(En castellano en el segundo comentario)

Daqué que la xente escaez munches veces ye que la evolución nun mos diseñó pa ser felices, sinon pa persiguir la felicidá. [...]. La evolución nun quier... bueno, nun ye que la evolución seya una persona nin tenga conciencia, pero si evolucionara una criatura que topare la felicidá y quedare ehí quieto, ¡a esa criatura nun-y diba dir mui bien! Nun medraría en comparanza con criatures que tan lluchando pa llograr l'ésitu de contino. Lo que pasa cola felicidá ye que tratase d'una especie de cinta d'andar: cuerres y cuerres na cinta, pero nunca llegues nenyuri. Parte del trucu del que fales ye deprender a cuerrer nesa cinta, y non obsesionate col oxetivu al final d'ella.
Gary Marcus (1)

L'esencia del ser humanu ye la gueta de la meyora constante y l'esmolecimientu pol so fracasu nel presente (cuando digo presente, nun quiero decir anguaño, sinon cualquier presente en cualquier tiempu). Ye una ferramienta amañoso pa tar siempre preparáu y adautase a cualquier eventualidá y un fastidiu nel sen de que cuando llogramos daqué el llogru nun mos produz la recompensa necesario como pa quedamos agusto n'onde tamos.

Énte esti panorama, namás mos queden dos caminos: o refugar dafechu esa posibilidá de tentar ser feliz y vivir del intentu (llogrando metes intermedies que se tapecen pola prioridá de lo inmediato en cuantes esta inmediatez toma forma fracasu provocándomos frustración) o la busca contino de la felicidá. En casu d'escoyer la segunda opción, preséntasemos entós la dificultá de caltener l'equilibriu percomplicáu ente'l camín infinitu a la felicidá y la necesidá de cubrir les necesidaes del presente urxente. Que, falando de seres humanos, munches veces vese reflexao na contraposición de lo racional (futuru) escontra lo emocional (presente).

Esti pensamientu tréxome otru a la cabeza, rellacionáu cola cuestión de les ideoloxíes. Munches veces paez haber dos formes de pensar, una enfotada na utopía y otra que lo refuga de pleno baxo l'argumentu de ser imposible de llograr. La cuestión de qué coses son llogrables y cuales non (lo que correspuende a lo que podemos nomar "utópico") son otru tema aparte.

Lo que de verdá me paez importante ye l'esistencia de la utopía. De fechu ser feliz dafechu y nun necesitar nada más pa un humanu según lo comentao, pue calificase como utópico. Pero necesitamos persiguir la utopía por una cuestión de supervivencia, adautación y de placer nesa busca, lo mesmo que cola felicidá.

Dientro de les ideoloxíes, la hestoria demuéstramos que tou sistema que tenga por base l'autosostenimientu, el caltenese ello mesmo p'enriba la continuación del progresu que va a dexalo ensin ser quien a apurrir satisfaición conviértese nel so propiu canibal. El futuru basáu esclusivamente na defensa del presente dexa al primeru ensin conteníu. Dicho d'otra forma, una actitú reaccionario ye socialmente autodestructivo. Y, dende ciertu puntu de vista, atreveríame a decir que hasta personalmente; pero bueno, esto ye quiciabes tovía más relativo.

Y vuelve a apaecer la dulda: ¿zarrar los güeyos caminando hacia'l suañu o llendase al presente reduciéndose a soluciones concretes a problemes concretos ensin mayor perspectiva del camín pel que vamos? (ye curioso como nesta comparanza paecen intercambiase les etiquetes de racional y emocional respeuto l'anterior - y sí, l'usu de la palabra suañu foi nesti casu interesáu...). La rempuesta pue ser, como siempre personal y transferible, l'equilibriu basáu na perspectiva.

Pue ser entós que la llucha pola utopía seya, non deseable, sinon necesario dafechu. Non por idealismu sinon pol fechu d'afayar el placer nel procesu de busca de la felicidá. Ello ye: una vida persiguiendo la utopía y una revolución pola felicidá.

[traducción al castellano en el primer comentario]

Les circunstancies fixeron que tuviera que vivir mirándovos constantemente a los güeyos,
ser el blancu de les sensaciones que remanecen de les vuestres pupiles.
Ello faime decatame del mal que vos come per dientru,
d'esa enfermedá curable na que vivís de contino.
Y surde en min un rasgu d'humanidá
que llega a faceme esmolecer
pola vuestra tristura.

Y llanzo al aire una alvertencia. Tresparente, sincera, ensin mayor intención.

D'humanu a humanu, daivos cuenta: sois capaces de finar un suañu por una firma nún papel, reducir la vida al tiempu que pasáis temerosos vixilando la vuestra llende, garraos a los vuestros recuerdos tanxibles o apropiándovos de lo inmaterial. ¡Vos!, que mos ficísteis esconsoñar d'esti suañu, desagospiando la fábrica de suaños pa baltiar l'idega n'escombru y desaniciar la vida que flota nel aire tornándola en peste, en noxu, n'inaición. Obligando a los vuestros a vivir na inanición dafechu. Darréu, otra vuelta sabréis autorrecompensavos. Xirar sobre vosotros y saber masturbavos al ver que la xusticia de la llei se sobrepón.

Y nós, probinos. Otra vez a volver a equivocamos, a esguilar poles les vuestres llendes ya muries y volver a topamos con esi desaniciu nel que finca la vuestra llei. Sabréis entos miramos arremellaos, tomar xeitu paternu y facer que reñamos mientres debuxáis de nuevu la llinea que trazásteis mal día ente'l bien ya'l mal. Quiciás teis no cierto, pero ye muncho más sabrosa esta mentira que me fai más real la mio vida.

Namás quiero, anque seya per un momentu robáu a un parpaguiar, poder facevos sentir lo que siente la piel cuando ta en caldia; cuando la mente ta enceso y hasta'l mieu s'espanta. Cuando s'arramen sorrises, nervios, señaldá. Esa victoria de sentise ún dueñu del so propiu presente, d'engañase y creyer que por querer yá puedes, de vivir y ser llibre mientres llees nes parés que'l futuru ye un cuadru sobre'l que garabatiar.

Deprender, qu'esta mierda de vida dacuandu apurremos xugu. Nel que podemos bañamos, del que podemos beber, nel que podemos morrer faciendo alcordanza d'un instante. Y entrugase ¿qué más da si m'equivoco? si sé conformame con facer de cada minutu un cuentu de fades nel que nun importa que haya un final. Que lu hai, pero la meta ye güei y non mañana.

Sigo tendiendo la mano y sé que daquién me la cortará si la sigo estirando. Que responderé a la hostia y voi siguir alendando (o non) porque lo que llate ye la mio presencia entá más que'l mio propiu corazón.

Echo cuentes, y sé que calcular nun ye la mio virtú más cercano, y por munches perres que xorrezan d'esi perru ensin amu, d'esi escombru al que un día vos quixisteis agarrar...decíme ¿cuantu tiempu produciendo tendréis que alienalo? ¿cuantos años d'euros podrán llegar a algamar tolo que en vida, sensaciones ellí fui yo quien a ganar? Creo que eones, tiempu que nun veréis nin en presente nin en pasáu, tantu que nun sedréis quien nin siquiera a imaxinalo mientres yo guardo los mios frutos que guañaron de segundos semaos de llibertá.


Dedicáu a la peña que fizo posible too esti tiempu la ReFLEXón (la lliteralidá) y a la que durante estes llinies sintió, a lo menos, un principiu d'empatía (la metáfora).
Gracies y seguíi suañando anque el marcu lu pinten mañana otres parés.
Llarga vida a la fábrica de suaños.

Taba claro que si daquién podía facelo yera él. La forma apaicíaseme nos suaños más melódicos que españaben ente pesadielles...el resultáu soi quien a tocalu agora cola puntina los deos. Cenciellamente: impresionante.


Restallaron tiros na nueche d’un bar
Del pisu d’arriba vieno Patty Valentine
Nun charcu de sangre topa al encargáu
¡Esto ye la de Dios! ¡Matáronlos a toos!
Agora vien la historia d’Huracán
L’home al que la llei mandó enchironar
Por dalgo que nun fixo él, na trena lu dexó
Pero, él podía ser del mundu un campeón

Tres cuerpos tiraos cuenta Patty al fin
Un tal Alfred Bello, misteriosamente ellí
Llevanta los brazos diciendo:”Yo nun fui”
Solo toi robando, entiéndeme tu a min
“Vilos marchar”- dixo quedando paráu
¿Quién de los dos-y da a la pasma’l recáu?
Entós, Patty los llamó, la pasma nun tardó
Y rellumaron lluces roxes
na nueche de New Jersey

Mientres, n’otra parte de la ciudá
Conduz Rubin Carter y otros dos amigos más
El primer aspirante a campeón mundial
Nun imaxinaba’l marrón que-y diba pasar
Entós un poli tíralu na cai
De xuru que nun ye la primer vez
Ye’l vezu na rexón,
si yes negru valte más nun salir de casa
Si nun quies caldiar l’ambiente

Bello tien un sociu qu'a la pasma-y va soplar
Él y Dexter Bradley salieron a fisgar
“Vimos dos homes con pinta boxear,
fuxir nun coche matrícula d’otru estáu”
Y Patty Valentine, solo asintió
Diz el poli: ”Hai unu que nun morrió”
Lleváronlu pal hospital
Y anque l’home nun podía ver
Dixeron qu’él sabía
quienes yeren los culpables

A les cuatro la mañana, Rubin llega arrestáu
Tráenlu al hospital, lu van interrogar
L’home medio muertu míralu de llau y diz:
“¿Porqué que lu traen? Ésti nun fue’l que
los mató”
Asina ye la historia d’Huracán
Un home al que la llei mandó enchironar
Por dalgo que nun fixo él, na trena lu dexó
Pero, él podía ser del mundu un campeón

En cuatro meses los ghettos tan quemando
En Sudamérica, Rubin peleando
Dexter Bradley sigue’l negociu robando
La pasma quier culpables y lu ta apretando
¿Qué visti nel asesinatu del bar?
Dixisti ver un coche escapar…
¿Nun quieras xugar cola llei?
¿Nun crees que fue aquel boxeador?
Nun t’olvides que tamién tu yes un home blancu

Dexter Bradley diz: “Tan seguru nun toi”
Sabemos lo que robes y Bello ta al cayer
A ti nun te vendría mal otra oportunidá
Nun vas dir a la cárcel pero has ser un buen chaval
Fadrás-y un gran favor a la sociedá
Carter ye bravu y más bravu se pon
Queremos da-y pol culo bien, empaqueta-y
los tres fiambres
Y mandalu pal talego
¿Qué se creerá esi “Don Naide”?

Un hostia de Rubin noqueaba a cualquiera
Pero, a él nun-y gustaba falar d’esa manera
Ye’l mio trabayu, namás llucho pa cobrar
Cuando termino marcho a otru llugar
Un paraísu enllenu ríos y pexes
Onde l’aire ye quién a curar y ye prestoso
cabalgar
A la cárcel lu a van llevar
Onde quieren tresformar un home nuna rata

Les cartes de Rubin taben toes marcaes
El xuiciu foi un circu a l’escontra la verdá
Los testigos paecíen borrachos de burdel
Los blancos que miraben vieron un radical
Los negros, otru llocu de color
Qu’apretó’l gatillu, naide lo dudó
Anque l’arma nun apaeció
El fiscal y el xuráu y deciden que nun hai
otru posible autor

Rubin Carter foi falsamente xulgáu
Por asesín en primer grau, condenáu
Bello y Bradley nun dixeron la verdá
Y los periódicos fixeron lo demás
¿Cómo ye que la vida d’un home nun val pa
nada?
Y queda en manes d’unos pocos canalles
Viendo tan claro l’entramáu nun pueo más
qu’avergonzame
De vivir nun país onde la xusticia ye corrupta

Agora criminales de traxe y corbata
Tomen los martinis enriba na terraza
Rubin Carter ye Buda n´una celda
Un probe inocente nun infiernu viviente
Asina foi la historia d’Huracán
Un home al que la llei mandó enchironar
Por dalgo que nun fixo él, na trena lu dexó
Pero él podía ser del Mundu un Campeón


Lletra orixinal: Hurricane - Bob Dylan
Lletra n'asturianu: Toli Morilla (Descargar)

Güei apaez publicáu en La Nueva España, un nuevu capítulu más de la campaña de la llínia editorial escontra el movimientu asturianista (por poner un nome que lo englobe de forma amplio).

Nél, repasense tolos fechos que l'autor considera reseñables tocante a les rellaciones hestóriques entre l'asturianismu (o los asturchales, como nun intentu de chancia llingüístico llograr condicionar -y dar por fecho- dende un entamu lo que pretende demostrar nel restu l'articulu). También se dan datos y sigles asgaya, pero creo que convienen ciertes matizaciones, por mor de dalguna mentira u omisión nes esplicaciones que apurre el artículu.

UNA sostiene que no puede acusársele de connivencia alguna con los radicales vascos. Una cosa es recibir avales para poder presentarse a las elecciones y otra muy distinta que haya una sintonía política, sostiene esta formación. No parece que esos avales estén en la base del rechazo del Bloque Nacionalista Galego (BNG) a que la formación asturiana se integrase en la coalición Europa de los Pueblos-Los Verdes, de la que forman parte además Esquerra Republicana (ERC), Aralar, Eusko Alkartasuna (EA), la Confederación Verde y la Chunta Aragonesista (CHA).

Nun paez porque la causa ye anterior a que s'asoleyase la cuestión y ta relacionada con la refuga de BNG de la participación na cualición d'axentes asturianos. Realmente, esta cuestión nin siquiera vien a cuentu como se ve na base de negación cola que entama la frase. Dexo a xuiciu de caún sacar una conclusión de porque se noma esti asuntu dientro esti contestu, anque nun paez meramente informativu.

Lo que no impide que Andecha Astur se manifieste contra la ley de Partidos y apoye casi los mismos postulados que los abertzales radicales.

Equí hai pa toos, lo que ye peligroso ye asemeyar y nun esplicar les causes (sobretoo cuando se dexa implicito daqué actitú que pue considerase illegal...). De toles formes, fala, que seguro que daqué queda.

Esta alianza provocó, de paso, la virtual desaparición de UNA, escindida entre Izquierda Asturiana (IAS) y Andecha. De la primera formación (que estuvo integrada brevemente en el Bloque por Asturies) procede la actual Unidá, refundada el año pasado.

IAS tuvo integrada nel BIA (Bloque de l'izquierda asturiana), xunto con PCPE-Asturies ya INA (izquierda nacionaliga d'Asturies). Saldría la primera de la cualición y esta posteriormente desfadríase saliendo'l PCPE pa integrar el INA y les individualidaes restantes el Bloque por Asturies. Polo que nun se pue decir que IAS formare parte del Bloque por Asturies, sinon del BIA.

La Corriente Sindical de Izquierdas (CSI) también mantuvo muchos contactos con el mundo radical vasco a través del sindicato LAB, aunque esas relaciones se han enfriado.

Sí, ye particularmente llamativo que un sindicatu afitáu nun ámbitu territorial dientro de l'Estáu español, tenga rellaciones con otru sindicatu d'otru ámbitu. Tamién podríemos dicir lo mesmo de otros mundos, CC.OO incluso. Pero eso nun dexaría la telaraña que se quier texer tan llamativo.

La década de los ochenta se había iniciado con algo más que un apoyo a los designios etarras. En marzo de 1980 fueron detenidos siete jóvenes militantes del Conceyu Nacionalista Astur -el primer partido asturianista y el crisol del que surgiría todo el universo nacionalista asturiano, incluido el PAS- por su supuesta colaboración con el comando etarra que asaltó el Banco Herrero de Oviedo y se llevó 150 millones de la época.

Anguaño, cuando falamos de ETA nun fai falta especificar, porque namás esiste una organización baxo esi nome. La cuestión ye que nesi asaltu al Bancho Herrero, falamos de ETA-pm (si, aquellos que tres el son VII conceyu decidieron abandonar la llucha armada, integrandose dellos militantes en Euskadiko Ezkerra, anguaño compañera del PSE). Paezme importante tener en cuanta el contestu temporal de lo que se fala, nun seya que seya entracamundiable la hestoria del pasu de los años..

La sintonía ideológica de las izquierdas radicales asturiana y vasca no se ha traducido necesariamente en una utilización de los mismo métodos violentos. Cierto que en los ochenta se produjeron, en 1983 y 1985, hasta cinco atentados con artefactos explosivos caseros, reivindicados por una «Andecha Obrera» de la que no ha vuelto a saberse, y que recientemente la Audiencia Nacional ha condenado a diez meses de cárcel a Fernando González Rodríguez, «Fer», un joven vinculado a Andecha Astur que intentó poner una bomba casera en las inmediaciones de la sede del PSOE en Infiesto (Piloña). Pero afortunadamente se trata de episodios anecdóticos.

Equí, escoyemos lo que nos apetez. Resucitamos Andecha Obrera pa actu seguíu trayer a cuentu el pergastáu casu de Fer. Y vamos repetimos anque resulte cansino. Primero, Fer foi xuzgáu por tentativa d'estragos (eso vien a decir que "intentose", pero nun se llegó a poner) y segundo la resolución refuga el llazu terrorista (cosa que guarda el redautor a pesar de tener bien presente los 10 meses, lo mesmo que los 101 díes que tuvo presu de forma preventivo por daqué de lo que a la fin nun foi acusáu...).

A la fin el mesmu capítulu de siempre que, curiosamente, pesie a tar na dómina de la web 2.0 nun ye comentable na páxina web del diariu al contrariu que otres noticies. Menos mal que dalgún requexu se sigue topando pa rebatir, nun seya que como con Iniciativa Internacionalista, demos l'anulación y escosen les pruebes, razone so xacíu. El filtru de la democracia bipartidista, lo mesmo que los axentes informativos interesaos que formen el so "brazu armáu" ye, cada vuelta, más escuru. Menos mal que tendremos llueu el pasucáis del arguyu de la papeleta en mano. Nun fora que'l día les elleiciones-yos faltare el nuestru sofitu incondicional ya dirixíu.

Ye curioso. Güei diba escuchando esti cantar nel bus y si nun fuera pol soníu característicu que güel a solera noventero cualquier lo diba decir. El discu que tien el corte ye "Para mal o para bien" y salió en 1994. Anguaño, tres 15 años, cualquier diz que nun la escupio cualquier pluma rosendera fai un par de meses....

Es curioso. Hoy iba escuchando esta cantación en el bus y si no fuera por el sonido característico que huele a solera noventera cualquiera lo diría. El disco que contiene el corte es "Para mal o para bien" y salió en 1994. Actualmente, tras 15 años, cualquiera dice que no la ha escupido cualquier pluma rosendera hace un par de meses....



Como vivimos largos tiempos de crisis
y eso no se va a terminar
no debo darle opción a la tisis
aunque me cueste una barbaridad.

Que estamos más guapos callados
eso no se puede negar.
Pero volviendo a si el caso es muy serio
como te lo voy a contar
mientras te llega lo del cementerio
todo es dormir o apencar.
Y no estoy pidiendo un imperio
solo que me dejen en paz
para seguir o quitarme de enmedio.

Prefiero pensar que mañana nada va a ser igual.
Prefiero pensar que mañana nada va a ser igual.

Aunque lo siento he de seguir insistiendo
no es cuestion de molestar
y como un grito solo es un remiendo
puedo ser mas eficaz.
Y no estoy pidiendo un imperio
solo que me dejen en paz
para seguir o quitarme de enmedio.

Prefiero pensar que mañana nada va a ser igual.
Prefiero pensar que mañana nada va a ser igual.

Luce la luna, cae la noche: discrección.
Si acaso el humo aprieta y te descuelgas del balcón. Mientras tus ojos rasgan, casi de refilón, la vieja esquina de la plaza donde nunca se puso el sol...y veras....

Corre raudo, sal cingando, revienta la función. Que entre bambalinas se despierta el telón. Corta el aire, late fuerte un acorde de pasión...(déjala
que vuelva una vez más, que sea bienvenida a su lugar)

Yo me cuelgo y me destierro en mi propia reFLEXión, en sótanos de paraísos que no salen en ninguna canción. Escapo lento y aburrido dejándome llevar por versos libres e insolentes que piden, de verdad, algo más...¡dame más!

Sé que la vieja guardia me vigila en un rincón y sabe que soy susceptible de caer en su prisión. Teje redes, rompe cables, deslumbra con su luz; mientras yo, impertinente, vivo al trasluz de su sombra. A la contra.

A sabiendas que nunca seré ejemplo de mi causa,
tengo claro que nunca podré despegarme de mi ancla.
Y a veces cuando me disparo un tiro en mi interior
queda claro que el proceso es mera imitación:
una sonrisa cautiva que se niega resistir
perdida, escondida y sin poder salir.


Puede ser esta noche la de tu tempestad.
Es verdad o mentira, a ti te da igual.

[Traducción al castellano en el primer comentario]

De guaḥes, la lliberación cimera que mos apurría'l día a día yera la falta de consciencia no tocante a la realidá. Too pasa lento, y ye que les novedaes van dexando fuelgues fondes na memoria. Darréu, eses fuelgues vuelven a pisase una vuelta y otra, polo que'l camín paez facese más rápidu magar de de ciertu momentu. Ye cuando entamamos a dicir que'l tiempu esnala (cuando lo único que fiximos realmente foi cayer nuna rutina que repite los segundos nun dèja vu constante).

A mídía qu'eses novedaes inunden la concencia y van moldeando el mundu que mos arrodia la lliberación na que mos abellugabamos nun entamu empecipia a esmucise. Entós, lo idealizao topeta cola realidá, topámonos de sópitu en mediu d'una especie choque civilizaciones ente ún mesmu y el so entornu: aportes a l'adolescencia col depósitu enllenu y vas quemando combustible según se vaya arrimando'l camín.

El principiu ye la gueta incesante d'ún escape pa la soledá, el desafíu continu al orde establecíu de les coses. L'encorsetamientu frustráu en rellaciones prefabricaes de marca blanco. L'ataque más agresivu a la lliberta que remanez de lo fondero d'ún mesmu. Y esa llende que llantamos nel sitiu menos afayadizu ya inútil.

Sigue la conciencia. La mecha que prende l'artefactu personal ya instranferible que fai reventar la carne cola metralla neuronal.

Hasta que un día, cuando te decates, alcuéntreste nun mar metafóricu de borrín y fumu. Nuna corriente terminal que baña l'ambiente de nueves sensaciones a prueba de tou optimismu. Conoces el mieu y de repente esti conceutu cambia de significáu dafechu. Yá nun fai falta temer a lo que nun conoces, a lo que nun t'espliques o a los inventos ociosu-paranoicos del to celebru, el mieu nun ye eso. El mieu ye'l día a día. Cuando llograr lo más básico pa llegar al día siguiente se convierte nuna tensión constante.
Sabes que yes l'oxetivu detrás del puntu de mira que apunta hacia quien va a cargar colos errores propios y los ayenos, que de sópitu la to espina ta teniendo pola de tola xerarquía p'enriba ti. Dalgunos falen d'arguyu (y yo entá lu ando buscando pero ensin descuidame demasiao, nun seya que venza enriba min esti castiellu de cartes pol que toi teniendo a dures penes).

Asina, pasen los segundos hasta l'asfixia de caúna les célules del to cuerpu; l'autoridá como forma d'agresión física mantenío. Y nun ye'l nome un caprichu nin un ensame d'idegues alternes. Ye la destrucción física d'un individuu por metástasis hacia'l so puntu más débil.

Lo cabero ye buscar soluciones, salides al problema. Perder el tiempu ente papeles y hores muertes y matando pocu a pocu l'optimismu en reserva. Guardar en conserva l'esperanza, como un recuerdu d'inocencia y desconfiar de les soluciones mientres resistes día a día. Escapando a la tentación de resignase dafechu mientres te defiendes panza arriba de los golpes ininterrumpíos...

Hasta que un día, al fin, acaba la guerra. La vida mata.