Creative Commons 3.0 RSS CSS 2.1 XHTML 1.0
Entrar  
Rexistru
El sótanu del paraísu... 
Escrito por Sumiciu el vienres, 30 xineru de 2009

[En castellano en el primer comentario]

Cada dómina tien el so Roméu y Xulieta. Toi convencíu. Entá pasando los años nun somos quien a desfacemos de delles cargues que mos torguen el caminar, complicámonos la vida inventando regles inútiles que coarten cada aición y deséu. Poro, facémonos menos humanos. En nome 'humanidá.

Tamién toi convencíu que'l cuentu que mos toca anguaño representando esti escenariu eternu ye'l que cuenta esti cantar. Y como l'orixinal, esta hestoria de l'amor imposible supón pa dalgunos una hestoria d'amor coleutiva, esa hestoria d'amor que surde de l'empatía que remanez de la llucha polo cotidiano, por facer realidá l'idega, el sentimientu. Da igual que nun cuadre en sexu y forma, tolos suañadores compartimos esi llazu que te fai sentilo en seguida como propio.

Esi ye un de los llogros cimeros d'esti cantar, el llograr sentimos la perdedora d'esta hestoria, que nun principiu pudiera sonar tan alloñada.



Cuanta maxa lleves dientro
pa facer farina d´agua
viendo dar vueltes les mueles
pasa adulces la ivernada.

Naguo por ser la farina
que selemente calistra
los poros de la camisa
qu´endolca la to natura
d´agua
si supieras que te quiero
amurniarías la mirada.

Siguiré siendo furtiva
sabiamente amatagada
ente fatos perxuicios
que la sociedá nos instaura
siguiré siendo furtiva
sabiamente amatagada

Naguando por un futuru
enllenu d´esperanza
suañando colos placeres
de los qu´agora toi
privada
si albidrara que me
quieres
morrería esgaloyada
nun habría home en
tierra
que conociera dicha más alta.

Solamente camentalo
camuda´l xeitu la mio
cara
apigazar na to vera
esconsonar na to cama
ser parte de la to vida
ser la familia que te falte
si supieras molinera
cuanto te quiero mío alma

Quien fuera l´agua que
mueve
el molín de la to casa
pa ser parte la to vida
y dexar de vivir
arrequexada
por una sociedá inxusta
que castiga a la llesbiana
que toes llevamos dientro
soterrándola pa que nun
salga
si supieras molinera
cuanto te quiero mio alma
apizagar na to vera
esconsonar na to cama
si supieras molinera
cuanto te quiero mio alma
apizagar na to vera
esconsonar na to cama.


La molinera - Corquieu
Ver Comentarios (29) Temes relacionaos: Música  Sociedad 

Escrito por Sumiciu el domingu, 11 xineru de 2009

Nun salen les pallabres, y eso que'ayeri oyera munches al rodiu del tema y toes acertaes, pero llega un momentu nel que l'impotencia faise silenciu y ún camienta que tolo que pueda decir ye fumo que se esparde énte'l regueru de sangre.

Nun entra n'alma humano, non yá sólo l'actu de la masacre sinon el silenciu más cómplice que nunca de dellos, que incluso atrevense (como'l presidente del gobiernu español) a falar de pasividá d'otros. Quiciás él crea que la so habitual inoperancia pue compensase cola presencia de la bandera de la so secta nuna manifestación. Mientres, el collabora nesi etnocidiu por omisión d'ayuda del que tien el poder y s'escuende tres d'una pancarta.

Muncho hebo de deprender y muncho escaecimos.

Anguaño más que nunca: Puxa Palestina llibre.

Quiciás el cantar más afayadizu fuera "Revuelta de piedras", pero creo que esti asoleya meyor la rabia y quiciás fai por recordar la rellación ente estremaes masacres, sofitaes y/o consentíes por estremaos gobiernos.



No salen las palabras, y eso que ayer oí muchas sobre el tema y todas acertadas, pero llega un momento en el que la impotencia se hace silencio y uno cree que todo lo que pueda decir es humo que se esparce ante el reguero de sangre.

No entra en alma humana, no ya sólo el actu de la masacre sino el silencio más cómplice que nunca de algunos, que incluso se atreven (como el presidente del gobierno español) a hablar de pasividad de otros. Quizás él crea que su habitual inoperancia puede compensarse con la presencia de la bandera de su secta en una manifestación. Mientras, el colabora en ese etnocidio por omisión de ayuda del que tiene el poder y se esconde tras una pancarta.

Mucho hubo que aprender y mucho hemos olvidado.

Hoy más que nunca: Puxa Palestina llibre.

Puede ser que la canción más adecuada fuera "Revuelta de piedras", pero creo que esta muestra mejor la rabia y quizás hace por recordar la relación entre distintas masacres, impulsadas y/o consentidas por distintos gobiernos.
Ver Comentarios (9) Temes relacionaos: Sociedad 

Escrito por Sumiciu el vienres, 2 xineru de 2009

El Fondu xUnitariu de Solidaridá Obrera d'Asturies convocavos a una nueva xornada de solidaridá y confraternización.


El próximu sábadu día 10 de Xineru, nel Centru Social Ocupáu y Autoxestionáu La ReFLEXón tendrá llugar un conciertu que cuntará cola presencia de los antiguos miembros de Hechos contra el Decoro, DESECHOS, y ARMA X, MC de los yá finaos Stoned Atmosphere. La entrada -cola que se participará nun sortéu de material de Sestaferia y Picu Rabicu- valdrá 5 euros en venta anticipada y 8€ na taquilla. Tolos beneficios van destinase, como davezu, a paliar económicamente los casos represivos que se vienen sucediendo nos caberos tiempos.

Les entraes anticipaes puen mercase en Xixón (Sestaferia, El Chigrín del Carmen, Baruku, L'Abellugu, Xarana, La Perla del Norte, La Vida Alegre) y Avilés (El Cafetón, Albergue).

Ver Comentarios (3) Temes relacionaos: Convocatories