Escrito por ObservatoriuLlaboral el vienres, 11 mayu de 2007
Les lleendes urbanes existen. Un estudiu ellaboráu pol Conceyu de la Mocedá tituláu Xuventú asturiana nel exterior" confirma qu'Asturies ta ente les comunidaes autónomes nes que los mozos y les moces más marchen en busca d'un destín llaboral.
El conseyeru de Xusticia, Seguridá Pública y Relaciones Exteriores d'Asturies, Francisco Javier García Valledor, el presidente del CMPA, Paulino Feito y el técnicu del CMPA, Julio Fueyo, presentaron güei el documentu como un análisis de la realidá de la mocedá que sal del país en busca d'una oportunidá.
L'estudiu, amás, guarda más d'una sorpresa. Engáñense, como rescampló'l Conseyeru de Xusticia, aquellos que piensen que les persones qu'emigren son les que cursaron estudios superiores. "La verdá ye que tamién los mozos y les moces con baxa cualificación vense obligaos a emigrar pola falta de posibilidaes d'enxertamientu llaboral n'Asturies", esclarió.
Los datos, efectivamente, rescamplen. Paulino Feito señaló que "los xóvenes ensin titulación que salen d'Asturies suponen un 71 por cientu mentes que los universitarios namás son un 25,53 por cientu".
Asturies, con too y con eso, ye una de les comunidaes con una mayor tasa de llicenciaos y ye, amás, la segunda autonomía nel conxuntu estatal na qu'un mayor númberu de xóvenes marcha a trabayar al sector servicios fuera.
"Ún de cada tres mozos salen a trabayar a la Comunidá de Madrid o a Cataluña", dixo Fueyo. Amás, el representante del CMPA señaló que la mayoría de los mozos y les moces tienen intención de volver a Asturies anque lo ven mui complicao; la mayoría, sicasí, sigue empadronao n'Asturies.
El Conseyeru Valledor señaló la importancia de que'l gobiernu asturianu sía consciente d'esta situación, la valore y analice pa que nun sían tantos los xóvenes que tengan que dexar Asturies p'atopar un trabayu meyor. Señaló amás que "n'Asturies hai trabayu nel sector servicios, pero los xóvenes marchen fuera porque les condiciones llaborales y los salarios son meyores".
El conseyeru de Xusticia, Seguridá Pública y Relaciones Exteriores d'Asturies, Francisco Javier García Valledor, el presidente del CMPA, Paulino Feito y el técnicu del CMPA, Julio Fueyo, presentaron güei el documentu como un análisis de la realidá de la mocedá que sal del país en busca d'una oportunidá.
L'estudiu, amás, guarda más d'una sorpresa. Engáñense, como rescampló'l Conseyeru de Xusticia, aquellos que piensen que les persones qu'emigren son les que cursaron estudios superiores. "La verdá ye que tamién los mozos y les moces con baxa cualificación vense obligaos a emigrar pola falta de posibilidaes d'enxertamientu llaboral n'Asturies", esclarió.
Los datos, efectivamente, rescamplen. Paulino Feito señaló que "los xóvenes ensin titulación que salen d'Asturies suponen un 71 por cientu mentes que los universitarios namás son un 25,53 por cientu".
Asturies, con too y con eso, ye una de les comunidaes con una mayor tasa de llicenciaos y ye, amás, la segunda autonomía nel conxuntu estatal na qu'un mayor númberu de xóvenes marcha a trabayar al sector servicios fuera.
"Ún de cada tres mozos salen a trabayar a la Comunidá de Madrid o a Cataluña", dixo Fueyo. Amás, el representante del CMPA señaló que la mayoría de los mozos y les moces tienen intención de volver a Asturies anque lo ven mui complicao; la mayoría, sicasí, sigue empadronao n'Asturies.
El Conseyeru Valledor señaló la importancia de que'l gobiernu asturianu sía consciente d'esta situación, la valore y analice pa que nun sían tantos los xóvenes que tengan que dexar Asturies p'atopar un trabayu meyor. Señaló amás que "n'Asturies hai trabayu nel sector servicios, pero los xóvenes marchen fuera porque les condiciones llaborales y los salarios son meyores".