentes na rueda prensa.
Ver Comentarios (65) Temes relacionaos: Enseñanza 

Ir a página 1 2 3 4